7 urteko ume bizkaitar bat hil da Errioxako kanpin batean, zehaztu gabeko arrazoiengatik. Adin txikikoa oporretan zegoen Fuenmayorreko (Errioxa) kanpin batean. Logroñoko San Pedro ospitalera eraman zuten, eta handik Nafarroako ospitalera, ez zuten lortu ezer egitea eta bertan hil zen astelehenean. Osasun zerbitzuek ez dute heriotzaren arrazoia argitara eman, baina adierazi dutenaren arabera, arrazoia ez da izan ez bero kolpea ezta istripua ere. 

Sestao River futbol taldeak eman du bere jokalariaren heriotzaren berri sare sozialetan, bertan jolasten baitzuen adin txikikoa. Futbol taldeak eta Fuenmayorreko Udalak, beste askoren artean, beren doluminak eman dizkiete familiari.