Sindikatuak elkar hartuta, Osakidetzaren aurrean
Osakidetzan ordezkaritza duten sindikatu guztiak elkar hartuta mobilizatu dira ostiral honetan, ekainak 26, "Eusko Jaurlaritzaren murrizketa politika" salatzeko. Lotsagarria da onartu behar izatea, baina pandemia honek erakutsi du Osakidetzako lantaldea akituta dagoela babes-neurrien faltagatik eta behin-behinekotasunaren ondorioz.
Eusko Jaurlaritza eta bera sostengatzen duten alderdiek, beti haizatu izan dituzte Osakidetzaren onurak; munduko gainerako lurraldeen aurrean ere eredu gisa jarri izan dute. Baina Espainiako Estatuko beste tokietan bezala, Osakidetza murrizketen protagonista bilakatu da, oraindik jasaten ari garen pandemia madarikatu honek erakutsi digu hori. EAEko osasun arlo publikoan ordezkaritza duten sindikatu guztiak (Satse, ELA, LAB, SME, CCOO, UGT eta ESK) elkar hartuta mobilizatu dira "Eusko Jaurlaritzaren murrizketa politika" salatzeko. Izan ere, euren ustez, "osasun publikoaren ahultze progresiboa eta kezkagarria eragin dute".
Lotsagarria da onartu behar izatea, baina pandemian zehar frogatu da Osakidetzako lantaldea fisikoki eta psikologikoki akituta dagoela, profesional bat hil eta beste 2.000 baino gehiago kutsatu dituelako birusak, babes-neurrien faltagatik. Lotsagarria da egiaztatu behar izatea Osakidetzaren barruko kutsatzea hain handia izan dela: bertako langileek EAEko kasu guztien %18 ordezkatzen dute.
Babesik eza, enplegu prekarioak, behin-behinekotasun handia, kontratazioaren gehiegizko eta iruzurrezko erabilera, non Osakidetzako langileen % 40 aldi baterako den… Horiek guztiak Jaurlaritzak mantentzen dituen murrizketa-politiken adibide dira.
Sindikatu guztiek salatu duten egoera larri hori, eta hauteskundeak datozen honetan, Lakuak sikiera aitortu egin beharko luke murrizketa horiek egin dituela. Horrela bakarrik bideratu ahal izango ditu Europako batez bestekoaren antzeko partida ekonomikoak, eta kalitatezko osasuna ziurtatu. Horretarako, besteak beste, garrantzitsua da lantalde nahikoa, egonkorra eta duintasunez ordaindua izatea, prekarietatea eta behin-behinekotasuna baztertuz.
Laudioko fabrikako jardunaren zati bat tokialdatu nahi du zuzendaritzak, 39 behargin kaleratuz.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Greban dira Benito Menni egoitzako langileak joan den abuztuaren 25etik, irailaren 8ra bitarte. Hermanas Hospitalarias enpresak agindutako kaleratzeen eta unitate itxieren aitzinean, Nafarroako Gobernuak ez duela arduratsuki jokatzen ari salatu dute.
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.