Skolaek aurrera jarraituko du, Berdintasunerako Foru Legearen babespean

  • Espainiako Auzitegi Gorenak atzera bota du Nafarroako Gobernuak Skolae auzian aurkezturiko helegitea, baina Hezkuntza Departamentuak ziurtatu du dekretu bat prest duela, forma akatsak zuzentzeko, eta programak aurrera jarraituko dutela.

Artikulu hau CC BY-SA 3.0 lizentziari esker ekarri dugu.

2021eko maiatzaren 14an - 15:05

Gorenaren epaiak ez du Foru Gobernuaren ibilbide orria aldatu. Ikasturte honetan 221 ikastetxek emango dute Skolae hezkidetza programa, Nafarroako Justizia Auzitegi NAgusiak forma akats batengatik. Plana normaltasunez eman da ikasturte honetan, eta irailetik aurrera Nafarroako ikastetxe publiko eta itunpekoetan zabaltzen jarraituko dute.

Programak 2019an onartutako  Gizonezkoen eta Emakumezkoen Arteko Berdintasunerako Foru Legearen babesa du, eta hezkidetzari buruzko foru dekretuaren babesa ere izango du. Dekretu hori alegazio-prozesuan dago, eta 2021-22an egongo da indarrean. Hala ziurtatu dute Hezkuntza Departamentutik, Auzitegi Gorenak atzera bota ondoren Foru Gobernuak Skolae formazko epai batengatik baliogabetzen zuen ebazpenaren aurka aurkeztutako helegitea. Ikasturte honetan 221 zentro nafarrek eskaini dute Skolae programa.

Bide malkartsua

Nafarroako Justizia Auzitegi Nagusiak Skolae egitasmoa baliogabetu zuen iaz, forma akats bategatik: erregelamendu gisa izapidetu behar zela esan zuten, eta ez administrazio-egintza baten bidez, programa hori curriculumean zeharkako gai gisa sartu baitzen.

Carlos Gimenoren Hezkuntza Departamentuak ebazpen horren aurkako kasazio helegitea aurkeztu zuen, egitasmoa bertan behera utz ez zezaten, forma akatsa konponduko zutela esanez. Aste honetan, Espainiako Auzitegi Goreneko bigarren aretoko epaileek helegite hori atzera bota dute, kasazioaren ikuspegitik eraginkortasunik ez duelakoan.

Ebazpena asteazkenean ezagutu zen, eta egun horretan bertan Nafarroako Gobernuak iragarri zuen Skolae egitasmoari oinarri legala egiteko foru dekretua karrikaratuko duela.


Kanal honetatik interesatuko zaizu: Skolae programa
Bigarren aldiz atzera bota du Nafarroako Auzitegi Nagusiak Skolae programa

Edukietan sartu gabe, epaitegiak “tramitazio akatsak” argudiatu ditu berdintasunean hezteko programa baliogabetzeko. Hezkuntza Departamentuak helegitea aurkeztuko du.


Pornoaren aurrean, sexu heziketa

Pornografiaren eta desinformazio sexualaren aurrean gogoetatu eta baliabideak partekatzeko, jardunaldi arrakastatsuak egiten ari dira Nafarroan, eskola eta familiei zuzenduak. Astearte honetakoa da euskaraz egingo duten jardunaldi bakarra, Bertizen. “Sexu heziketa ez da... [+]


2020-06-22 | Mikel Eizagirre
Nafarroako Gobernuak helegitea aurkeztuko du Espainiako Auzitegi Gorenean, Skolae programa dela eta

Carlos Gimeno kontseilariak Nafarroako Hezkidetza Plana onartuko duen Foru Dekretua tramitatzeko asmoa iragarri du.

 


2020-06-18 | Mikel Eizagirre
Nafarroako Auzitegi Nagusiak atzera bota du Skolae programaren ezarpena

“Tramitazio akatsa" argudiatuta eta hezkuntza programaren edukia baloratu gabe, Skolae programa ukatu egin du Nafarroako Auzitegi Nagusiak. Xedapen orokor gisa tramitatu behar zela argudiatu du epaileak, eta ez ekimen administratibo modura.


Skolae hezikidetza programa saritu du Espainiako Gobernuak

Txibite Lehendakariak Gobernuaren konpromisoa azaldu du Madrilen SKOLAE hezikidetza programa Nafarroako ikastetxe guztietara zabaltzeko.


Eguneraketa berriak daude