Sionistak sabotajeak egiten ari dira Gazara laguntza humanitarioa daramaten kamioietan
Ehunka sionistek eserialdia egin dute Israel hegoaldean, bidea oztopatzeko Jordaniatik datozen kamioiei. Zisjordanian laguntza humanitarioa zeraman konboi bati eraso egin eta produktuak suntsitu dituzte.
aurre egingo dieten hedabide independenteak
Azken asteetan behin baino gehiagotan ikusi ditugu halako irudiak. Zibil israeldarrek oztopatu egin dituzte Gazara sartzekoak ziren laguntza humanitarioaren kamioiak, eta karga lapurtu edo suntsitu egin dute. Hebron inguruan, Zisjordanian, gertatu da aste honetan. Tzav 9 izeneko eskuin muturreko erreserbista talde batek kamioiei eraso egin die eta, Israelgo giza eskubideen abokatu baten esanetan, Poliziaren babesarekin egin dute ekintza. Sapir Sluzker Amran abokatua Hebron inguruko Tarqumiyah igarobidean egon da, eta salatu du Poliziak jakinarazi diela aktibista sionistei noiz eta nondik igaroko ziren kamioiak. Berak atxiloketarik ikusi ez badu ere, Haaretz hedabide israeldarrak esan du lau atxilotu egon zirela, Polizia sionistaren iturriak aipatuta. Hedabide honen arabera, polizia eta armadako kideak joan direnean, aktibistak itzuli dira eta bi kamioiri su eman diete.
Israelgo armadak zabaldutako bideo batean ikus daiteke nola blokatzen duten konboia manifestariek. The Jerusalem Post hedabidearen beste bideo batek erakusten du nola botatzen dituzten kutxa ugari kamioietatik lurrera, ondoren edukia suntsitzeko. Tzav 9 taldeak aldarrikatu ditu ekintza hauek, eta adierazi du laguntza humanitario guztia oztopatuko dutela Hamasek bahitutako pertsona guztiak askatu arte. Haur ugari ere ikusten dira laguntza humanitarioa suntsitzen.
Israel hegoaldeko Eilat hiriaren inguruan, Jordaniako mugan ehunka kamioi geldirik egon dira aste honetan, kolono israeldarrek Gazara doan errepidea blokeatzen zuten bitartean. Al Jazeeraren arabera, “gobernu israeldarraren zaintzapean” egin dute eserialdia, eta manifestariek Gazaren aurkako “blokeo osoa” eskatu dute. NBE eta Munduko Bankuaren txosten batek ohartarazi du Gazako biztanleen erdia baino gehiago muturreko gosez bizi dela. Txostenean nabarmendu dute munduan gosea bizi duten pertsonen %80a baino gehiago Gazako palestinarrak direla.
Gaza guztiz husteko eskatu dute kolonoek
Kolono israeldarrek, Israelgo Gobernuko eskuin muturreko ministro batzuekin batera, manifestazioa egin dute Sderot-eko kolonian, eskatzeko Gaza osoa hustu eta kolonizatzeko. Gobernuari eskatu diote koloniak eraiki ditzala etxe palestinarren hondakinen gainean. Sderot Gazako Zerrendatik kilometro bat baino gutxiagora dago, eta bertako kolonoak ezagun egin dira hilabeteotan, muino batean eseri eta begira egoten zirelako nola armada sionistako hegazkinek Gaza bonbardatzen zuten. Misil sortak botatzen zituztenean txalo egiten ikusi izan dira bideo ugaritan.
Uztailean Keir Starmerren gobernuak erakunde "terrorista" gisa izendatu zuenetik, Palestine Action taldearen aldeko mezuak erakusteagatik ehunka lagun atxilotu dituzte. Larunbatean manifestazioa antolatu dute Londresen eta beste mila pertsonatik gora atxilotzeko... [+]
2010ean "Mavi Marmara" itsasontzia abiatu zenetik, Palestinarekiko elkartasun itsas operaziorik handiena osatzen du Global Sumud Flotillak. Israelgo Gobernuak terroristatzat jo ditu nazioarteko ekintzaileak.
“Israelgo Estatuaren enbaxadore” gisa datozen txirrindulariei parte hartzen uzteagatik, zale ugarik protesta egin du Vueltaren aurka, hamargarren etapan. Irunberrin, errepidea mozten saiatu diren herritarrak baztertu eta bi pertsona identifikatu ditu Poliziak.
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
.jpg)
Israelgo Gobernuaren esanetan, bere subiranotasunaren aurka eta Hamasen alde dago Global Sumud Flotilla egitasmoa. Hortaz, esku hartze gogorrak iragarri ditu.
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
Igande arratsaldean irten da Bartzelonako portutik Palestinaren aldeko inoizko ontzidirik handiena: 30 itsasontzi inguru eta 300 bat ekintzaile, Gaza helburu, blokeoa apurtu eta genozidioa salatzeko. Bidean ontzi gehiago batuko zaizkie Mediterraneoko hainbat portutatik. Gauean... [+]
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]