Segurtasun distantziak betetzen ez dituzten enpresei isunak ezarriko dizkiela adierazi du Espainiako Gobernuak

  • Espainiako Gobernuak hainbat “arau-hauste larri” zehaztu ditu pandemiarekin lotutako laneko arriskuen prebentzioari lotuta. “Langileen arteko 1,5 metroko distantzia ez bermatzea” edota “babes-ekipoak ez ematea” bezalako zabarkeriak zigortzeko asmoa azaldu du. Isunak joera orokorra izango ez direla argitu du ordea.


2020ko uztailaren 09an - 10:37

Langileen artean gutxienez 1,5 metroko segurtasun-tartea mantentzea bermatzen ez duten enpresek, edo hori ezinezkoa denean enplegatuei babeserako materiala ematen ez dietenek “40.985 euro arteko isunak” jaso ditzaketela jakinarazi du Espainiako Gobernuak. Azken ekonomia dekretuan laneko arriskuen prebentzioaren arloan onartutako arau-hauste "larrietako" bat da, eta Lan Ikuskaritzari hura ikertzeko ahalmena ematen dio, eta arau-haustea gauzatzen den kasuetan “aktak ezartzeko” baimena esleitzen dio.

Espainiako Lan Ministerioko iturriek gogorarazi dutenez, Ikuskaritzaren interbentzio orok ez du isuna eragingo ordea. Funtzionarioek “egoera bakoitza” aztertzen omen dute, eta hainbat kasutan “errekerimendua” egiten da, hau da, enpresari epe jakin batean “portaera zuzentzeko” eskatzen zaio, konpainiak “asmo txarrez jardun ez duela ikusten bada”. Gainera, egoerak isuna merezi duela ebazten duten gutxiengo kasuetan ere, “gradu bat baino gehiago” izango direla zehaztu dute, eta “egoera bakoitzaren inguruabarrak” kontuan hartuta aplikatuko direla. Isun handienak, 40.000 euro baino gehixeagokoak, “kasu larrienetan” baino ez lirateke ezarriko.


Irakurrienak
Matomo erabiliz
Azoka
Kanal honetatik interesatuko zaizu: Covid-19ren biharamunari so
2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


2022-04-12 | ARGIA
Downing Streeten pandemia garaian festak egiteagatik isuna jaso du Boris Johnsonek

Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.


2022-04-06 | ARGIA
Apirilaren 20tik aurrera Hego Euskal Herrian ez da maskararik beharko barrualdeetan

Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.


2022-02-11 | ARGIA
Osasun larrialdiaren amaiera iragarri du Jaurlaritzak

Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.


COVID-19 pasaportea 2022ko uda arte mantentzearen alde bozkatu du Frantziako Legebiltzarrak

Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.


Eguneraketa berriak daude