Preso politikoei harrerak egitea debekatzen saiatuko dira berriz Espainiako Estatuan
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Espainiako Senatuan PP da nagusi, eta euskal preso politikoei begirako hainbat proposamen errepresibo egin ditu bertan berriki, Voxen babesarekin. Bi ekimen legal aurkeztu dituzte, batetik, publikoki presoei egindako harrerak (ongietorriak deiturikoak) debekatzeko, eta, bestetik, presoek barkamena eskatu dezaten xantaia larriagotzeko. Helburu horiek betetzeko, hainbat lege aldatu beharko lituzkete.
Presoei egindako harrerak debekatzeko, adibidez, aldaketak egin beharko lirateke hainbat lege organikotan, Zigor Kodean, Mozal Legean eta espetxe-araudian, Europa Press-ek jaso duenez. PPren arabera, "terrorismoaren biktimen irudia umiliazio eta eraso bidez biktimizatzea" ahalbidetu dezaketen "ekitaldi, kontzentrazio, bilera edo manifestazio guztiak" egongo lirateke jo-puntuan. Gainera, administrazio publikoak zigortu ahal izatea ere jasotzen du lege-proposamenak, aipatutako debekuak betearazten ez badituzte.
Bestalde, Hauteskunde Legea erreformatzea ere bada PPren asmoa, "terrorismoa" leporatuta kondenatu nahi dituzten pertsonei betebehar bat ezartzeko: hauteskunde-zerrenden parte izan nahi badute, frogatu egin beharko dute euren barkamena edo damua. 2024ko urrian ere saiatu ziren ekimen hori aurrera ateratzen, baina ez zuten Diputatuen Kongresuan onartu.
Dena den, barkamena eskatu behar izateko xantaia harago ere eraman nahi dute: kartzelan egonik gradu-sisteman aurrera egin nahi badute, preso politikoek modu "frogagarrian" erakutsi beharko dute damua; alegia, "uko egiten dietela egindako delitu-egintzei, damua agertzen dutela, berriz ekiteko borondatea baztertzen dutela eta argitzeke dauden delituak ikertzen eta antzeko delituak prebenitzen lagunduko dutela". Are gehiago: preso politikoak bultzatu nahi dituzte ikerketa polizialetan parte hartzera.
Senatuan PPk dauka gehiengo osoa, eta onartu egin dituzte proposamenak, beraz, horiek martxan jartzeko tramiteei ekingo diete. Gero, baina, Diputatuen Kongresuan onartu beharko dituzte. 2024an ere landu zituzten halako proposamen batzuk, baina atzera bota zituzten.
Ikerketa berriak
Aipatutako lege-proposamenekin batera, argitu gabeko ekintza armatuei (379 omen dira) buruzko ikerketa berriak abiatzea da PPren asmoa, hiru hilabeteko epean. Fiskaltzarekin eta polizia-indarrekin batera egingo lituzkete ikerketa horiek, eta ez litzateke kontuan hartuko kasuak preskribatuta dauden edo ez. Horretaz gain, PPk eskatu du aztertu dadila ea ETA erakundeko burutzat jotako militanteei ikerketapean dauden ekintzak leporatu ahal zaizkien edo ez, horien ardura leporatuta.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Asteazken eguerdian berreskuratu du askatasuna astigartarrak, zigorra osorik beteta. Espainiako Auzitegi Nazionalak otsailean inputatu zuen ETAren zuzendaritzako ustezko beste lau kiderekin batera, Gregorio Ordoñezen hilketa leporatuta.
Martxoaren 13an lau urte bete dira Fran Balda arbizuarra istripuz hil zela. Preso, iheslari eta deportatuen etxeratzearen alde egin zuen lan, eta haren bost kidek idatzi diote gutun hau.
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.
Sare Herritarrak antolatuta, pasa den urtarrilaren 11n Bilboko kaleak bete zituen manifestazio jendetsuaren ondoren, berriz sortu da eztabaida, euskal presoei salbuespen legeriarik aplikatzen ote zaion. Gure iritzia azaltzen saiatuko gara.
Espetxe politikan aldaketa nabarmena... [+]
Irakurlea dagoeneko jakitun dateke Euskal Herrian askatasunaren alde egon den eta dagoen gatazka politikoaren ondorioz urte luzetan kartzelan, erbestean edota deportazioan bizi behar izan duten euskaldunak, etxerako bidean, beren bizitza berregiten hasteko izaten dituzten... [+]
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioak. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]
Larunbat honetan egingo da Bilbon euskal preso politikoen aldeko urteroko manifestazioa. Gero eta preso gutxiago dago, baina 2011n ETAk bere jarduera armatua eten zuenean inork gutxik irudikatuko zuen handik hamabost urtera oraindik gatazka haren ondorioz espetxeratutako... [+]