"Sistema publiko indartsua" aldarrikatuko du hezkuntza komunitateak Aiaraldean
Eusko Jaurlaritzako Hezkuntza Sailak aurrematrikulazio kanpainan abian jarritako zaurgarritasun indizeak gatazkak piztu ditu Arabako Lamuza eta Zabaleko eskoletan. Mobilizazio zaratatsua egingo dute ostiralean, Lamuza ikastetxetik abiatuta.
Aiaraldeak Lamuza eta Zabaleko eskolako bi guraso elkarrizketatu ditu: Monica Migueléz Garcia eta Esti Garmendia Santamaria.
EAJk, EH Bilduk, PSE-EEk eta Elkarrekin Podemosek sinatutako hezkuntza legearen aurreproiekturako akordioan jarri du Miguelézek gertatutakoaren jatorria. Garmendiaren iritziz, "arrazista eta klasista" da Hezkuntza Sailaren planteamendua: "Galdetegi horrek ahalbidetzen duena da etiketa bat jartzea eta ‘zaurgarri’ sailkapena duten familiei ukatzea euren seme alabentzako hezkuntza mota erabakitzeko eskubidea".
Miguelézek salatu du atzean dagoena dela itunpeko ikastetxeei "mesede egitea" eta hezkuntza publikoari "baliabide gutxiago" eskaintzea. Hala, bi gurasoek salatu dute hezkuntza sistema duala berez segregatzailea dela, eta "sistema publiko indartsu" baten beharra jarri dute mahai gainean. Era berean, adierazi dute eskola barruan bizi den errealitateak haurrek kanpoan topatuko dutenarekin bat egiten duela.
Mobilizazioa ostiralean
Manifestazio zaratatsua egingo dute ostiralean 18:00etan Lamuza Ikastetxetik abiatuta, Aiaraldeko hezkuntza publikoa bizirik! lelopean. Eskualdeko hezkuntza zentro publikoek eta bertako guraso elkarteek deitu dute mobilizazioa, eta herritar guztiei luzatu diete bertaratzeko gonbidapena.
37 euskal ikertzailek hartu dute parte asteartean Txiotesia7 lehiaketan. Mastodon eta X/Twitter sare sozialetatik zabaldu zituzten beren ikerketa lanak, euskaraz.
Astearte gauean Israelen genozidioaren aurkako itxialdia "normaltasunez" egin dute DBH eta Batxilergoko ikasleek Iruñerriko hainbat institututan, ARGIAri kontatu diotenez. Itxialdi horiek egin ez zitezen saiatu da Nafarroako Gobernua, astearte eguerdian... [+]
Heziketa perfektua jasoko duen seme-alaba perfektua izateko nahiak eta espektatiba eta lorpenetan oinarritutako kulturak estresa, antsietatea eta jarrera arazoak sortzen dituzte, eta zabalduta dagoen fenomenoa da gainera. Hala dio ikerketa berri batek.
Hamar egunez, aisialdi orduetan telebista, bideo-joko eta smartphoneak alboratuko dituzte gutxienez 1.553 ikaslek, Ipar Euskal Herrian. Helburua lortzeko, pantailarik gabeko alternatibak diseinatu dituzte aisialdirako, denok bat eginik deskonexio digitala errazagoa dela... [+]
Maiatzaren 12an Senpereko lakuaren inguruan egin da Herri Urrats, ohi bezala. 41. edizioan Nekane Artola Ikastolen Elkarteko lehendakariak hiru gauza galdegin ditu: baliabideak, hizkuntza politika ausartagoak eta euskararen ofizialtasuna.