Ohar bateratuan, ELA, LAB, UGT eta CCOO sindikatuek salatu dute COVID-19aren infekziosoen sei anbulantzia kendu dituztela, eta zerbitzuaren pribatizazioa kritikatu dute.
Ostiraletik Euskal Autonomia Erkidegoan infekziosoen sei anbulantzia gutxiago daude jardunean, Eusko Jaurlaritzak erabaki duelako pandemian lanean aritu diren anbulantzia horiek ez direla behar aurrerantzean. Beraz, bertako 60 langileak lanik gabe utzi dituzte. ELA, LAB, UGT eta CCOO sindikatuek eskatu dute langile horiek guztiak berriro kontratatzeko, COVID-19arekin eta gabe anbulantzia-zerbitzu hori “beharrezkoa” delako.
Sindikatuek kaleratutako oharrean agintariei aurpegiratu diete “gezurretan” aritzea; salatu dute pandemian politikariek esaten zietela zerbitzua "babestu eta indartu" behar zela, baina hori guztia ahaztu egin zaiela orain. Halaber, kritikatu dute EAEko osasun-sistema aspaldidanik “zaharkituta” dagoela, eta zerbitzuen pribatizazioak kalte handiagoak dakartzala: “Prekarietate handiagoa, segurtasun falta handiagoa, gastu handiagoa”. Pertsonen osasuna onura ekonomikoen gainetik jartzeko galdegin diote Jaurlaritzari.
Gainera, datozen hilabeteetan gripearen eragina nabarituko dela aurreikusita, ohartarazi dute premiazko garraio-sareak behar bezala funtzionatu beharko duela eta, horregatik, Jaurlaritzari eskatu diote kaleratutako langile guztiak berriz hartzeko eta kendutako anbulantziak ere martxan jartzeko.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.