Sindikatuek EAEko hezkuntzan greba deitu dute irailaren 15erako
Eusko Jaurlaritzak ikastetxeetara buelta langileak kontuan hartu gabe eta neurri aski hartu gabe egin duela salatu dute. Ikasgeletara itzulera “ziur eta adostua” exijitzeko xedez egingo da greba, eta hezkuntza sare publikoari zein itunpekoari eragingo lioke.
Irailaren 7an da hastekoa ikasturtea EAEko ikastetxeetan, eta ikasturteari ekin eta astebetera deitu dute sindikatuek hezkuntzan greba, irailaren 15ean. Steilas, LAB, ELA, CCOO eta UGT sindikatuek egin dute deialdia, ikasgeletara itzulera “ziur eta adostua” exijitzeko. Grebak EAEko hezkuntza osoari eragingo lioke, sare publiko zein itunpekoari.
Grebara deitzeko arrazoien artean daude ondoko xedeak: baliabide gehiago eskatzea eta ikasgeletara buelta langileekin adosteko eskakizuna egitea. Izan ere, salatu dute hezkuntza alorreko langileak kontutan hartu gabe prestatu duela Eusko Jaurlaritzak ikastetxeetara buelta, eta Hezkuntza sailak ez duela sindikatuekin bilerarik ere egin. Horrez gain, itzulerarako hartutako neurriak ahulak direla ere seinalatu dute.
"Sindikatuok behar pedagogikoei erantzungo dion aurrez aurreko ikasturte baten aldekoak gara zalantzarik gabe, bereziki zaurgarriak diren ikasleak babesteko. Hezkuntza gizarterako kohesio tresna bat delako. Argi dago ordea, egoera epidemiologiko kezkagarri batean gaudela, eta horregatik ezinbestekoa da aurrez aurreko itzulera segurua bermatzeko neurri eraginkorrak planifikatu eta hori posible izateko baliabideak jartzea", adierazi dute.
Greba deialdia egitearekin batera, maiatzean eskoletara itzulera posible baten aurrean abiatu ziren protestei segida emango zaie. Eskakizunen artean leudeke, besteak beste, irakasle eta garbitzaile plantilla handitzea, ikasgela bakoitzeko ikasle kopurua hamarrera mugatzea edota edukiak murriztea ikasleen arreta emozionalari tartea eskaini ahal izateko. Ildo horretan, ratio handienak dituzten ikastetxeei begira mila irakasle gehiago kontratatzeko Jaurlaritzaren iragarpena nahikoa ez dela deritzote sindikatuek, eta baliabide gehiago beharko direla adierazi dute.
Ostiraletik aurrera, mobilizazioak
"Gure ikastetxeetan aurrez aurreko itzulera segurua eta adostua" lelopean egingo den greba irailaren 15erako deitu badute ere, ostiraletik aurrera mobilizazioei bide emango diete. Ostiralean hezkuntza zentroetan elkarretaratzeak egingo dira, eta irailaren 10ean Hezkuntza sailaren hiriburuetako ordezkaritzen parean egingo dira mobilizazioak, 18:00etan.
Zergatik eskaintzen dira Lanbide Heziketako hainbeste ziklo erdara hutsean EAEn? Zergatik jarraitu behar dituzte ikasketak gaztelaniaz ordura arte D ereduan euskaraz aritu diren ikasle andanak? Lanbide Heziketa euskalduntzeko behingoz plan estrategiko bat gauzatu dezala eskatu... [+]
Errektoretzaren erantzun ezan, ehun bat irakaslek berriz eskainiko diete ikasleei ahozko froga euskaraz pasatzeko aukera. Guraso elkarteek ere bat egin dute ekimenarekin, errektoretzaren inplikazioa eskatuz.
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]
Ekainaren 23aren eta uztailaren 2aren artean iraganen da ahozko azterketa. Frantsesez pasa beharreko azterketa izanda, Seaskako, sail publikoko eta pribatuko irakasle batzuek publikoki jakitera eman dute euskaraz bideratzeko aukera eskainiko dietela ikasleei.
Gasteizko Umandi ikastola duela 50 urte sortu zuten hainbat familia aski ausartek –herri ekimena, orduan ere–, euskararen transmisioa ardatz hartuta. Mende erdia joan da, ikastola hazi egin da, belaunaldi berriak hezi ditu ez gutxi, komunitate baten erreferente ere... [+]
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
“Lehenengo mailako ikasleek enpresetan egin dituzten praktikak existitu ez balira bezala jokatzeko eta notak aurreko sistemaren arabera jartzeko eskatu digute”, adierazi dio ARGIAri irakasle talde batek. Hori eta beste hainbat adibide eman dizkigute, azaltzeko modu... [+]
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
Udako Euskal Unibertsitateak hogei jardunaldi eta topaketa antolatu ditu ekainaren 11tik hasita hilabete batez, hausnarketari bide emateko eta "arnasgune akademikoa" izateko helburuarekin. Inguma datu-base berrituan unibertsitate mailako jakintza alor ugaritako ia 50.000... [+]
Espainiako Lanbide Heziketaren legeak egoera larria ekarri duela iritzita, kezka nagusiekin manifestua idatzi du irakasle talde batek eta jasotako sinadurak aurkeztu dizkio Eusko Jaurlaritzako Lanbide Heziketako Sailburuordetzari. “Joan garen ikastetxe guztietan bat egin... [+]
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela... [+]
Ehunka pertsona joan dira jaialdira, haien artean Begoña Pedrosa Hezkuntza sailburua, 60 milioi euroko inbertsioa iragarri duena Eskola Txikientzat.
EAEko Hezkuntza Sailak egindako “balorazio oso positiboa” ezbaian jarri du Arartekoak ebazpen batean. Bere esanetan, “neurri irmoagoak” hartu ezean, Ordiziako eskoletan dauden zaurgarritasun eta hizkuntza desoreka arazoak konpontzetik “urrun”... [+]
Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.
Nork sinesten du urtebetean Ordiziako errealitatea goitik behera aldatu dela eta desorekak desagertu direla?
Udaberriko oporren ataritan egunkarietan Begoña Pedrosak eman zigun titularra: Ordiziak ez du desorekei aurre egiteko plan berezirik behar... [+]