Espainia ere ez da Eurovisionen izango, Israelek parte hartzen badu
RTVE irrati-telebista kate espainiarreko Administrazio Kontseiluak astearte honetan onartu du erabakia. Jaialdiaren antolaketan pisu handia duen “Big Five” deituriko herrialdeen artean, Espainia da lehena iragarri duena Eurovision utziko duela Israelek parte hartuz gero.
Erabakiak izan ditu hamar boto alde (PSOE, Sumar, Podemos, ERC eta EAJk Administrazio Kontseilurako proposaturiko ordezkariak), lau kontra (PPrenak) eta abstentzio bat (Juntsenak). Berriki, Espainiako Gobernuko hainbat kidek adierazi dute Espainiak ez lukeela Eurovisionen parte hartu beharko, giza eskubideen defentsan. Berdin kirolari lotuta: Vueltan Israelgo txirrindulari taldeak parte hartzeagatik izandako protesten ostean, Pedro Sánchez Espainiako Gobernuko presidenteak esan du kirol lehiaketetatik kanporatu beharko litzatekeela Israel: "Zergatik kanporatu zuten Errusia Ukrainako inbasioaren ondoren, eta ez dute Israel kanporatu Gazakoa eta gero?".
Eurovisionera itzulita, Herbehereak, Irlanda, Eslovenia eta Islandiak aurrez hartutako erabakiarekin bat egin du orain Espainiak. Horiez gain, oraindik ez dute beren parte-hartzea baieztatu Belgika, Finlandia, Danimarka eta Norvegiak. Espainiaren erabakiak badu garrantzia, izan ere, Europako Irrati-Telebisten Batasunak (UER) antolatzen du jaialdia, eta UER finantzatzen duten bost herrialde nagusietako bat da Espainia.
Ezin da ahaztu, gainera, duela urte batzuetatik Eurovisionen babesle nagusia Israelgo kosmetiko marka bat dela, Morroccanoil
Ikusi beharko da nola eragingo duen erabakiak, UER antolatzaileak aukera baitu Israel lehiaketatik kanpo uzteko. Israelgo irrati publikoko zuzendaritzak dagoeneko garbi utzi du haiek ez diotela parte hartzeari uko egingo: “Ez dago arrazoirik ekitaldi kultural honetan Israelek parte-hartzaile garrantzitsu izaten jarrai ez dezan, ekitaldia ezin da politiko bihurtu”.
Ezin da ahaztu, gainera, duela urte batzuetatik Eurovisionen babesle nagusia Israelgo kosmetiko marka bat dela, Morroccanoil, eta berau agertzen dela baita ere 2026an egingo den 70. edizioko iragarkietan.
Irailaren 18a Palestinaren Aldeko Borroka Eguna izango da nazioartean, NBEk Palestinako okupazioarekin amaitzeko hartutako ebazpenetik urtebetera. Hego Euskal Herriko hiru hiriburutan mobilizazioak deitu dituzte.
Ikama ikasle antolakundeak deituta, ikasleak Palestinaren alde mobilizatu dira astearte honetan, Hego Euskal Herriko hainbat ikastetxe eta unibertsitatetan. “Denon erantzukizuna da egoerari buelta emateko salaketa egin eta mobilizatzea”.
Guatemala izan zen munduko lehen herrialdea Israelgo Estatua sortzearen aldeko botoa ematen, horrela diote garai hartako kronikek. 1947tik hona, jende askoren iruditeri kolektiboan Guatemala izan zen estatu sionistaren lehen harria jarri zuen lehen estatua.
Ordutik 80 urtera,... [+]
"Israelen kontrako boikot kanpainak martxan dauden honetan, kulturgileoi lerratzea dagokigu", adierazi du Saioa Alkaizak komunikabideetara igorritako oharrean. BDZk txalotu egin du Alkaizaren erabakia, eta Elkar argitaletxeari gonbita luzatu dio, "erabaki ausartak... [+]
Bi herrialdeek jakinarazi dute ez direla 2026ko Eurovision jaialdira aurkeztuko Israelek parte hartzen jarraitzen badu. Espainiako Gobernuko Kultura ministro Ernest Urtasunek ere iradoki du Espainiak ez lukeela parte hartu beharko.
Israelgo zazpi jokalariek uko egin diote Sestaoko xake txapelketan jokatzeari, beren parte hartzearen aurka antolatutako protesten ondoren. Antolakuntzak aurretik eskatu zien parte ez hartzeko edota Israelgo banderarik ez erabiltzeko.
“Ez gintuen harritu nola hartu gintuzten Euskal Herrian, ezker muturreko ekintzaileen eta separatisten gotorlekua baita”, adierazi du Sylvan Adams-ek.
Palestinarekin Elkartasunak manifestazio nazionala antolatu du urriaren 4rako. Ostiral honetan Euskal Herriko 130 udaletxeren aurrean protestatzera deitu du Gernika-Palestina ekimenak.
Bilboko erdigunean amaitu behar zuen txirrindularitza etapak, baina Deustun sartzear zirela antolakuntzak erabaki hori hartu du, helmuga ingurua manifestariz beteta zegoelako. Aurretik ere igaro dira helmuga puntu horretatik, eta istiluak izan dira. Ertzaintzak gutxienez hiru... [+]
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Hainbat lagun errepidera atera dira Palestinako banderak eta Gazako genozidioaren aurkako mezuak eskuan, eta Israelgo taldeko txirrindularien taldekako asteazkeneko erlojupekoa oztopatu dute. Etaparen ondoren argitaratutako ohar batean, taldeak manifestarien "ekintza... [+]
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
BDZ Israeli Boikota, Desinbertsioak eta Zigorrak mugimenduko (BDS nazioartean) ordezkaritza bat bildu berri da Donostiako Klasikoa antolatzen duen Oceta erakundeko arduradun batekin. Jakinarazi digu aurten, iaz ez bezala, lasterketara ez dela talde israeldarrik etorriko... [+]
Bilboko Konpartsak osatzen duten 27 taldeetatik hamahiruk erabaki dute AEBetako Coca-Cola multinazionalaren produktu guztiak kenduko dituztela haien txosnetatik, Israel palestinarren aurka egiten ari den genozidioaren konplize izatea leporatuta.