Pornoaren aurrean, sexu heziketa
Pornografiaren eta desinformazio sexualaren aurrean gogoetatu eta baliabideak partekatzeko, jardunaldi arrakastatsuak egiten ari dira Nafarroan, eskola eta familiei zuzenduak. Astearte honetakoa da euskaraz egingo duten jardunaldi bakarra, Bertizen. “Sexu heziketa ez da ideologia bat, hainbatek hala saldu nahi duten arren, hezkuntza etapa guztietan landu beharreko funtsezko edukia baizik”, nabarmendu dute hizlariek.
Skolae programaren bueltan antolatu ditu jardunaldiak Nafarroako Gobernuko Hezkuntza Departamentuak, Iruñean, Tuteran eta Bertizen. Heziketa sexual eta emozionala aldarrikatu eta tresnak eman nahi dizkiete irakasle eta gurasoei, gazteen artean nagusi den pornografiaren aurrean. Pornoa fikzioa dela, industria kapitalista indartsu bati erantzuten diola eta arrisku-praktikak normalizatzen eta genero estereotipoak betikotzen dituela gogoratu dute, egunotan.
Ekainaren 6 honetako jardunaldia da hiruetan azkena eta euskaraz izango den bakarra, 16:00etan, Bertizen. Heziketa emozionalaz eta norbere bidearen jabe izateaz hitz egingo du Ane Ablanedo irakasleak, heziketa sexuala eta curriculuma uztartuko ditu Ibai Fresnedo Hiruki Larroxako kideak, heziketa sexual feminista izango du oinarri Ane Ortiz Emaize zentro sexologikoko kidearen hitzaldiak, eta seme-alabekin sexualitateaz hitz egitearen garrantziaz arituko da Amaia Lopez de Armentia sexu osasunaren arretarako zentrokoko profesionala.
Amaia Lopez de Armentiarekin hitz egin du ARGIAk, bere hitzaldiaren inguruan:
"Garbi izan behar dugu haurren sexualitateak ezaugarri berezkoak eta ezberdinak dituela, bizitzaren beste etapa batzuekin alderatuta"
Hitz egin dezagun sexualitateaz gure seme-alabekin du izena zure hitzaldiak. Gutxi hitz egiten dugu sexualitateaz, oraindik ere?
Gaia saihestera jo duen hezkuntza eredutik gatoz, tabuaren eredutik, isiltasunarena, debekuarena... Gero eredu permisiboago batera igaro ginen. Orain gure erronka da giza dimentsioa duen eta lantzea merezi duen sexualitatearen errekonozimendu eredua. Sexualitatea lantzen ikasten da hitz eginez. Familiek eta irakasleek pausoa eman behar dugu eta hitz egin behar dugu sexualitateaz.
Hitz egin, zein adinetatik eta nola?
Lehenengo unetik: azala azalarekin kontaktuan mantenduz, atxikimendua sustatuz, familia eta bikote aniztasunaz hitz eginez... Haurren jakin-minari erantzungo diogu, haien garapen ebolutiboa errespetatuz. Garbi izan behar dugu haurren sexualitateak ezaugarri berezkoak eta ezberdinak dituela, bizitzaren beste etapa batzuekin alderatuta. Baina sexualitatea ez da nerabezaroan hasten.
Gurasooi errazagoa zaigu gai hau eskolarengan delegatzea?
Erantzukizuna komunitate osoarena da. Familia lehenengo urteetan, ikastetxea geroago, osasun-sistema, hedabideak...
Pornoaren aurrean bestelako begiradak eskaintzea da jardunaldien helburuetako bat. Pornoa da gazteek duten erreferentea?
Gazte askoren artean dagoen errealitate bat da pornografia. Eta agerikoa da pornoaren helburua ez dela heztea. Aldiz, heziketa sexualaren xedea da haur eta nerabeek beren burua ezagutzea, onartzea eta tratu onak oinarri dituzten harremanak garatzea, kritiko izatea pornografia biolentoak edo mainstream-ak eskaintzen dituen eredu eta desinformazioarekiko. Erronka da sexualitatean heziketa integrala bermatzea, nazioarteko erakundeek agintzen duten moduan.
Askotan, sexuaz gaztetxoekin hitz egiterakoan sexuaren arriskuez, prebentzioaz… hitz egiten da bakarrik, eta ez hainbeste plazeraz, batez ere nesken kasuan.
Ikuspegi positiboagoa eta zabalagoa izan behar dugu, eta arrisku eta prebentzioaz gain, sexualitatearen bizipen eta adierazpen atsegina sustatu behar dugu. Tratu ona erotizatzea, gizonengan, emakumeengan, aniztasun funtzionala duten pertsonengan, bikotekidea izan edo ez, desira-joera dena delakoa... eta bizitzaren etapa guztietan. Horregatik hitz egiten dugu sexualitateez, pluralean.
Jose Ignacio Munilla gotzainak enegarren aldiz erakutsi du bere homofobia, homosexualitatea “sendatzeko” terapiak defendatuz. Valentzian irakasle bat harrapatu dute ikasleekin birmoldaketa homosexualeko terapiak egiten, eta Donostiako apezpiku ohia bere alde atera... [+]
1.075 pertsona artatu ditu Barakaldoko ospitaleko genero-identitateko unitateak, 2016ean unitate hori martxan jarri zenetik. Erdiak baino gehiagok adin-nagusitasuna bete aurretik jaso zuen lehen arreta. Eta, kopuru osoaren herenak hamasei urte baino gutxiago zituen.
Desiraren, genero identitatearen eta erotikaren ikuspegia zabaltzeaz mintzatu da Igor Nabarro sexologoa. Nerabezaroan muineko lesio bat izan zuen, eta hori dela-eta zalantzan jarri zituen maskulinitatea eta sexualitatea. Salatu du istripuaren ostean ez zuela inongo heziketa... [+]
Epaimahaiaren esanetan, dokumentala beharrezkoa da "bizikidetzari espazioa emateko", eta era berean, ez ahazteko urte luzez lesbianismoak ez duela ikusgarritasunik izan. Filminen dago ikusgai.
Euskal Herriko Sexu Askapenerako Mugimenduak (Ehgam) urtero bezala kalera aterako dela adierazi du, “Gure gorputz ez-bitar, trans, bollera, marika, bisexual eta disidenteez harro gaudela nahi dugu esan. Gure luma, gure bizitza-eredu ez-heterozuzenak eta gure... [+]
'Queertopia' da aurtengo Zinegoak jaialdiaren izenburua. Queertopiek erakusten dute posible dela errealitate ezberdinak harremanetan jartzeko espazioak sortzea. Alaitz Arenzana jaialdiko zuzendariarekin eta Julen Nafarrate komunikazio arduradunarekin duela 21 urte Bilbon... [+]
Aktibista intersexa* eta DJa da Marikarmen Free (Baena, Espainia,1984). 2003. urtean sistema psikiatrikoaren kontrako borrokan hasi zen, eta gaur egun bide beretik doa Insania kolektibokoekin. Martxoan, Iruñeko Katakraken egindako “Zapalkuntza psikiatrikoa eta... [+]
Errezilgo Udalak jakinarazi duenez, aurpegia estalirik eta jarrera “oso bortitza” zuen gizon talde batek bikote baten etxeari eraso egin eta bikotea iraindu zuen. Udalak erasoa gaitzetsi du.
Zinegoak, Bilboko LGTBIQ+ 21. nazioarteko zinema eta arte eszenikoen jaialdia, ekainaren 24tik uztailaren 1era egingo da. Jaialdiaren barruan, bigarren urtez, Bizi Bisexualitatea proiektuak bere tokia izango du. Egitasmo horrek bisexualitatea eta euskal kultura uztartzen ditu... [+]
Pornografia eztabaidagai izan da hainbat hamarkadatan, eta eztabaidaren zati handi batean ikuspegi moralista eta alarmista nagusi izan da gizarte helduaren aldetik. Hala ere, bada garaia begirada estu hori zalantzan jartzeko eta pornografia ikuspegi zabalago eta zehatzago... [+]
Joten erritmora harro erakusten du luma Itxi Guerra aktibista antikapazitistak (Madril, 1998). Gorputz desgaituek bizi dituzten biolentziak balioztatzeko eta sistemari aurre egiteko saretzearen garrantziaz mintzatu da. Gorputzaren bizigarritasuna aldarrikatu du:... [+]
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
Iaz 1.343 infekzio erregistratu ziren, duela zazpi urteko zifrak laukoiztu dira. Adituen arabera "arriskuaren pertzepzioa galtzen ari da" eta hartara prebentzio neurri gutxiago hartzen dira.
Maiatzaren 5ean mobilizatzeko deia luzatu dute 800 eragilek Politis komunikabidean plazaraturiko iritzi artikulu baten bitartez. Tartean daude besteak beste, Annie Ernaux idazlea, Hiesaren aurka dabilen Act Up elkartea, Planning Familial talde feminista ezaguna,... [+]
Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]