Putinekin bi orduko telefono dei bat izan ondoren, Trumpek dio Errusia eta Ukraina “berehala” hasiko direla su-etena negoziatzen
Sare sozialetan zabaldutako mezu batean, AEBetako presidenteak adierazi du Errusiako bere homologoarekin izandako elkarrizketa "oso ongi" joan dela. Putinek esan du Ukrainako gerra amaitzeko ahaleginak "bide onetik" doazela, eta Mosku Kievekin bake akordio bat adosteko prest dagoela. Trumpen arabera, su-etenerako negoziazioak egingo liratekeen leku posible bat Vatikanoa da.
Azken asteetan izandako ika-miken ostean, AEBek esku hartu dute Errusiaren eta Ukrainaren arteko bake negoziazioak bultzatzeko: Donald Trump Etxe Zuriko maizterrak eta Vladimir Putin Errusiako presidenteak bi orduko telefono dei bat izan dute astelehenean, eta biek adierazi dute "oso ongi" joan dela. Sare sozialetan zabaldutako mezu batean, Trumpek esan du Kiev eta Mosku "berehala" hasiko direla su-eten akordio bat adosten. Gauza bera esan du Putinek: "Ukrainako gerrari amaiera bat emateko ahaleginak bide onetik doaz", esan du Kremlineko buruak kazetarien aurrean.
Hilaren hasieratik bien arteko tentsioa handitu bada ere, badirudi azken egunetan Ukrainak eta Errusiak zuzeneko elkarrizketei ekiteko konpromisoa erakutsi dutela. Izan ere, Bigarren Mundu Gerraren amaieran Armada Gorriak naziak garaitu zituela gogoratzen da Garaipenaren Egunean, eta maiatzaren 9an 80 urte bete ziren gertakari hartatik. Ospakizun horren harira, maiatzaren 8tik 11ra bitarte iraun beharko zukeen su etena deklaratu zuen Vladimir Putin Errusiako presidenteak, baina Ukrainak ez zuen onartu, horren ordez 30 eguneko menia akordioa sinatu nahi zuela argudiatuta.
Asteburu horretan, Volodimir Zelenski Ukrainako presidentea Boluntarioen koalizioko Europako hainbat herrialdetako agintariekin bildu zen larunbatean, Kieven eta Moskuren arteko bake negoziazioen inguruan mintzatzeko. Hain zuzen, Emmanuel Macron Frantziako presidentea, Keir Starmer Erresuma Batuko lehen ministroa, Friedrich Merz Alemaniako kantzilerra eta Donald Tusk Poloniako lehen ministroa izan ziren bilera horretan, eta Ukrainak proposatutako 30 eguneko su etena onartu ezean, zigor ekonomikoekin mehatxu egin zioten Errusiari.
AEBen bitartekaritza egoera baretzeko
Azken asteetako tirabirak baretzeko papera hartu du Trumpen administrazioak, eta, antza denez, fruituak eman ditu. 2022ko otsailean Errusia Ukraina inbaditzen hasi zenetik, bi aldeek hiru urte pasa zeramatzaten aurrez aurreko elkarrizketarik eduki gabe, joan den astera arte: Kieveko eta Moskuko ordezkariek bi orduko bilera eduki zuten ostiralean, Istanbulen. Aurreikusitakoa baino egun bat beranduago bildu ziren bi herrialdeetako ordezkaritzak, Putinek jakinarazi baitzuen ez zela bertan izango. Gainera, Errusiak bidalitako ordezkaritza "apala" zela eta ez zuela "erabakirik hartzeko botererik" leporatu zion Zelenskik Putini.
Halere, bilera horretan mila preso trukatzea adostu zuten Errusiak eta Ukrainak, azken horretako Defentsa ministro Rustem Umerovek jakinarazi zuenez. Horrez gain, Ukrainak ez zuen baztertu bi herrialdeetako agintariak aurrez aurre elkartzeko aukera. Hain zuzen, Trumpekin izandako telefono deiaren ostean Putinek adierazi du Mosku prest dagoela Kievekin gehiago biltzeko, besteak beste, Ukrainako gerrarako su-eten akordio baten baldintzak zehazteko.
Bake negoziazioen leku posible bat: Vatikanoa
Sare sozialetan argitaratutako mezuan, AEBetako presidenteak Ukrainaren eta Errusiaren arteko bake negoziazioak egingo liratekeen leku posible bat aipatu du: Vatikanoa. Frantzisko I. aita santua hil ostean, maiatzaren 8an aukeratu zuten Robert Prevost estatubatuarra –Leon XIV. izengoitia erabiliko du–, aita santu berria. Bada, Trumpek azaldu duenez, Eliza Katolikoaren buru berriak prestutasuna erakutsi du Moskuren eta Kieven arteko su-etenerako elkarrizketak Vatikanoan izateko.
Teheranek ez du baieztatu hurrengo elkarrizketa-saioan parte hartuko duen, Israelgo Estatuak Irango instalazio nuklearrei eraso egiteko mehatxuak egiten dituen bitartean.
Europako Batzordeak beste urrats bat eman nahi du migrazioaren kontrako politikak gogortzeko bidean: deportaturiko migratzaileek ez lukete zertan harreman zuzenik izan behar hirugarren herrialde "seguruak" deiturikoekin, hara kanporatuak izateko.
Europako Batasunak ere Israelekin dituen akordio komertzialak “berrikustea” erabaki du, 27 estatutik 17k aldeko botoa eman eta gero. Dagoeneko 53.000 hildakotik gora eragin ditu Netanyahuren gobernuak.
Berria izateari utzi dio: beroketa globalak bi graduak gaindituko ditu, eta gainditze horrek ondorio oso garestiak ditu. Klimaren gaia tabu bilakatzen ari den testuinguru berri honetan, banketxe handiek ez dute horri buruz komunikatzen, baina arazoaz ongi jabetu dira eta... [+]
Wokismoari begiratu beharrean antiwokismoari so jarri gara. Antiwokistek sorturiko multzoa delako wokismoa, eta antiwokismorik ez balego ez legokeelako wokismorik. Multzo eklektiko horri begiratu, eta laster ohartzen gara eskuin muturrak hastio duen guzia barnebiltzen duela:... [+]
Erromako San Giovanni in Laterano plazan, errutinazko indusketa bat egiten ari zirela, arkeologoek IX.-XIII. mendeetako jauregi baten arrastoak topatu dituzte ezustean. Eta garai hartako aita santuen bizitokia izan litekeela uste dute. Bestela esanda, baliteke Patriarkatua... [+]
Bisita, bizipen eta hausnarketa egunak izan ditut maiatzekoak. Hor nabil, intersekzionalitatea nola gauzatu, borrokak lotu nahian, bertsolarien moduan puntu guztiak esan nahian, potorik egin gabe...
Lan egiten dudan LoRa irrati komunitariotik, Maiatzaren 1erako... [+]
Veneziako urmaela, 452. urtea. Hunoen inbasioak bultzatuta, Italiar penintsulako barrualdeko hainbat biztanlek eremu zingiratsuan hartu zuten behin behineko babesa. Baina lonbardiarren inbasioak iritsi ziren urte batzuetan, eta bizitoki iraunkorra bihurtuko zen etorkin... [+]
Astearte eguerdian egin du ohartarazpena Nazio Batuen Erakundeak. Astelehenean laguntza humanitarioa daramaten bost kamioi sartuko direla iragarri du Israelek, hamaika asteko blokeo erabatekoaren ostean. "Tanta bat da ozeanoan", adierazi du Tom Fletcher NBEko Giza... [+]
Herri Urrats jaialdiko hasiera ekitaldian Seaskako zuzendaritzako kide Erik Etxartek salatu zuen Parisek oraindik ez ziela irakasle postu gehigarrien proposamenik egin hurrengo ikasturtera begira. Asteburuan heldu zaie Frantziako Hezkuntza Ministerioaren erantzuna, eta... [+]
Filipinetako politikagintza klan oligarkiko ahaltsu batzuen esku dago gaur egun ere. Eta horregatik, emaitzen irakurketa xehatuak ñabardura asko ditu.
2015eko urtarriletik maiatzera bitartean, 25 urterekin ikasketak amaitu ondoren, Irati Astobieta laguna eta biok Txilen, Argentinan eta Uruguain zehar ibili ginen Kalabazan Ibiltaria proiektuaren barruan. Poesia xuxurlatua tresna poetikoa baliatuz euskal poemak ahotik belarrira... [+]
Espainiako Gizarte Eskubide eta Kontsumo Sailak enpresari eskatu zion Espainiako Estatu osoan 65.935 etxebizitzaren iragarkiak webgunetik kentzeko, araudia betetzen ez zutela egotzita. Airbnbk helegitea aurkeztu zuen, Madrilgo Auzitegi nagusiak arrazoia eman dio gobernuari,... [+]
Bukaresteko alkate Nicusor Dan-ek eskuin muturraren hautagai George Simion garaitu du bigarren itzulian. Danek bozen %55 eskuratu du, Simionek %45. Hala ere, eskuin muturra hazi egin da lehen itzuliarekin alderatuta. Errusiaren "esku hartze" polemikan... [+]