Gorabeherak tarteko, abian da ikasturtea Seaskan

  • Beskoitzen ikastola berria eraikitzen ari dira eta Kanboko Xalbador lizeoa berrituta aurkitu dute ikasleek. Eraikin berria egiteko baimenarekin arazoak dituzte ordea, eta ekonomikoki ere larri dabiltza.


2013ko irailaren 04an - 00:00
Azken eguneraketa: 2015-02-26 13:37:33
Kanboko Xalbador lizeoa berrituta aurkitu dute aurtengo 295 ikasleekKanboko Xalbador lizeoa berrituta aurkitu dute aurtengo 295 ikasleek (Argazkia: Gaizka Iroz. Kazeta.info).

3.100 ikaslerekin jarri da martxan Ikastolen Federazioa 2013-2014 ikasturtean, arazoak gora behera. Kazeta.info-k eman du ikasturteko berrikuntzen, arazoen eta pozen berri. Beskoitzeko, Kanboko, Biarrizko eta Hendaiako eraikinez aritu da Hur Gorostiaga Seaskako zuzendaria.

Ikastolen Federazioak badu pozteko arrazoirik. Beskoitzen ikastola berria eraiki dute eta Kanboko Xalbador lizeoa berrituta sartu dira aurtengo 295 ikasleak. Txanponaren beste aldeak, ordea, aurpegi desberdina erakusten du. Beskoitzeko eraikina egiteko baimenak berandu ailegatu zirenez, ikasturtea hasi duten hiru ikasleek lokal pribatu bat izango dute hasiera batean ikasgela. Azarorako baimena eskuetan izatea espero dutela azaldu du Gorostiagak, eta hortik aurrera haurrak eraikin berrira sartzea. Xalbador lizeoan, bestalde, eraikina berritzearen lanak oraindik ez daude ordainduta. Eusko Jaurlaritzak 500.000 euroko diru-laguntza emango zuela agindu zuen, baina Espainiako Gobernuak EAEn duen ordezkari Carlos Urquijok laguntza horren aurkako helegitea jarri zuen eta ez dago garbi azkenean bultzada ekonomikoa jasoko duten. Horrela azaldu dute kazeta.infon.

Seaskak indarrak Biarrizko lizeoan jarri dituela esan du zuzendariak. Baionako Bernart Etxepare lizeoan tokirik gabe geratzen ari direla eta lizeo berria eraikitzea beharrezkoa dela azpimarratu du. Aurtengo ikasturterako 202 ikasle izango dituzte; lehengo urtean baino 40 gehiago. “2015erako egina behar du”, dio Gorostiagak.

Hendaiako ikastola

Bitartean, ordea, Hendaian egoerak konpondu gabe jarraitzen du. Ikastola berria eraikitzeko egitasmoa abiatzekotan zirenean suprefetak gutun bat bidali zien Falloux legea indarrean zela gogoraraziz. Hau da, diru publikoarekin ezin dela eskola pribatu baten lokala finantzatu.

Zenbait ekimen egin dituzte eraikin berria egin ahal izateko. Uztailean Baionako Alderdi Sozialistaren egoitza okupatu zuten ikastolako federazioko zenbait kidek eta Parisen izanak dira Asanblada Nazionalean konponbiderako lege berri bat eskatzen.

Seaskak jakinarazi du erantzunaren zain daudela.


Kanal honetatik interesatuko zaizu: Falloux Legea
Beste urrats bat emateko zapatak lotzeko unea

Pandemiak eragindako bi urteko hutsune behartuaren ostean, Senpereko lakuak Euskal Herriko txoko guztietako pertsonak jasoko ditu igande honetan, 2022ko Herri Urratsen. Itzulera honetan zapatilak lotu eta hainbat ikuskizun eta kontzertuz gozatzeaz gain, Seaskak bosgarren... [+]


Urratsek egiten gaituzte

Manifestazio guziek ez dute zapore berdina. Maiatzaren 4an ikastolen kexua ozen adierazteko antolatutakoak sentsazio goxo batekin utzi gaitu. 7.000 haur, guraso, irakasle, langile eta euskaltzale bildu ginen, danborrada alai eta koloretsu baten bidez, Paristik datorren... [+]


Eneko Gorri
Urratsek egiten gaituzte

7.000 lagun bildu ginen Baionan, iragan maiatzaren 4an, Ikastolen kexua ozen adierazteko. Lapurdi, Baxenabarre eta Zuberoko 36 ikastolak alerta gorrian dira. Zenbait egunez mobilizazio jendetsu eta koloretsuarekin erantzun diete haur, guraso, irakasle, langile eta euskaltzaleek... [+]


Beskoitzeko ikastola
Falloux legearen oldarraldiari eutsita

Beskoitzen ez zen ikastolarik, 2013an inauguratu zuten arte, guraso batzuen etxean, hiru haurrekin. Falloux Legearen mamua hor badabil ere, gaur egun herriko etxeko lurretan, alokairuan, prefabrikatuan, 13 haur daude ikastolan.


2014-05-12 | Iera Aranburu
Seaskak bizi duen egoera larria gogora ekarri dute Herri Urratsen

Senpereko lakuan ospatu da Lapurdi, Nafarroa Behera eta Zuberoako ikastolen aldeko jaia. Miarritzen lizeo berri bat eraikitzeko erabiliko dute bildutako dirua.


Eguneraketa berriak daude