Barrenetxearen aurka egiteko eskatu du guardia zibilen abokatuak "testigantza faltsuagatik"
Epaiketaren laugarren eta azken eguna da ostirala. Sandra Barrenetxearen abokatu Jone Goirizelaiak tortura testigantzaren balioa azpimarratu du. Bera torturatu eta sexu erasoak egin izana egotzita auzipetutako guardia zibilen abokatuak, Barrenetxearen aurka egiteko eskatu du. Bere hitzetan "testigantza faltsua" eman du.
Akusazio partikularrak hemeretzina urteko espetxe zigorrak eskatu ditu akusatuentzako: hamar sexu erasoengatik, sei torturengatik eta hiru lesioengatik. Fiskaltzak eta defentsak, berriz, absoluzioa eskatu dute.
Goirizelaiak, ondorioetan, mahai gainean jarri du prozesua "oztopo lasterketa" izan dela, "luzea, kostosoa eta zailtasunez betea".
Barrenetxea Ekinen aurkako operazio batean atxilotu zuten 2010eko irailean, beste zortzi lagunekin batera. Denek salatu zuten torturak pairatu zituztela inkomunikatuta egon ziren egunetan, baina Barrenetxearen salaketak bakarrik egin du aurrera. Haren kasua hiru aldiz artxibatu zuten, 2012an, 2013an eta 2014an, baina oraingoan epaitegietara heldu da.
Asteazkenean, torturatua eta torturatzaileak aurrez aurre
Asteazkenean Sandra Barrenetxeak bera torturatu zuten hiru guardia zibil ezagutu zituen. Une gogorra izan zen epaiketakoa, azpiko audioan entzun daitekeenez.
Albistea osatzen ari gara.
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.
.jpg)
Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]
1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]