Espetxe politikan salbuespeneko arauak desagertzeko exijitu dute 68.000 lagunek Bilbon
Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa izango dela aurrerantzean ere.
Sare Herritarrak eta Etxeratek deitutako Bilboko urteroko manifestaziora dozenaka mila herritar joan ziren larunbatean, euskal preso politikoen eskubideak defendatzera. Naiz-en estimazioaren arabera, 68.000 lagun elkartu dira, iaz baino zertxobait gehiago. Bilboko Udaltzaingoaren arabera, 20.000 lagun bildu ziren. Konponbiderako Giltzak lelopean, hurrengo etapa bakearena dela oroitu du Sarek: “Har ditzagun gure eskuetan konponbidearen giltzak. Sufrimenduari ateak itxiko dizkioten giltzak. Elkarbizitzarako ateak irekiko dituzten giltzak”, adierazi dute Anaiz Funosasek eta Joseba Azkarragak amaierako ekitaldian.
Presoen sakabanaketa amaituta, Sarek deitoratu du oraindik ere salbuespeneko trataera ematen zaiela eta hori amaitzeko borrokan jarraituko duela: “Ahalegin kolektibo honi esker bidea irekitzen ari gara euskal presoak, iheslariak eta deportatuak etxera itzul daitezen”. Presoen eskubideak denen artean defendatzeko beharra nabarmendu dute, baita alderdi politiko, sindikatu eta eragile sozialen lana ere.
Presoei legedia arrunta aplikatzea eskatu dute, une honetan kaleak behar luketen preso ugari espetxean baitaude: “Espetxe politikan eta politika judizialean salbuespeneko arauak desagertzea exijitzen dugu”. Presoen etxera bidea “euskal gizarteak” definitu behar duela esan dute, baina erabaki politiko “ausart eta zuzenak” hartzeko eskatu diete erakunde politiko eta judizialei. Larunbateko manifestazioa eragile politiko eta sozial ugarik babestu dute, eta Sarek lorpen gisa baloratu du.
Denis Itxasoren adierazpenei erantzuna
Datorren pausoa Beatrice Molle eta Txetx Etxeberriri elkartasuna adieraztea izango dela jakinarazi dute, apirilaren 2an eta 3an epaituko baitituzte Parisko Zigor Auzitegian, ETArekin lotutako armak, munizioak eta lehergaiak garraiatzea egotzita, armagabetze prozesuan. Haien lana azpimarratu dute eta babesa adierazi.
Sarek oroitarazi du ez direla pribilegioak eskatzen ari, eta Denis Itxaso Espainiako Gobernuak EAEn duen ordezkariak esandakoak gaitzetsi ditu. Hain zuzen, Itxasok Euskadi Irratian adierazi du “ETAko presoei ohiko legedia” aplikatzen zaiela, “terrorismoa amaitu zenetik”. Bego Atxa Sareko bozeramaileak ezeztatu egin du, eta ohartarazi oraindik ere presoei ez zaiela kontuan hartzen Frantziako Estatuan espetxean igarotako zigorraren urte kopurua, besteak beste: “Ondo baino hobeto daki aplikatzen dena ez dela legeria normalizatu bat, baizik eta José María Aznarrek 2005ean onartu zuena, hurbiltasuneko epaitegietatik eskumenak kentzeko. Hori ETArekin onartzen da, eta ez gaude egoera horretan”.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]