SNP alderdiak irabazi ditu Eskoziako bozak

  • Azken bi hauteskundeetako joerari jarraiki, SNP Eskoziako Alderdi Nazionalak irabazi ditu Eskoziako Parlamenturako hauteskundeak. 129 eserlekutatik 63 erdietsi ditu SNPk. Ez du gehiengo absoluturik lortu: bi eserleku falta izan zaizkio horretarako. %55,6koa izan da parte hartzea.


2016ko maiatzaren 06an - 11:32
Nagusitasuna mantentzea lortu du Eskoziako Alderdi Nazionalak. (Arg: SNP)

Eskoziako Alderdi Nazionalak alde nabarmena lortu du gainerako alderdiekiko. Kontserbadoreek 31 eserleku eskuratu dituzte, eta laboristek 24. Berdeak izan dira laugarren indar bozkatuena, 6 eserleku lortuta. Alderdi Liberal Demokratak, beraz, babesa galdu du, eta laugarren postutik bosgarrenera jaitsi da, 5 eserlekurekin. Bestetik, RISE ezkerreko koalizio independentista berriak ez du parlamentuan sartzerik lortu.

Inkestek SNPren garaipena iragartzen zuten, eta hala gertatu da. Ikusteke zegoen, hala ere, zein alderdik eskuratuko zukeen oposizio buru izateko ardura, kontserbadoreak eta laboristak zeuden lehian. RISE parlamentuan sartzeko aukera ere iragarri zuten inkestek, baina ezkerreko koalizio independentistak ez du helburua lortu.

Eskualdeetako botoa, bestalde, banatuago dago. Kontserbadoreek 24 eserleku lortu dituzte eta laboristek 21. Berdeak izan dira hirugarren bozkatuenak, 6 eserlekurekin eta SNPk 4 eserleku besterik ez ditu erdietsi. Alderdi Liberal Demokratak eserleku bakarra lortu du. Eskozian alderdi txikiagoek ordezkari gehiago eskuratu ohi dituzte eskualdeetako botoen bidez.

Eskoziako hauteskundeetako emaitzak grafiko bidez:


Kanal honetatik interesatuko zaizu: Eskozia
Gas eta petrolio ustiaketarako 100 lizentzia eman ditu Erresuma Batuak

Segurtasun energetikoa hobetzeko “diktadore kanpotarren” menpe ez egotea dela "onena" azaldu du lehen ministroak. Oposizioko alderdiek eta talde ekologistek erabakia arbuiatu dute.


2023-06-12 | Leire Artola Arin
Nicola Sturgeon Eskoziako lehen ministro ohia atxilotuta izan dute zazpi orduz

Kargurik gabe aske utzi du Poliziak, galdekatu ostean. Susmagarri gisa atxilotu dute, SNP Eskoziako Alderdi Nazionalaren finantzaketaren inguruan irekita jarraitzen duen ikerketa baten harira. Bigarren erreferenduma egiteko dohaintzan jasotako diruari lotuta dago kasua.


2023-03-27 | Leire Artola Arin
Humza Yousaf izango da Eskoziako lehen ministro berria

SNP alderdi independentistako buru eta Eskoziako lehen ministro Nicola Sturgeonek otsailean dimititu zuen, eta horrek gertukoen zuen Yousaf hautatu dute haren ordezko gisa SNPko militanteen %52k; botoen %48 lortu du Kate Forbes ebanjelistak.


Nicola Sturgeonen dimisioa: erantzunik gabeko galderak Eskoziarentzat eta SNPrentzat

Jacinda Ardernek duela aste batzuk Zeelanda Berriko lehen ministro kargua utzi zuenean, Nicola Sturgeonek boto-emaileei esan zien oraindik asko zuela egiteko. Baina, dirudienez, Eskoziako lehen ministroa bere etorkizunaz hausnartua zen. Hala aditzera eman zuen Eskoziaren zati... [+]


Nicola Sturgeon Eskoziako lehen ministroak dimisioa eman du

SNP Eskoziako Alderdi Nazionaleko burua 2014ko azarotik da Eskoziako gobernuburu. Eskozian erreferenduma egitearen alde egin du lan, besteak beste. Asteazkenean eman du erabakiaren berri, prentsaurrekoan.


Eguneraketa berriak daude