Sarek mobilizazioak iragarri ditu Gabonetan

  • Abenduaren 21, 27 eta 28an deitu ditu mobilizazioak, Hego Euskal Herriko lau hiriburuetan.

(Argazkia: Sare)

2019ko azaroaren 26an - 11:53

Asteartean Iruñean egindako agerraldian jakitera eman dutenez, gabonetan mobilizazioak egingo ditu Sarek. Abenduaren 21ean Gasteizen eta Iruñean batzera dei egin dute, abenduaren 27an Bilbon, eta abenduaren 28an Donostian. Mobilizaziook urtarrilaren 11n Bilbon egingo den manifestaziora begira “motorrak berotzeko” egingo direla adierazi dute.

“Gabonak une garrantzitsutzat ditugu, sendiarekin eta lagunekin batzeko egunak izaten diren hauek, ehunka eta milaka kilometrotara dauden presoen hutsunea areagotzea baitakarte (…) Egoera honen aurrean, aurten, Gabonen testuinguruan, lau hiriburuetan mobilizazioak antolatzea erabaki dugu”, adierazi dute.

Oinarrizko aldarriak zabaltzea eta salbuespeneko espetxe politikarekin behin betikoz amaitzea exijitzea, horiek xedatu dituzte deialdien helburu gisa. Hala bada, sakabanaketa politikaren amaiera, larriki gaixo dauden presoen etxeratzea, eta motxiladun haurren eskubideak errespetatzea aldarrikatuko da. Euskal preso emakumeek bizi duten egoera ere salatuko dute.

Jendarteari dei egin diote parte hartzera: “Datozen urteetan espainiar estatuaren nondik

norakoak zuzenduko dituen Gobernu berria osatze lanetan ari den honetan, behar beharrezkoa da euskal jendartearen gehiengoak babesten dituen aldarriak kalean, era aktiboan erakustea”.


Kanal honetatik interesatuko zaizu: Euskal preso politikoak
26 urteko espetxealdia atzean utzita aske da Iñaki Garces otxandiarra

Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.


Euskal preso eta iheslari politikoen aldeko jaialdia egingo dute Ezpeletan larunbatean

Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.


2024-01-15 | ARGIA
Espetxe politikan salbuespeneko arauak desagertzeko exijitu dute 68.000 lagunek Bilbon

Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]


Eguneraketa berriak daude