Seaskak bere beharrak oroitarazi dizkio Benjamin Griveaux Frantziako Gobernuko bozeramaileari
Seaskako ikastolek behar dituzten irakasle postuetarako baliabideak emateko eskatu zioten atzo Frantziako Gobernuko bozeramaile Benjamin Griveauxari Donibane Lohizunen izandako bileran.
Frantziako Gobernuko bozeramaileak Lapurdiko zenbait enpresa bisitatu zituen, eta goizean hainbat kolektibok iragarri zituzten protestak entzun behar izan zituen.
Jaka Horiak zain aurkitu zituen Mugerren goiz partean. Ilunabarrean, berriz, Seaskako kideak bildu ziren Donibane Lohizunen, Kasu, ikastolak kexu lemapean. Benjamin Griveauxek aldarrikapenak ozen entzun zituen eta segidan Seaskako ordezkariekin batzartu zen.
Seaskako zuzendari Hur Gorostiagak “Frantziako Gobernua euskararen garapena trabatzen ari dela” adierazi zion Gobernuko eledunari. Benjamin Griveauxek, aldiz, “Gobernua tokiko hizkuntzen alde dago”, erantzun zion, “Gobernuak ez du ezer aurka, aurrekontu arazoek oztopatu dute akordioa”, argudiatu zuen.
Seaskak 25 irakasle gehiago eskatu zituen ikasturte honetarako eta Gobernuak 5,5 baino ez dizkio eman. Anartean, Seaskak 14,5 postu bere sakeletik ordaindu du. Euskararen Erakunde Publikoak (EEP), berriz, 4,5 postu finantzatu ditu.
Datorren urteko ikastaldia bideratzera oso zaila aurreikusteen dute Seaskako ordezkariek. Hauen ustez, ikastolek hazten eta zabaltzen segitzen dute etengabe, hartara, instituzioek garaiz aztertu behar dute irakasle postuak bideratu ahal izateko dagoen premia.
Kari horretara, EEPk Gobernuari eskatu zion atzo lehenbailehen Parisen bilkura egitea Hezkuntza Ministerioa eta EEPren artean. Gaia: 2019ko eskola sartzearen aztertzea eta finkatzea.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
Haserre mintzatu da Peio Jorajuria Seaskako lehendakaria, Beskoitzeko Herriko Etxeak astelehenean hartutako erabakiarekin. 51 haur dituen ikastolarekin hitzarmena eten du auzapezak, eta sei hilabeteren buruan debekatuta izango dute bertan eskolak ematea. Gurasoek harridura... [+]
2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.