Biktimak esan duenaren arabera, sudurra hautsi zioten Madrilgo kaleetan, euskaldunen aurkako irainen artean eta “etarra” gisa izendatuz.
Real Sociedad futboleko gizonezkoen taldeak Madrilen jokatu zuen joan zen asteburuan, Real Madrilen aurka. Realzaleentzat ordea, partida ez zen izan ardura gehien sortu ziena.
Mundo Deportivo hedabideak argitaratutako albistearen arabera, euskal zale bat jipoitu zuten Madrilgo kaleetan, partiduaren ostean. Sudurra hautsi ziotela salatu zuen biktimak. Hori ez ezik, euskaldunen aurkako irainak eta “etarra” gisako izendapenak entzun behar izan zituen.
Partida jokatzen ari zirela ere, zenbait zale euskaldun “kikilduta” sentitu zirela adierazi diote kirol alorreko hedabideari. Familia batek adierazi du beraiengandik gertu ikur faxistak tatuatuak zituzten ultra batzuk ikusi zituztela.
LABek ohartarazi du Gipuzkoako Foru Aldundiko behin-behineko 119 langileak egonkortzeko egin den bidea bertan behera gelditu daitekeela, hizkuntza eskakizuna ezarri izanagatik helegitea aurkeztu dutelako. LABek eta ELAk elkarretaratzea deitu dute otsailaren 16rako, Donostian.
Errenteria-Oreretako Aurrera tabernako zerbitzariak euskararekiko "mespretxuz" eta oldarkor erantzun zion euskaraz eskatu zuen bezero bati euskalgintzako hainbat kidek salatu dutenez.
Zizurko Udalaren obretako langile lanpostu baten euskarazko profila atzera bota du Iruñeko Administrazioarekiko Auzien 3. Epaitegiak. Erabaki horren aurka elkarretaratzera deitu dute hainbat eragilek. Hizkuntza Eskubideen Behatokiko zuzendari Agurne Gaubekaren aburuz,... [+]
Nafarroako Justizia Auzitegi Nagusiaren aurrean elkarretaratzea egin dute Zizur Nagusiko Udalaren aurka eman den azken epaia salatzeko. Udalak langile lanpostu batean ezarritako hizkuntza eskakizuna atzera bota du epaitegiak.
"Euskara ez da hizkuntza erakargarria askorentzat aspaldian perbertitu dutelako, tresna politiko gisara erabili dutelako eta terrorismoaren garaietara baino ez narama. Gorrotoarekin identifikatzen dugun hizkuntza da", esan du Inma Mujika PPko Eguesibarko zinegotziak... [+]