Asteartean elkarretaratzeak egingo dituzte Gasteizen, Donostian eta Bilbon, 19:00etan, Espainiako Gobernua: kolonialista, saltzaile! lelopean. Iruñean asteazkenerako egin dute deialdia, 19:30ean.
Pedro Sanchez Espainiako Gobernuko presidenteak ostiralean ontzat jo du Marokok 2007an aurkeztutako Mendebaldeko Sahararen gaineko autonomia proposamena. Jarrera hori salatzeko Mendebaldeko Sahararen independentziaren aldeko taldeek elkarretaratzeak deitu dituzte hiriburuetan: Gasteizen, Donostian eta Bilbon asteartean egingo dituzte protestak, 19:00etan; Iruñean asteazkenean elkartuko dira, 19:30ean.
Espainiako Gobernua: kolonialista, saltzaile! lelopean, ondorengoa aldarrikatuko dute: “Mendebaldeko Sahara ez da eta inoiz ez da Maroko izango”.
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.
Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]
Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]