Nafarroako, Arabako, Bizkaiko eta Gipuzkoako ekaineko enpleguaren datuak atera ditu SEPE Espainiako enplegu erakundeak, hasiera batean baikorrak diruditenak: maiatzean baino 2.423 langabe gutxiago daude izena emanda Lanbiden eta Nafar Lansaren, orotara 142.991 pertsona. Dena dela, ELA eta LAB sindikatuek datu horien bigarren irakurketa egin eta azpimarratu dute lanpostuak gero eta prekarioagoak direla.
Hego Euskal Herriko langabezia-tasa %11,5ekoa da, eta ELAk gogorarazi du Europar Batasuneko batez bestekoaren ia bikoitza dela (%6,1). Gainera, bi sindikatuek generoari erreparatu diote, lau puntuko aldea baitago: emakumeen langabezia-tasa %12,7koa da eta gizonena %8,4koa. LABek nabarmendu du 25 urtetik beherako gazteetan dagoela desberdintasunik handiena (%2,9 igo da emakumeen langabezia-tasa): “Egungo sistemaren ezaugarritzearen ondorioz, lan merkatuak emakumea eta gaztea izatea modu bikoitzean zigortzen du, lan baldintza prekarioetara eta langabezia tasa handiagoetara zigortuz”.
Ekainean sinatutako kontratuen %27,1 izan dira mugagabeak, baina ELAk ohartarazi du gehitu egin direla aldizkako kontratu mugagabeak, hau da, urtean denboraldi batean lan egiteko direnak: “Horren erakusle da Espainiako Estatuan iazko ekainean lanaldi osoko kontratu mugagabeak 10etik 6 izan zirela eta aurten 10etik 4”. Halaber, sindikatuek kritikatu dute langileak erosteko ahalmena galtzen ari direla oro har. “Oinarrizko produktuak garestitzen ari diren bitartean, soldatak edota pentsioak KPI-aren azpitik eguneratzen ari direlako”, ondorioztatu du LABek. “INE-k aurreraturiko datuen arabera, ekaineko inflazioa %10,2-koa izango da eta epe ertainean goranzko joerarekin jarraituko du”. LABek Espainiako lan erreformari leporatu dio “ezegonkortasun forma berriak zabaltzea” aldizkako kontratu finkoen ugaritzearekin.
Langabezia nehoiz baino apalago da Iparraldean, baina inflazioa beti traba izaten segitzen du ekonomian. 2023ko lehen sei hilabetetako tendentzien berri eman du Baionako Merkataritza eta Industria Ganberak. 210 enpresabururen sentipena bildu dute inkesta batean. Heren batek... [+]
LABek salatu du Espainiako Estatuko lan erreforma onartu zenetik aldizkako lan kontratua dela emakumeen artean nagusi.
Enpresak ABEE bat aplikatzen du, soldata murrizketak, plantillaren langabeziaren kontsumoa eta gastu publikoen igoera dakarrena, nahiz eta irabazi errekorrak izan. Gainera, malgutasuna handitzeko, plantillari "xantaia" egiten diola adierazi du sindikatuak prentsa... [+]
Haurrak eta adinekoak zaintzeagatik lana utzi behar izan duten pertsonen kopurua %42 hazi da Espainiako Estatuan, eta horrek biztanleria ez-aktiboaren igoeraren erdia eragin du. Lanik egiten ez zuten pertsonak ia landunak bezainbeste ziren 2022ko azken hiruhilekoan.
144.903 langabe gehiago daude Hego Euskal Herrian, horien artan %60 emakumeak.