Sexu indarkeriagatik zigortutakoei kondena murriztea babestu du Espainiako Auzitegi Gorenak
Urrian ‘soilik baietz da baietz’ legea indarrean sartu zenetik, lege berriaren interpretazio ezberdinak eta kontraesankorrak egin dituzte Espainiako Estatuko auzitegi ezberdinek, eta interpretazio askok kondena murriztu die legea aplikatu aurretik sexu indarkeria egotzita zigortutako hainbati. Espainiako Auzitegi Gorenak lege berriaz egindako lehen interpretazioak jurisprudentzia sortu du: lega onartu aurretik agindutako zigorrak arindu ahalko dira lege berriarekin, “kasuan kasu” aztertu beharko den arren
Urriaren 7an sartu zen indarrean Sexu Askatasunerako legea, 'soilik baietz da baietz' izenez ere ezaguna. Onarpenik gabeko sexu jarduera oro sexu eraso gisa kalifikatua izatera igarotzea, hori izan da berekin ekarritako funtsezko aldaketetako bat izan da; lege berriarekin sexu abusu delitua desagertu egin baita, sexu eraso izatera igaroz.
Teorian emakumeen sexu askatasuna mesedetu behar luke lege berriak, baina indarrean denetik egin den aplikazioak sexu erasoak egin dituzten hainbat gizoni ekarri dizkio onurak. Izan ere, hainbat auzitegik legeaz egin duen interpretazioak zigorrak murriztu dizkie legea onartu aurretik sexu erasoengatik kondenatutako hainbat gizoni.
Kontua da lege berriak egin duen sexu abusu eta sexu eraso delituen bateratzearen ondorioz, sexu erasoentzako gutxieneko zigorra gutxitu egin dela -adibidez, penetrazioa egon den kasuetarako, kartzela zigorra 6 urtetik 4ra murriztu da-. ElDiario.es-ek jasotzen duenez, “sexu delituengatiko kondenen zorua eta sabaia, orokorrean, aurreko Zigor Kodearekin baino baxuagoak dira orain”. Eta hori horrela, errudun jotakoari mesedegarriena zaion zigorra aplikatzeko Espainiako Konstituzioak jasotzen duen printzipioa aplikatuz, hainbat probintzia auzitegik kondenak murriztu dizkie sexu erasoak gauzatu dituzten hainbat pertsonari.
Espainiako Zigor Kodearen bigarren artikuluan jasotzen denez, ‘soilik baietz da baietz’ bezalako lege-aldaketa bat atzeraeraginez interpreta daiteke, baldin eta kondenatuari mesede egiten badio, inoiz ez kalte egiten badio. Horrek posible egiten du kondena berrikustea, kondenatua izan ondoren indarrean sartu den lege batekin. Eta hori da hainbat probintzia auzitegi egiten hasi direna, nahiz eta interpretazio kontraesankorrak egin dituzten. Adibidez, sexu indarkeriagatik emandako sententziak ez dituela berrikusiko adierazi zuen asteartean Nafarroako Auzitegiak.
Legearen interpretazio eta epai kontresankor horien aurrean, erabakigarria da Espainiako Auzitegi Gorenak Arandina auzian egindako lege berriaren interpretazioa, jurisprudentzia sortu baitu. ‘Soilik baitez da baietz’ legea aplikatuz, zigorra murriztu die adin txikiko bat bortxatzeagatik kondenatutako Aranda de Dueroko (Espainia) Arandina futbol taldeko bi futbolari ohiri. Fiskaltzak 10 urteko espetxe zigorra eskatzen zuen, eta auzitegiak 9 urtera murriztu die zigorra.
Espainiako Auzitegi Gorenak egindako ‘Soilik baitez da baietz’ legearen lehen interpretazioa da, eta legea atzerako eraginez aplikatzeko jurisprudentzia sortu du; alegia, lega onartu aurretik agindutako zigorrak berrikusi ahalko dira lege berria oinarri hartuta. Ñabardura bat egin du, ordea: magistratuen arabera, lege berriaren aplikazioa “kasuan kasu” aztertu beharrekoa da azpimarratu dute magistratuek, “kasu bakoitza aztertuz, eta ez era orokortuan, bai epaiketaren zain dauden auzietan, bai apelazio eta kasazio helegiteetan eta baita betearazpen prozeduretan ere”.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Uztailaren 5ean egin zituen sexu erasoak Iruñeko barraka gune batean. Leporatutako delituen larritasuna dela eta epaileak fidantza ordaintzeko aukera kendu dio.
2024aren bukaeratik behartu du gaztea berekin sexu-harremanak izatera, diru truke.
Mauleko Chaumes gasnategian langile eta CGTko sindikatu ordezkaria izandako gizon baten kontrako lau salaketa dira pausaturik, eta Larraine gaineko Iratiko Txaletetan lankide ukandako bosgarren emakume batek ere gehitu du berea. Uztailaren 3an iraganen da auzia Pauen. Erasoa... [+]
Betharram ikastetxearekin lotutako sexu eta bortizkeria kasuak ikertzeko asmoz, Batzorde Ikerketa Independenteko kideek lekukotasunen bilketa abiatu dute
Zizur Nagusiko institutu batean 41 pertsona grabatu zituen eta haietako 30 bere ikasleak ziren. Argazki batzuk sare sozialak erabilita lortzen zituen eta adimen artifizialarekin aldaketak egiten zituen.
San Roman auzoko jaietan bost neska adingaberi ukituak egiteagatik 18 urteko mutil bat atxilotu zuen Ertzaintzak Muxikan (Bizkaia). Udalak eta herriko Mugimendu Feministak elkarretaratzea deitu dute asteartean 20:30erako.
Akusazioa onartu, eta eragindako kalteengatik, kalte ordainak ordaindu dizkio: zigorra jaitsi diote, eta, beraz, ez du kartzelara sartu beharko. Beste gizon batek aitortu du bost urtez bikotekideari sexu abusuak egin zizkiola: zigorra jaitsi diote hamahiru urtetik laura, eta... [+]
Erasoa Loinatz jaietako azken egunean gertatu zen. Goierriko Itaiak elkarretaratze bat antolatu zuen gertakaria salatzeko.