“Protesta oro jazarri eta zigortzea da lege honen helburua”

  • Herritarren segurtasuneko lege-proiektua onartu zuen ostiralean Espainiako Ministroen Kontseiluak. Hainbat eragile sozialekin eta organismo publikoekin hitz egin ostean, lege-proiektuan aldaketa batzuk onartu dituztela azaldu du Fernandez Diaz Barne Ministroak. Hala ere, askok salatu dute legearen helburuak bere horretan jarraitzen duela: protesta oro jazarri eta zigortzea.


2014ko uztailaren 14an - 00:00
Azken eguneraketa: 12:02
Poliziak susmagarritzat dituenak sei orduz atxiki ahal izango ditu (Arg.:huffingtonpost.es)

Greenpeacek eta No Somos Delito plataformako kideek salatu dute onartutako aldaketek irregulartasun batzuk baino ez dituztela moldatu. “Protesta baketsuak erreprimitu nahi dituen jazarpen-legea izaten jarraitzen du”, adierazi dute.

No Somos Delito plataformako Guadalupe Bohoyos abokatuaren arabera, bi arrazoiengatik du “berebiziko garrantzia” aurre-proiektu honen onarpenak; alde batetik, gizartearen kontrola areagotzea bermatuko duelako eta bestetik, Poliziaren jarduna zigorgabetasun osoz onartuko duelako.

Fernandez legearen” bost elementu gako

Lamarea hedabide digitalaren webgunean, “Fernandez legea” izena hartu duen egitasmoaren bost elementu gako nabarmendu dituzte:

-Segurtasun juridikoaren printzipioa urratzea

-Polizia-agente baten irudiak hartzeko debekua

-Protesta baketsuaren kriminalizazioa

-Legearen dimentsio prebentiboa

-Errugabetasun presuntzioaren urraketa.

Ondorioz, besteak beste, poliziak susmagarritzat dituenak sei orduz atxikitu ahal izango ditu eta Kongresuaren, Senatuaren edo Batzar legegileen aurrean, aldez aurreko abisurik gabe, elkarretaratzea egitea arau-hauste arintzat joko da.


Kanal honetatik interesatuko zaizu: Espainia
2024-05-23 | Gedar
Palestinaren okupazioak eta Espainiako Estatuko finantza-sektoreak duten lotura seinalatu du ikerketa batek

Ikerketa batek Espainiako Estatuko banketxeen eta enpresen 'greenwashing' praktikak azaleratu ditu. Estatu sionistak lur okupatuetan eginiko eguzki-energia parkeen finantziazioan murgilduta dago estatuko finantza-sistema; BBVA eta Kutxabank ere tartean dira.


BBVA-Sabadell
Bankuak gose: nork gizentzen du piztia?

BBVAk Sabadell irensteko egin duen eskaintza “oldarkorrak” berriz erakutsi digu egungo bankuak nolako azalez eginda dauden. BlackRock eta antzeko inbertsio funts sarraskijaleen atzaparretan erorita, haientzako haratustelak ehizatzen dabiltzan erakunde lotsabakoak... [+]


Zortzigarren polizia infiltratua: bi urte pasatu ditu Madrilgo hainbat mugimendu sozialetan

"Juancar" izenaren pean infiltratuta egon da Carlos P.M. agentea Madrilgo hainbat mugimendutan. 2020an sartu zen Espainiako Polizian, hain justu ere infiltrazio kasu gehiagoren jatorrian dagoen zentro berean egon ondoren. El Salto-k argitaratu du informazioa.


Zapaterok dio Ostiral Santukoaren gisako akordio bat egon zela ETAren amaieran

Madrilgo Ateneoan ETAren amaierari buruzko zikloa egiten ari da azken asteetan, eta bertan astearte honetan egindako adierazpenetan, Irlandako bake prozesuan izandako jendea euskal bake prozesuan izatea oso garrantzitsua izan zela aipatu zuen José Luis Rodríguez... [+]


Cuelgamuroseko indusketetan eskuin muturraren presio eta sabotaiak salatu dituzte auzitegi-medikuek

Madrilgo Cuelgamurosen, Erorien Harana deituriko monumentuan arkeologoak egiten ari diren indusketetan etengabe ari dira jasaten eskuin muturreko jendeen presioa, hala adierazi du Pako Etxeberria auzitegi-medikuak. Egunotan, biktima errepublikarren senideek bisitatu ahal izan... [+]


Eguneraketa berriak daude