Saharar haurrek uda bakean pasatzeko aukera izango dute Zeraingo aterpetxean
Horbel kooperatibaren proiektu bati esker, errefuxiatuen kanpamenduetan bizi diren Saharako hamabi haur hartuko dituzte bi hilabetez Goierriko udalerri horretan. Orkli kooperatibaren Orklidea ekimeneko dirulaguntza jaso du proiektuak.
Ekainaren amaieratik abuztu amaierara arte Zeraingo aterpetxean Saharako hamabi haur izango dira, Uda Bakean programaren barruan, uda igarotzen. Horbel kooperatibak bultzatu du proiektua eta, horretarako Orkli kooperatibaren diru-laguntza izan du.
Orklidea ekimena Euskal Herriko hainbat proiektu bultzatzeko sortu zuen Ordizian egoitza duen kooperatibak duela urtebete, IPDK Interes Publikoko Dirulaguntza Kooperatiboaren funtsetik. Lehenengo edizio horretan, Saharako haurrek uda Euskal Herrian bakean pasatzeko proiektuari eman diote laguntza, zehazki, 35.000 euro.
Goierri eskualdean zailtasunak zeuden, Uda Bakean programaren barruan familiek saharar haurrak etxean hartzeko, eta hori ikusita abiatu zuen Horbelek proiektua. Sei hezitzaile egongo dira saharar haurrekin Zeraingo aterpetxean, baina Goierriko hainbat elkarteren laguntza ere izango dute, tartean Orkliko langileak ariko dira ekintzak antolatzen.
Goiberri aldizkariari María Rodriguez arduradunak azaldu dionez, haur horien beharrak asetzeaz gain, Aizkorpeko herritarren "inplikazioa" bilatzea eta "kultura desberdinak gerturatzea" ere bada proiektuaren helburua.
Orklidea-ren bigarren edizioa abian
Saharako haurrekin bultzatutako proiektuaz gain, Orklik beste proiektu bat ere lagundu du aurten 15.000 eurorekin bigarren kategorian, zehazki Pausoka Elkarteak komunikazio zailtasunak dituzten haurrei laguntzeko bultzatutakoa.
Haur horiek bizi diren hainbat familiatan komunikagailuak modu pertsonalizatuan txertatzea da asmoa, gaitasun digitala izan dezaten. "Jasotako diru honek Komunikazioa Guztiontzat, Teknologia Bidelagun proiektuan urrats bat gehiago ematen lagunduko digu", azaldu zuen Estibalitz Iruretagoiena Pausokako koordinatzaileak saria jasotzean.
Bestalde, Orklidea ekimenaren bigarren edizioa jadanik martxan dagoela jakinarazi du Ordiziako kooperatibak, uztailaren 23ra arte aurkeztu daitezke proposamenak eta deialdiaren oinarriak bere webgunean kontsultatu daitezke.
Kooperatibismo bat komunitateari begira UEUko topaketek, komunitatea ahaldundu eta lurraldeetako beharrei erantzuteko tresna direla gogorarazi ziguten. Halaxe da, bai, baina ekaina ez da kooperatibetan idealizaziorako garai egokiena, ez behintzat kooperatibetako kudeaketa... [+]
Maribi Ugarteburuk, EHNE Bizkaiaren enkarguz, herrialdeko hamar emakume baserritarren bizi historiak batu ditu Erein, Borrokatu, Bizi liburuan. Azken mende erdian Hego Euskal Herrian nekazaritzan eta abeltzaintzan izandako gertaerak bizi izan dituzten emakumeak dira protagonista.
Argitaratutako oharrean, EHGAM Euskal Herriko Sexu Askapen Mugimenduak ohartarazi du "faxismoa eta ideia faxistak" zabaltzen ari direla mundu mailan, eta "erresistitzeko prest" daudela: "Beldurra baino askoz handiagoa da sentitzen dugun amorrua".
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Tramite burokratikoetan murgilduta dago Ed Rojas. Kolonbian jaio eta bizi, 2022an Ikasketa Feministak eta Generokoak Masterra egin zuen EHUn. Baina titulua amaitu eta hiru urtera, ez du lortu bere izenean jasotzea. Arrazoia? 2022an ez-bitar markagailua jarri zuen bere... [+]
2009tik 2023ra izandako iktus intzidentziak jaso ditu Nafarroako Osasun Publikoko eta Lan Osasuneko Institutuak. Iktusa izan duten nafarren %84k arrisku faktoreren bat zuen.
Euskal Herriaren nazio izaera eta burujabetza aldarrikatzeaz gain, "erresistentzia eta borroka antifaxistari gorazarre egitea eta berrespen antifaxista egitea" jarri dute helburuen artean.
Osakidetzak berak aitortzen duenez, “komunikazioa tresnarik garrantzitsuenetako bat da jarduera asistentzialean; beraz, zerbitzuaren kalitatea bermatzeko, ezinbestekoa da paziente eta erabiltzaileak erosoen eta seguruen sentitzen diren hizkuntza ofizialean jardutea”.
Asteazkenean, NATOren goi-bilera hastearekin, aliantzak herrialdeei inposaturiko gastu militarraren aurkako mobilizazioak izan dira Hego Euskal Herriko hiriburuetan. Ostegunean eta ostiralean Iranen eta Palestinaren aurkako gerrak salatuko dituzte.
Zergatik eskaintzen dira Lanbide Heziketako hainbeste ziklo erdara hutsean EAEn? Zergatik jarraitu behar dituzte ikasketak gaztelaniaz ordura arte D ereduan euskaraz aritu diren ikasle andanak? Lanbide Heziketa euskalduntzeko behingoz plan estrategiko bat gauzatu dezala eskatu... [+]
Mauleko Chaumes gasnategian langile eta CGTko sindikatu ordezkaria izandako gizon baten kontrako lau salaketa dira pausaturik, eta Larraine gaineko Iratiko Txaletetan lankide ukandako bosgarren emakume batek ere gehitu du berea. Uztailaren 3an iraganen da auzia Pauen. Erasoa... [+]
Iazko udazkenean egin zuten sinadura bilketa, eta abenduaren 12an entregatu zituzten atxikimendu guztiak Osakidetzaren Gasteizko zerbitzu zentraletan.
Betharram ikastetxearekin lotutako sexu eta bortizkeria kasuak ikertzeko asmoz, Batzorde Ikerketa Independenteko kideek lekukotasunen bilketa abiatu dute
Hilabeteetako protesten ostean, TCC enpresako zuzendaritzak ez du aurrera urratsik egin eta langileek leher egin dute. Greba mugagabera doaz, baita sanferminetako ez ohiko zerbitzuetan ere. “Enpresak erantzukizunez jokatuko balu saihestu litekeen zerbait” dio langile... [+]