Paueko auzitegiak atzera bota du Seaskak Hendaian ikastola berria eraikitzeko hartua zuen erabakia. Falloux legean oinarritu da epailea, argudiatuz diru publikoa ezin dela erabili hezkuntza pribatuko eraikuntzak egiteko.
Herriko Etxearen erabakiaren kontra bi prozedura hasi ditu prefetak. Alde batetik ikastola berria eraikitzea baimentzen zuen erabakia kentzea eskatu du, eta bestetik delibero horren suspentsioa.
Battitt Salaberry Hendaiako auzapezak Seaskaren eraikinen beharra azpimarratu du.Lege babesik gabe daudela eresalatu du. “Lege bat behar da Seaskaren egoitzen arazoa konpontzeko behin betirako”, azaldu du Kazeta.infok jaso duenez. Bestalde, Amaia Elizalde Hendaiako ikastolako zuzendariak aldarrikatu du prefetaren aurrean ez dutela etsiko.
Beskoitzeko eraikina
Patrick Dalennes suprefetak antzeko eskaera egin du Beskoitzeko Herri Kontseiluak hartutako erabakiarekin. Herri lapurtarreko udaletxearekin hitzarmen bat sinatu zuten hark ikastolari zelai bat uzteko, baina suprefetak ohartarazi du udal erakundeek ezin dutela ikastola diruz lagundu. Dalennes-ek azaldu du Herriko Etxeak juridikoki egin dezakeena dela merkatuko prezioetan zelaia ikastolari saltzea.
Pierre-André Durand
Pierre-André Durand da Pirineo-Atlantikoetako prefeta berria, eta Kazeta.infok bildu ditu Hendaiako ikastolaren inguruko erabakiaz Duranden lehen erreakzioak.
Pandemiak eragindako bi urteko hutsune behartuaren ostean, Senpereko lakuak Euskal Herriko txoko guztietako pertsonak jasoko ditu igande honetan, 2022ko Herri Urratsen. Itzulera honetan zapatilak lotu eta hainbat ikuskizun eta kontzertuz gozatzeaz gain, Seaskak bosgarren... [+]
Manifestazio guziek ez dute zapore berdina. Maiatzaren 4an ikastolen kexua ozen adierazteko antolatutakoak sentsazio goxo batekin utzi gaitu. 7.000 haur, guraso, irakasle, langile eta euskaltzale bildu ginen, danborrada alai eta koloretsu baten bidez, Paristik datorren... [+]
7.000 lagun bildu ginen Baionan, iragan maiatzaren 4an, Ikastolen kexua ozen adierazteko. Lapurdi, Baxenabarre eta Zuberoko 36 ikastolak alerta gorrian dira. Zenbait egunez mobilizazio jendetsu eta koloretsuarekin erantzun diete haur, guraso, irakasle, langile eta euskaltzaleek... [+]
Beskoitzen ez zen ikastolarik, 2013an inauguratu zuten arte, guraso batzuen etxean, hiru haurrekin. Falloux Legearen mamua hor badabil ere, gaur egun herriko etxeko lurretan, alokairuan, prefabrikatuan, 13 haur daude ikastolan.
Senpereko lakuan ospatu da Lapurdi, Nafarroa Behera eta Zuberoako ikastolen aldeko jaia. Miarritzen lizeo berri bat eraikitzeko erabiliko dute bildutako dirua.