Skolaek genero berdintasunari egin dion ekarpena saritu du Unescok
Hezkuntza, Zientzia eta Kulturarako Nazio Batuen Erakundeak (Unesco) Skolae hezkidetza programari emango dio Nesken eta Emakumeen Hezkuntzarako Nazioarteko Saria. Urriaren 11n jasoko du Nafarroako Gobernuak, Parisen egingo den ekitaldi batean.
Nafarroako aurreko gobernuko bozeramaile eta Hezkuntza kontseilari Maria Solanak eman zuen berria atzo, kargua utzi zuen egunean, eta Interneteko sare sozialen bidez.
Solanak gogora ekarri du Maria Txibitek gidatuko duen gobernuak "konpromisoa" hartua duela datorren legealdian ere horrekin jarraitzeko. Nafarroako 116 ikastetxetan ezarria dago Skolae hezikidetza programa.
Esta tarde @UNESCO nos ha confirmado que da a #Skolae el premio internacional UNESCO de Educación de niñas y mujeres 2019
— María Solana Arana (@solanarana) August 7, 2019
Azken urtean talde ultrakatoliko, alderdi eskuindar eta hedabide zenbaitetan polemika sortu duen programa izan da. Solanak mehatxu gutunak jaso zituen, eta babespean jarri zuen Foruzaingoak. Skolae landu zuten hamar profesionalek epailearen aurretik igaro behar izan zuten ekainean.
Edukietan sartu gabe, epaitegiak “tramitazio akatsak” argudiatu ditu berdintasunean hezteko programa baliogabetzeko. Hezkuntza Departamentuak helegitea aurkeztuko du.
Pornografiaren eta desinformazio sexualaren aurrean gogoetatu eta baliabideak partekatzeko, jardunaldi arrakastatsuak egiten ari dira Nafarroan, eskola eta familiei zuzenduak. Astearte honetakoa da euskaraz egingo duten jardunaldi bakarra, Bertizen. “Sexu heziketa ez da... [+]
Espainiako Auzitegi Gorenak atzera bota du Nafarroako Gobernuak Skolae auzian aurkezturiko helegitea, baina Hezkuntza Departamentuak ziurtatu du dekretu bat prest duela, forma akatsak zuzentzeko, eta programak aurrera jarraituko dutela.
Carlos Gimeno kontseilariak Nafarroako Hezkidetza Plana onartuko duen Foru Dekretua tramitatzeko asmoa iragarri du.
“Tramitazio akatsa" argudiatuta eta hezkuntza programaren edukia baloratu gabe, Skolae programa ukatu egin du Nafarroako Auzitegi Nagusiak. Xedapen orokor gisa tramitatu behar zela argudiatu du epaileak, eta ez ekimen administratibo modura.