Repsolek beretzat nahi ditu Urumeako mendiak, Euskal Herriko zentral eoliko handiena jartzeko
Josu Jon Imazen konpainiak helegitea jarri du Eusko Jaurlaritzaren aurrean, Endesari “iruzurra” egitea egotzita. Adarra eta Mandoegi mendien artean 15 aerosorgailu, 28 kilometroko bidea eta 21 kilometroko linea-elektrikoa eraiki nahi ditu Repsolek, Euskal Herriko zentral eoliko handiena litzatekeena.
Han eta hemen perretxikoen gisan agertzen ari diren eolikoen proiektu guztiekin gertatzen den bezala, Urumeako Mendietan Repsol eta Endesa multinazionalek egin nahi duten azpiegitura erraldoiaz apenas daukagu informaziorik. Kasik ezer ez da publiko, eta administrazioetako tramite-burokratikoen labirintoan, lanbropean galdurik aurkitzen du batek burua. Baina horrek ez du esan nahi enpresak lanean ari ez direnik.
Egunotan jakin dugu Repsolek errekurtsoa jarri duela Jaurlaritzaren Industria sailean Endesaren beste proiektu baten kontra; EH Bilduko parlamentari Ander Goikoetxeari bidalitako erantzunean, Mikel Jauregi sailburuak baieztatu dio “aztertzen eta ebazten” ari direla. Bi multinazionalak lehian ari dira Adarra eta Mandoegi arteko paraje menditsu bezain aberatsa berriztagarriekin industrializatzeko. El Diario Vasco egunkariak azaldutakoaren arabera, Repsolek Endesari egozten dio “iruzurra” egitea: proiektua bost zatitan banatu du, Hernaniko azpiestazio elektrikorako sarbidea lortzeko. Zenbat horrelako egin ote dituzte euren artean? Jokoan dagoena argi uzten du behintzat.
Urumeako mendietan egin nahi dutena Euskal Herriko zentral eoliko handiena litzateke. Berriz ere zeharka jakin dugu hori, prospekzio arkeologikoak direla-eta Nafarroako Gobernuak Aranoko Udalari bidalitako dokumentaziotik. Repsolek tamaina handiko 15 aerosorgailu, 28 kilometroko eta sei metro zabaleko bidea eta 68 dorre elektriko izango lituzkeen 21 kilometroko ebakuazio-linea eraiki nahi ditu natur gunean. Eta bitartean, administrazioa ere lanean. Berriztagarrien Lurralde Plan Sektorialeko azken bertsioan, Adarra eta inguruko mendien harrera gaitasuna maila “baxua” izatetik “ertaina” izatera pasa da, gauetik goizera.
Energia garbiak direla diote, baina gauean ardi beltza aurkitzea bezain zail jartzen dute beraiei buruz ezer jakitea. Eta Vidas irrenovables dokumentaleko Francisco Vaquerok ARGIAn esan bezala, “enpresen eta administrazioen aldetik egoten den gardentasunik ezak sortzen ditu herrietako gatazkak”. Arano, Goizueta eta Hernaniko herritarrek Urumeako Mendiak Bizirik plataforma jarri dute martxan: hurrengo aurkezpena Donostian, otsailaren 27an.
Pedro Sánchezek hornitzaile pribatuei eta Red Eléctrica de Españari egotzi die itzalaldiaren inguruko informazio gutxi eskaintzea, baina azken honek jakinarazi du "gutxi gorabehera" aurkitu dutela Iberiar penintsula osoko argindarra joatearen arrazoia... [+]
Automatizazioaren eta abereen inguruan kuxkuxeatzen ari nintzela, ukuilu automatizatuen informazioa hasi naiz eskuratzen. Nire idazmahaiaren erosotasunetik idazten, gizakion kontsumorako modu masiboan esplotatzen ditugun abereen bizitzak nahiko penagarriak direla iruditzen zait,... [+]
Bizitza ez-berriztagarriak filma ikusentzun zuten atzo 70 inguru lagunek Villabonan. Francisco Vaquero egilea bertan izan zen eta emanaldiaren ostean hitza hartu zuten herritarrek, kargu publiko batek eta egileak berak. Hainbat gai eta ikuspegi anitzak agertu ziren, baina... [+]
Klima aldaketaren eraginez, munduko lurralde gero eta gehiago idortzen ari dira, milioika pertsonaren jarduera eta bizimoduak kolokan ezarririk. Fenomeno horren frontean dago India erdialdeko Maharashtra estatua, non klimaren berotzeari eta lehortzeari metatu zaizkien oihan... [+]
Ekologistak Martxan taldeak ohartarazi ostean Donostiako Ategorrieta hiribide inguruan airearen kutsadura maila oso handia dela, udaletik zalantzan jarri dute erabilitako metodologia eta adierazi dute errepide horretan dagoen estazio ofizialaren datuak hartu behar direla... [+]
José María Agramontek agerraldia egin du asteartean Nafarroako Parlamentuan, UPN eta Contigo-Zurekin alderdiek eskatuta. Bardeako Komunitatearen Batzarreko lehendakariak nabarmendu du Espainiako Defentsa Ministerioa ingurumenarekin egiten ari den "esfortzua"... [+]
Oraindik ikusgai dago Donostiako San Telmo museoan Memoriaren Basoak erakusketa, maiatzaren 11ra arte. Totalitarismoek gizartea kontrolpean hartzeko erabiltzen dituzten metodo eta tekniken inguruko hausnarketa bat da, espresio artistiko ugariren bidez ondua.
Red Eléctrica de Españak zibererasoaren aukera erabat baztertu du, eta bi instalazio fotovoltaikoetan jarri du begirada. “Operadore pribatuei erantzukizunak eskatuko dizkiegu eta berriro ez gertatzeko beharrezko neurriak aktibatuko ditugu”, adierazi du... [+]
Donostiako Zurriola Haur Hezkuntza, La Asunción eta The English School ikastetxe inguruak eta Bilboko Kontxa Eskola eta Calasancio-Escolapios dira nitrogeno dioxidoaren muga legala gainditzen dutenak, Ekologistak Martxanek hainbat eskola ingurutan egindako azterketaren... [+]
Hedabideetan nahiko aipatu dira asteleheneko itzalaldiak gizartean eragin dituen ondorioak, baina nahikoa aipatu al da gertakari horrek agerian uzten duena? Besteak beste, bi auzi nagusi: bizirauteko energiarekiko dugun menpekotasuna eta azken urteetan gertatzen ari den zerbitzu... [+]
Egunak argitzerako itzuli da argindarra ia-ia leku guztietara. Euskal Herrian baino atzeratuago egin du Espainiako Estatuko lekurik gehienetan, baita Portugalen ere. Normaltasun itxura gaur Euskal Herrian, baina goizeko lehen orduan ez dira funtzionatzen ari aldirietako trenak... [+]
Apirilaren 17an, Brasilgo Eldorado do Carajás-en egin zuten lurrik gabeko 21 langileen sarraskiaren 29. urteurrena izan da. Ordutik, La Vía Campesinak data oroitzen du Nekazarien Borrokaren Nazioarteko Egun gisa, lurrerako eskubidea defendatzeagatik koldarkeriaz erail... [+]
Gaueko 21:00etarako, Araba, Bizkaia eta Gipuzkoako %85era itzuli da hornidura energetikoa, eta Nafarroan, berriz, %50era. Egoera okerragoa bizi dute Espainian eta Portugalen: hurrenez hurren, argindarra lurraldearen %25era eta %10era iritsi da.
Sare elektrikoa erabat erori da... [+]
Maiatzaren 22tik 23ra bitartean deklaratu beharko dute auzipetuek. Gazteek salatu dute instituzioak "geroz eta gehiago" ari direla mugatzen protestarako eta mobilizaziorako eskubide politikoa, eta 'Bajadikako 27ak' izenarekin sortu dute plataforma bat. Maiatzaren... [+]
Harriduraz irakurri dugu prentsan Aritz Otxandianori etxean bertan bengalekin egindako erasoaren albistea. Berak sare sozialetan eman zuen gertatutakoaren berri. Bai bera, bai bere adierazpenak jasotzen dituzten hedabideak ahalegindu dira eraso hori makro-berriztagarriei buruzko... [+]