ARGIA.eus

2022ko abenduaren 03a

Presoek euskara ikasteko duten eskubidea bermatzeko eskatu dio Jaurlaritzari irakasle talde batek

  • Irakasle boluntario talde bat euskarako eskolak ematen ari da presoei 2017tik, eta egindako lanaren “arrakasta” azpimarratu dute. Halere, kexatu dira “baldintza penagarrietan” izaten direla klaseak, eta euskal administrazioei eskatu diete euskara ikasketei ofizialtasuna emateko espetxeetan.

Egun 45 irakasle boluntariok osatzen dute taldea, eta 33 presok eman dute izena euskara ikasteko. / Argazkia: Presoen Euskara Irakasle Taldea.
2021eko abenduaren 06a - 09:26Azken eguneraketa:10:31

“Euskara herri kohesiorako tresna dugu”, gogorarazi du presoen euskara irakasle taldeak, igandean Durangon egindako prentsaurrekoan. Aldarrikatu dute “edozein gizarte prozesutan” euskararen ezagutza eta erabilera “ezinbesteko osagaiak” izan behar direla; besteak beste, kartzelatan. Beraz, euskal administrazioei eskatu diete presoei bermatzeko euskara ikasteko eskubidea, eta horretarako “baldintza duinak” eskaintzeko, “beste edozein herritarrekiko berdintasunean”.

Duela lau urte hasi zen taldearen lana: 2017an zortzi irakasle boluntario eta urrundutako bederatzi preso euskarako eskolak ematen hasi ziren, EGA orduko titulua lortzeko asmoz. Nabarmendu dute baldintza eskasetan aritu zirela, baina emaitza “arrakastatsua” izan zela; guztiek eskuratu zuten titulua, eta irakasleak, ikasleak zein senideak “asebeteta” geratu ziren. Ordudanik deialdia zabaldu dute, eta maila ugari eskaintzen dituzte; ikasle eta irakasle gehiago batu dira taldera. Irakasle boluntario guztiak dira euskaltegietan jarduten duten irakasle ofizialak.

Irakasleek azpimarratu dute kartzelak euskaltegi bilakatzeak onurak baino ez lituzkeela ekarriko: euskara ikasteak “hormen arteko bizitza harmoniatsuagoa” bihurtuko luke, eta presoak jendartean “sustraitzen” eta “harreman sareak berregiten” erraztuko luke.

Ofizialtasun eske euskal instituzioei

Orain arteko lan isila azaleratu dute, eta beste pauso bat exijitu diote Eusko Jaurlaritzari, espetxeen eskumena jaso duela-eta: eskolak ofizializatzea, beste ikasketa batzuk dauden moduan. Azaldu dute instituzioek “hitz ederrak” helarazi dizkietela egiten duten lanagatik, baina egoera hobetzeko konponbiderik ez. Salatu dute “baldintza penagarrietan” ematen dituztela eskolak: lokutorioetan, boligrafo eta paperik gabe, entzumenak egiteko baliabiderik gabe eta bisiten zerrendan leku bat hartuta.

Irakasle taldeak azaldu du HABErekin harremanetan izan dela urte horietan, eta “seriotasunez egindako lan ona” aitortu dietela, baina ez dute lortu presoak haien ikasle ofizial gisa onar ditzaten. Aipatzekoa da ikasleen %80k lortu duela mailaren bat ziurtatzea. Jakinarazi dute momentu honetan 33 preso daudela izena emanda, eta 45 irakasle boluntario inguru daudela haiekin lan egiteko prest.

Bideo hau argitaratu du irakasle taldeak, haien lana ikusarazteko:

Kanal hauetan artxibatua: Hizkuntza eskubideak  |  Presoak

Hizkuntza eskubideak kanaletik interesatuko zaizu...
2022-11-22 | ARGIA
“Udalak nirekin euskaraz” kanpaina abiatu dute Iruñean, hizkuntza eskubideen urraketak identifikatu eta salatzeko

Iruñeko euskalgintzako kolektiboek eta Hizkuntz Eskubideen Behatokiak jarri dute martxan "Udalak nirekin euskaraz" kanpaina, Iruñeko Udalaren hizkuntza eskubideen urraketak azaleratzeko helburuz. Horretarako, herritarrei eskatu diete partekatu ditzatela... [+]


2022-11-16 | ARGIA
Segurtasun sailaren erabakiak herritarren eskubideak kaltetu ditzake, Behatokiak salatu duenez

Astelehenean, Eusko Jaurlaritzako Segurtasun Sailak Udaltzaingoko bitarteko agenteen poltsa bat sortzeko (Oinarrizko Eskala eta C-1 Sailkapen Taldea) deialdia argitaratu zuen, azkenaldian udaltzaingoen kidegoan aldi baterako beharrak betetzeko arazoak omen zeudelako.


2022-11-16 | ARGIA
Arkautek Udaltzainen lan poltsarako euskararen eskakizuna kendu duela salatu du ELAk

Atzo argiratu zen Euskal Herriko agintaritzaren aldizkarian Udaltzaingo lan poltsaren inguruko Polizia eta larrialdietako euskal akademiako zuzendari nagusiaren ebazpena. Bertan, kendu egin da aurreko lan poltsan izen emateko baldintzen artean zegoen euskara eskakizuna.


2022-11-14 | ARGIA
Seaskak giza katea egin du Bordelen azterketak euskaraz egiteko eskubidea aldarrikatzeko

Duela bi hilabete bildu ziren Euskararen Erakunde Publikoa eta Frantziako Hezkuntza Ministerioko ordezkaria, eta brebeta eta baxoa euskaraz egin ahal izateko aukerak negoziatzen jarraitzea adostu zuten. Ordutik, ez da mugimendurik egon ordea. Seaskak giza katea egin du... [+]


2022-10-25 | ARGIA
Pantailaldia egingo dute azaroaren 11tik 18ra, astebetez euskarazko ikus-entzunezkoak kontsumitzeko erronka

Pantailak Euskaraz elkarteak sortu du ekimena, pantailetatik jasotzen dugunak hizkuntza ohituretan “zuzeneko eragina” duela uste baitu. Astebetez euskarazko ikus-entzunezkoak kontsumitzeko eta horretarako dauden zailtasunez ohartarazteko xedea du Pantailaldiak.



Irakurrienak
Argia buletina
Egunaren laburpena
zure e-postan
Eguneraketa berriak daude