Preso eta erbesteratu ohiek bizi duten “prekaritateaz” ohartarazi du Harrerak
Euskal preso eta erbesteratu ohien egoeraren diagnostikoa egin du Harrera elkarteak. Euskal gatazkaren ondorioz espetxea, erbestea edota deportazioa pairatu duten norbanakoak modu kolektiboan laguntzeko tresna da egitura hau.
Presondegitik zein erbestetik Euskal Herrira itzuli ondoren ere segitu ohi dute zailtasun sozial zein ekonomikoek. Horren berri ematen du Harrera elkarteak egindako diagnostikoak, pairatzen duten "prekaritateaz" ohartarazirik. Ehun bat pertsonekin zuzeneko harremana ukan dute egoeraren inguruko informazioa lortzeko, eta orotara 175 lagun ingururekin jarri dira harremanetan prozeduraren berri emateko gisan.
Prentsaurrekoa eskaini dute elkarteko hainbat kidek martxoaren 10 honetan, Baiona Ttipian. 300 bat preso eta erbesteratu ohi bizi dira gaur egun Lapurdi, Nafarroa Beherea eta Zuberoan barna. Horien artean egoera zailenean direnak identifikatu dituzte: presondegian edo erbestean iragan urte luzeen ondorioz ez dutenak gizarte segurantzan gutxieneko denbora kotizatu edo kotizatuko; baita gatazkaren ondorioz traumatismoren bat pairatu dutenak ere.
Hain zuzen, elkarrizketatutako 29 erretretan dira, baina bakarrik lauk dute tasa osoko erretreta; gehienek diru sarrera osagarria jasotzen dute. Hots, prekaritate ekonomikoa izan ohi dute errealitate. Traumatismoei dagokienez, bederatzik torturak pairatu izana salatu dute; beste batzuk zaurituak izan dira GALen edo beste talde paramilitarren atentatuen ondorioz. Gainera, etxean egon arren, euskal militanteei begira bideratu salbuespen neurriak direla eta, anitzek "Damoklesen ezpata dute buru gainean".
Kazeta.eus komunikabidean irakurri daitekeenez, prentsaurrekoan egon da Kattin Haranburu Frederik ‘Xistor’ Haranbururen emaztea ere, "labur baina bihotzetik mintzatuz": hiru hamarkadako espetxeratzearen ondotik egoera ez dela erraza adierazteaz gain, Harreraren, abokatuen eta beste zenbait eragileren lana eskertu du.
Guztion beharra, instituzioena ere bai
Txosten sakon eta mamitsu hau esku artean, Ipar Euskal Herriko eragile sozial, politiko eta instituzionalengana joko du Harrerak, arazoei begira aterabideak bideratzeko gisan, denen inplikazioa eta lankidetza aktibatuz: "Elkarte, eragile politiko eta instituzioen laguntzarekin erantzun beharko da, kolektiboki". Adibidez, Garapen Kontseiluan gatazkaren konponbideaz abiatu duten gogoetan ere parte hartzen ari dira.
Astelehenean, 40 urte beteko dira Joseba Sarrionandia eta Iñaki Pikabea presoek Martuteneko kartzelatik ihes egitea lortu zutenetik. Egiako pisu batean izan ziren ezkutaturik bi iheslariak, eta oraindik milaka eztarrik abesten dute «kristoren martxa dabil!».
GALek Baionako Monbar hotelean egindako atentatuaren urteurrenaren datatik gertu antolatu dute ekimena dozenaka herritarrek. Helburua "egia aldarrikatu, memoria landu eta GALen gerra zikinaren biktimak aitortzea" da, eta irailerako egitaraua aurkeztu dute.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Bere konpromiso politikoagatik eta unibertsitatean zuen militantziagatik, eskuin muturreko taldeen hainbat eraso pairatu zituen 1987 eta 1988 urteetan. Hemezortzi urterekin pairatu zuen lehen erasoa, Bilboko Santutxu auzoan bizi zen eraikineko igogailuan; geroztik, hiru eraso... [+]
Aurrez, Plentziak, Alkizak eta Gernikak euskal errepublikaren parte izatea erabaki zuten. Baztanekin, dagoeneko Euskal Herriko lau herriek hartu dute erabakia.
78ko Sanferminak Gogoan plataformak eta Gasteizko Martxoak 3ko ekimenak bat egin dute espainiar estatuak gertakari latz horietan bere erantzukizuna onartu eta biktimen aitortza ofiziala egin dezan. 'Estatua Erantzule!' izena darama kanpainak.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Jose Miguel Etxeberria Naparra-ren gorpua bilatzeko bigarren saiakera kontatzen duen dokumentala interneten ikusi daiteke asteazken honetatik aurrera. Igandean ekitaldia egingo dute, Batallon Vasco Españolek iruindarra duela 45 urte bahitu eta desagerrarazi zuela... [+]
Belaunaldi oso baten liburua da Palinpsestoa. Idazten dakien modura idatzi du Arrieta Ugartetxeak, eta horixe dateke alde gaitza. Gainerakoan, hortxe gure iragan hurbila, gerra ondoa, apaiz giroa, euskara, militantzia… eta ez hain hurbila ere, senide nagusien gerra... [+]
Milaka pertsona batu ziren larunbatean Bilbon, Euskal Herri libre eta burujabea eraikitzeko aldarrikatzeko. Ikurrinez eta Nafarroako banderez bete zuten Autonomia kalea arratsaldeko mobilizazioan.
Aieteko Nazioarteko Bake Konferentzia 2011n egin zen Donostian eta ondoren sortu zen Bake Bideak, Ipar Euskal Herritik bake prozesua sustatzeko. Bakegileen zeregina ETA armagabetzeko ekinbide zibila antolatzea izan zen. Orain, desegingo direla iragarri dute bi ekimenek.
21 pertsona “giza eskubideen urraketen biktima” gisa aitortu dituzte ofizialki. Espainiako Estatuko funtzionarioek eta eskuin muturreko taldeek torturatutako pertsonak dira eta biolentzia horren lagin txikia baino ez direla dio Egiaren Garaia Da ekimenak.
Datorren irailaren 25ean 40 urte beteko dira GALek Baionako Monbar hotelean egindako atentatutik, non lau euskal errefuxiatu hil zituen. Horren karietara, Gogora Memoria, Elkarbizitza eta Giza Eskubideen Institutuak oroimen ekitaldi bat egingo du udazkenean.
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.