Preso palestinar batek ikusmena galdu du Israelgo kartzela batean arreta mediko faltagatik
18 urteko Hasan Tamimi itsu geratu da zegoen kartzelako agintariek hainbat astez medikuaren arreta ukatu ostean.
Igandean askatu zuten presoak hainbat gaixotasun zituen eta tratamendu bereziak behar zituen. Ofer-eko kartzelako (Ramallah-tik gertu, okupatutako Zisjordanian) agintariek behar zituen tratamenduak ukatu zizkioten eta bere osasuna nabarmenki okertu zen. “Bere egoeraren berri eman genien israeldarrei eta ez zioten garrantzirik eman”. Horren ondorioz, bere osasunak okerrera egin zuela adierazi du presoaren osaba Abdunnasir Tamimik.
Apirilean atxilotu zuten Tamimi Israelgo tropen kontra “harriak jaurtitzeagatik”. Atxiloketa administratiboa ezarri zioten eta begia galdu arte ez dute aske utzi.
Palestinar Presoen Elkarteak Oferreko agintariak gogor kritikatu du, nabarmenduz arduragabekeria medikoagatik galdu duela ikusmena presoak.
“Azken egunetan” hainbat herrialderen ordezkariak Turkian izan direla salatu du nazioarteko ekimenak, Erdoganen gobernua presionatzeko ontzidia ez dadin itsasoratu. Askatasunaren Ontzidiak adierazi du ez duela “onartuko” debekurik, eta apirilaren 24an,... [+]
Yala Nafarroa Palestinarekin plataformak antolatutako martxan milaka manifestarik “berehalako su-eten iraunkorra” eskatu dute. Halaber, Espainiako Estatuari exijitu diote Israelekin dituen harreman komertzialak eta diplomatikoak bertan behera uztea.
Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]