PSNk Enrique Maya Iruñeko alkatea gaitzesteko eskaera kendu du, UPNk lan erreforma babesteko
Espainiako Kongresuan lan erreformaren alde bozkatzea eskatu die UPNk bere bi diputatuei, eta horren lehen ondorioetako bat izan da PSNk Enrique Maya UPNko alkatea gaitzesteko egina zuen eskaera kendu egin duela. Gainera, udal aurrekontuak aldatzea ere babestuko dute alderdi sozialistako zinegotziek.
Enrique Maya bere "adierazpen xenofoboengatik" gaitzesteko eskaria, ostegun honetan bozkatu behar zena, atzera bota du Nafarroako Alderdi Sozialistak, UPNk Espainiako Kongresuan PSOE eta Unidas Podemosen lan araudia babestuko duela jakin ostean. UPNko bi diputatuek beren alderdiak emandako gidalerroekin ez datozela bat adierazi dute hala ere, eta azkenean kontra bozkatu dute; zuzendaritzatik berehala eskatu diete Madrilgo eserlekuak uzteko.
Madrilen UPNk eman behar zuen babesaren lehen ondorioetako bat izan da Iruñeko Udalean gertaturikoa. Gainera, PSNk udal gobernuak aurrera atera nahi duen aurrekontuen aldaketari ere babesa eman dio eta 27 milioi euro gehiago izango dituzte aurten inbertsioetarako. Negoziazioak Madrilen izan dira azken egunotan, eta UPNko buru Javier Esparzak parte hartu du horietan, Diario de Noticias egunkariaren arabera.
PSNko Iruñeko bozeramaile Maite Esporrín eta Ramón Alzórriz Nafarroako Parlamentuko bozeramaile sozialistak eman dute akordioaren berri, lan erreformaren bozketarekin erlazio zuzena duela ezkutatu gabe. Nolanahi ere, ziurtatu dute akordio horrek ez duela "ondoriorik" izango Nafarroako Parlamentuaren gehiengoan eta Chiviteren gobernuak duen sostenguan.
Iruñeko Erorien Monumentuarekin zer egingo da? Hori da legealdi honetako gai izarretakoa Hiri Buruzagian azken asteetan. Asteazken honetan, Joseba Asiron alkateak kazetarien aurrean jakinarazi duenez, legealdi honetan emango zaio irtenbidea gaiari eta herritarrek... [+]
Larunbatean 100 egun bete ziren Joseba Asiron aginte makilaz jabetu zenetik, abenduaren 28an, Iruñeko Udalaren historiako lehendabiziko zentsura mozioaren bitartez. Lasai hartu du Euskalerria Irratia udaletxeko Harrera Aretoan, egindako lanaz harro. “Hiru hilean... [+]
EH Bilduk, PSNk, Geroa Baik eta Zurekin Nafarroak hitzartu dute akordioa.
2015-2019ko legealdian Iruñeko alkate izan ondoren, bigarrengoz errepikatzen du alkatetzan, ezker abertzaleak Iruñeko udal hauteskundeetan inoiz izandako emaitzarik onenaren ondoren, eta PSNrekin lotutako zentsura mozioaren eskutik. Abagunea ona dela dio, baina... [+]