Seaska eta Frantziako Gobernua Parisen bilduko dira gaur, ikastolen etorkizuna eztabaidagai

  • Seaskako ordezkariak Frantziako Barne, Kultura eta Hezkuntza ministerioetako ordezkariekin bilduko dira gaur arratsaldean Parisen, ikastolen egoitzen arazoari konponbidea emateko asmoz.


2013ko uztailaren 16an - 00:00
Azken eguneraketa: 2015-02-26 13:37:33
Seaskako kideak, hilaren 6an PSren egoitzatik irteten. (Argazkia: Garbine Ubeda Goikoetxea)

Bileran izango dira, era berean, murgiltze eredua duten eskolak biltzen dituen Eskolim federazioko kide bat eta euskal parlamentariak. Aurreikuspenen arabera, Colette Capdevielle, Sylviane Alaux eta Frederique Espagnac sozialistek bileran parte hartuko dute.

Hur Gorostiaga Seaskako zuzendariaren hitzetan, gaurkoa "lehen lan bilkura" besterik ez da izango. Seaskak ikastolentzako lege berria eskatu du, baina Gobernuak zein proposamen egingo duen ez dakite.

Falloux legea: ikastolak kolokan

Uztailaren 3an, Seaskako 30 guraso eta irakaslek Baionako Alderdi Sozialistaren (PS) egoitza okupatu zuten, ikastolen finantzazioaren aferari irtenbidea bilatzeko. Hiru egun eman zituzten bertan.

Ekainean, Hendaiako ikastolaren eraikina herriko etxeak ordaintzea legez kanpokotzat jo zuen Patrick Dallennes Baionako suprefetak Falloux legea oinarri hartuta. Haren hitzetan egoitza pribatuak ezin dira diru publikoarekin finantzatu: "Ez dago konponbiderik. Bederen ez dago biderik erakunde publikoek eraikin publiko bat ordaintzea aipatzen bada. Ez Hendaian ez bertze ikastolen kasuan".

Seaskako lehendakari Paxkal Indoren ustetan, suprefetak “irizpide zorrotz” hori bera baliatuko balu Seaskak etorkizun hurbilerako dituen ekimen gehienak bertan behera geratuko lirateke, murgiltze ereduaren jarraipena “arriskuan jarriz”.

Ekainaren 22an 3.000 lagunek manifestazioa egin zuten Baionan, suprefetaren erabakia gaitzetsi eta ikastolak babestuko dituen lege bat eskatzeko.


Kanal honetatik interesatuko zaizu: Falloux Legea
Beste urrats bat emateko zapatak lotzeko unea

Pandemiak eragindako bi urteko hutsune behartuaren ostean, Senpereko lakuak Euskal Herriko txoko guztietako pertsonak jasoko ditu igande honetan, 2022ko Herri Urratsen. Itzulera honetan zapatilak lotu eta hainbat ikuskizun eta kontzertuz gozatzeaz gain, Seaskak bosgarren... [+]


Urratsek egiten gaituzte

Manifestazio guziek ez dute zapore berdina. Maiatzaren 4an ikastolen kexua ozen adierazteko antolatutakoak sentsazio goxo batekin utzi gaitu. 7.000 haur, guraso, irakasle, langile eta euskaltzale bildu ginen, danborrada alai eta koloretsu baten bidez, Paristik datorren... [+]


Eneko Gorri
Urratsek egiten gaituzte

7.000 lagun bildu ginen Baionan, iragan maiatzaren 4an, Ikastolen kexua ozen adierazteko. Lapurdi, Baxenabarre eta Zuberoko 36 ikastolak alerta gorrian dira. Zenbait egunez mobilizazio jendetsu eta koloretsuarekin erantzun diete haur, guraso, irakasle, langile eta euskaltzaleek... [+]


Beskoitzeko ikastola
Falloux legearen oldarraldiari eutsita

Beskoitzen ez zen ikastolarik, 2013an inauguratu zuten arte, guraso batzuen etxean, hiru haurrekin. Falloux Legearen mamua hor badabil ere, gaur egun herriko etxeko lurretan, alokairuan, prefabrikatuan, 13 haur daude ikastolan.


2014-05-12 | Iera Aranburu
Seaskak bizi duen egoera larria gogora ekarri dute Herri Urratsen

Senpereko lakuan ospatu da Lapurdi, Nafarroa Behera eta Zuberoako ikastolen aldeko jaia. Miarritzen lizeo berri bat eraikitzeko erabiliko dute bildutako dirua.


Eguneraketa berriak daude