Soldata ez ordaintzeagatik, langile batek hondeatzaile batekin hankaz gora jarri du eraikitzen ari zen hotela Erresuma Batuan
Hotela egiteko kontratatutako langile batek hotelaren aurka egin du Liverpoolen (Erresuma Batua), soldata ez ordaintzeagatik. Hotela amaitu berri zuten bi hilabeteko lanen ondoren.
Bi hilabete zeramatzaten MF Construction enpresa azpikontratatutako langileek Travelodge katearen hotel berria eraikitzen, Liverpoolen (Erresuma Batua). Astelehenean amaitu dituzte lanak, eta langile batek, CNN-k jaso duenez oraindik soldata jaso gabe zenak, hondeatzaile batekin hotelaren harrera erabat txikituta utzi du.
Denetariko iritziak egon dira, ekintzaren alde zein kontra daudenak. Michael Parkinson langileak adierazi du jakitun zela langile horri oraindik ez ziotela ordaindu –berari bai–, eta bazekiela “oso haserre” zegoela; horrela jokatuko zuenik, aldiz, ez zuen espero. Bestalde, beste langile batek, Samuel Whitek, ekintza gaitzetsi du: “Azken ukituak egin eta kaiku horrek bi hilabeteko lana zakarrontzira bota du”.
I was on that job an was supposed to get paid the Friday before Xmas, could have been skint for all they knew, never got my money until the 2nd week of January, only a matter of time before something like this happened 🤷🏻♂️😂 pic.twitter.com/WvQ91aRRgL
— Joe fearon (@joefblue) January 21, 2019
