Giza eskubideen aldeko taldeek Poliziaren “gehiegikeriak” salatu dituzte eta Camilo Catrillancaren hilketaren erantzule “zuzena” izan dela adierazi dute.
Txileko Poliziak Camilo Catrillanca maputxea azaroaren 14an hil izanak protestak eragin ditu Igor Susaetak Berrian jaso duenez. Iturri ofizialek adierazi dutenez, Polizia agenteak auto lapurreten sare bateko kideei jarraika ari zirela elkar tirokatzen hasi, eta traktore bat gidatzen ari zen Catrillanca hil zuten tiroz. Maputxeek ostera, ez dute bertsio ofiziala sinesten eta agenteek traktoreari “zuzenean” eraso egin ziotela azpimarratu dute.
Hilketak berehalako protestak eragin zituen estatuan eta orain areagotu egin dira, agenteek Polizia operazioko grabaketa ezabatu zutela azpimarratu baitu Txileko Gobernuak. Ondorioz, lau polizia kargugabetu dituzte. Andres Chadwick Txileko presidenteordeak adierazi du, grabaketekin gertaturikoa “onartezina” dela.
Txileko futbol selekzioak ere protestekin bat egin du federazioaren aginduei kasurik egin gabe. Hondurasen kontrako partiduan minutuko isilunea egin zuten bi taldeek. Jean Beausejour selekzio txiletarreko jokalariak, jatorri maputxea duen bere amaren abizena jarri zuen elastikoaren atzealdean.
Jarraian Catrillancaren hiletako bideoa:
Argazki batzuk:
Augusto Pinochet diktadoreak Txilen estatu-kolpea eman zuela mende erdia bete denean, hamaika berba entzun dira herrialdeak bizi duen zatiketaz. Hamazazpi urtetako diktaduraren errepresioa ukatzea da zenbait eskuindarren egungo arma, negazionismo gisa ulertu den diskurtsoarekin... [+]
"Egun on" baino gehiago "larrialdi" hitza erabiltzen dugun honetan, Mari Paz Aedoren hitzek lagunduko dizute ikasturte honetako zure utopien lanketei gogotsu eta pozetik ekiten. Txilen, Santiagon jaio zen duela 45 urte. Gatazka sozioekologikoak aztertzen ditu... [+]
1973ko estatu kolpea gertatu baino lehen Nixon garaiko AEBtako presidenteak jasotako dokumentuak argitaratu ditu Washingtonek ostiralean, Alexandria Ocasio-Cortez AEBtako Ordezkarien Etxeko kideak Txileri egindako bisita ondoren. Ocasio-Cortezek gardentasuna eskatu du,... [+]