Su-eten negoziaketak martxan dira berriz, Netanyahuk oztopo berriak jarrita
Netanyahuk baldintza bezala jarri du Israelek ofentsiba berrabiarazi ahal izatea “gerraren helburuak bete arte”. Iturri batzuen arabera, Hamasek onartu du su-eten iraunkorra negoziaketen lehen fasean adostea, aurrebaldintza izan beharrean.
Gazan su-etena lortzeko negoziaketak abiatu dituzte berriz Hamasek eta Israelek, zeharka. Egiptoko Estatuari lotutako Al-Qahera berri agentziak adierazi du aste honetan Kairon jarraituko dutela negoziaketek, bitartekarien bidez. Bi aldaketa esanguratsu eman dira azken egunetan negoziaketei dagokienez.
Batetik, Hamasek jarrera aldatu du negoziaketetan abiatzeko su-eten iraunkorra eskatzearen inguruan, Reuters eta CNN hedabideek jakinarazi dutenez. Orain arte negoziatzeko aurrebaldintza bat zen Israel prest agertzea su-eten iraunkorra onartzeko, baina Hamasek onartu omen du negoziaketen lehen fasean adostea su-eten iraunkorra. Sei astez iraungo lukeen lehen fase horretan behin-behineko su-etena egongo litzateke indarrean, bitartekariek bermatuko luketena. Aldaketa horren ondorioz, “optimista” agertu dira Israel eta AEBetako zenbait agintari.
Baina, bestetik, Netanyahuk “printzipio zerrenda” bat eman du argitara, bahituak askatzeko balizko negoziaketa batean negoziatu ezinezkoak liratekeen puntu batzuekin. Puntu gatazkatsuena, edozein akordiok baimena eman behar liokeela Israeli ofentsiba militarra berriz hasteko “gerraren helburuak bete arte”, hau da, Hamas guztiz suntsitu arte. Asmo anbiziotsuegia eta “ezinezkoa”, baita Israelgo Armadako buruen iritziz ere.
Netanyahuk jarritako beste baldintza batzuk dira Egipto eta Gazaren arteko mugaren kontrola mantentzea, Gazara armak ez sartzeko aitzakiarekin, eta ezezkoa ematea Hamasek trukea egiteko proposatutako preso palestinar ugariri, “Gazara terroristak ez itzultzeko”. Baldintza horiekin guztiekin lehen ministro sionistak benetako negoziaketari “ateak itxi dizkiola” ohartarazi dute Israelgo iturri diplomatikoek, Haaretzen esanetan.
Negoziatzaile ohi israeldar batek CNN hedabideari esan dio ezin dela espero Hamasek baldintza horiek onartzea. Ez sionisten betoa askatu beharreko preso palestinarren zerrendari, ez Israelen esku gelditzea Filadelfia korridorearen kontrola, Egipto eta Gaza arteko 14 kilometroko eremua, armada sionistak kontrolpean duena orain.
Netanyahuk su-etenerako aukerak boikotatu ditu azken hilabeteetan. Orain negoziatzaileak bidali ditu AEB, Qatar eta Egiptoko bitartekariekin hitz egitera, baina zenbait iturriren arabera denbora irabazteko “trikimailu” bat da, adostasunerako prest dagoenaren itxurak egin eta indartsuago heltzeko hilabete amaieran AEBetara egitekoa den bidaiara. Bestalde, Gazako genozidioak aukera eman dio Israelgo auzitegietan dituen hainbat epaiketa atzeratzeko, eta horien mehatxua ere badu gainean. Netanyahuk, gainera, eskuin muturreko alderdien beharra du gobernuan jarraitzeko, eta horrek are gehiago zailtzen ditu su-etenerako aukerak.
Uztailean Keir Starmerren gobernuak erakunde "terrorista" gisa izendatu zuenetik, Palestine Action taldearen aldeko mezuak erakusteagatik ehunka lagun atxilotu dituzte. Larunbatean manifestazioa antolatu dute Londresen eta beste mila pertsonatik gora atxilotzeko... [+]
2010ean "Mavi Marmara" itsasontzia abiatu zenetik, Palestinarekiko elkartasun itsas operaziorik handiena osatzen du Global Sumud Flotillak. Israelgo Gobernuak terroristatzat jo ditu nazioarteko ekintzaileak.
“Israelgo Estatuaren enbaxadore” gisa datozen txirrindulariei parte hartzen uzteagatik, zale ugarik protesta egin du Vueltaren aurka, hamargarren etapan. Irunberrin, errepidea mozten saiatu diren herritarrak baztertu eta bi pertsona identifikatu ditu Poliziak.
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
.jpg)
Israelgo Gobernuaren esanetan, bere subiranotasunaren aurka eta Hamasen alde dago Global Sumud Flotilla egitasmoa. Hortaz, esku hartze gogorrak iragarri ditu.
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
Igande arratsaldean irten da Bartzelonako portutik Palestinaren aldeko inoizko ontzidirik handiena: 30 itsasontzi inguru eta 300 bat ekintzaile, Gaza helburu, blokeoa apurtu eta genozidioa salatzeko. Bidean ontzi gehiago batuko zaizkie Mediterraneoko hainbat portutatik. Gauean... [+]
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]