Klasikotasunez jantzita ederragoa dirudielako edo, "Tuzididesen tranpa"deitu ohi diote aditu askok egungo Ameriketako Estatu Batuek (AEB) eta Txinak, gero eta argiago, daramaten talka-joairari. Atenas eta Espartari gertatu omen zitzaien bezala, bat beherantz eta bestea gorantz, egitate bihur daitekeela bien arteko gerra, elkarren beldurra beste aparteko motiborik gabe, alegia.
Baina Mike Minihan jenerala ez da Tuzidides, baizik lau izarreko Steve Bannon bat, eta haren memoraduma ez da Peloponesoko Gerraren kondaira, baizik desideratum bat. Berak "intuizioa" deitzen duena. Baina 2025erako aurreikusten omen duen Txinarekiko gerra hori prestatzeko bere mendekoei agindu arranditsuak emanez janzten duena. Ezin esan desgogora dabilenik.
Ez dakit zer asmo zehatzekin idatz dezakeen goi arduradun militar batek horrelako zerbait. Eta, batez ere, nork eta zergatik eman dezakeen argitara papertxoa, hain zuzen, bere gainetik, adiera guztietan, dagoen Austin idazkaria inguru hartantxe tournée politiko-militar irristakorra egiten ari denean.
Baina MacArthur-Truman-Marshall aurrekari zuzenaz oroitzea ezinbesteko denez, deigarria egiten da Pentagonoak Minihan berehala kargugabetu ez izana, eta "hori ez dela departamentuak Txinari buruz duen ikuspegiaren adierazlea" esanez ase geratzea. "Oraingoz" edo "beste data bat darabilgu guk" osagarria falta zaiola esaldiari ematen du, kasik.
Kontua da –eta Minihanen ateraldiaren ondorengo egunotan gertatuak horixe berresten duela esango nuke– Estatu Batuetako elitean mainstream ikusmoldea bihurtzen ari dela Txinaren aurkako berehalako gerrarena. "Alderdi bien adosgunea" deitzen dutena. Duela bizpahiru urte, horren proposatzaile ausartenek erabili ohi zituzten mozorroak ("gerra kinetikoa", zioen Bannonek) erantzita. Gerra, esaten da orain, zuzen eta labur. Zergatik? Txinaren aurkako bestelako "gerrak" (informatiboa, ekonomikoa, kognitiboa...) porrot egiten ari direlako, maila batean edo bestean.
Eta berehalakotasun horri men eginez, ahalik azkarren izan dadin lasterketa moduko bat abiatu dela esango nuke. 2025ean esaten omen dio "intuizioak" Minihani; 2027an, diote beste batzuek; 2035 baino lehen, segurolagoek. Argi esaten ez dena, baina guztien adimenean dabilena da horren zergatia: AEBrena baino askoz apalagoa den, baina askoz azkarrago hazten ari den, gastu militarrarekin, Txina jada parekotasunera hurbiltzen ari dela praktikan. Eta keynesianismo militarrak gaur egun inon zentzurik izatekotan, Txina edo India bezalako lekuetan izango luke, ez Mendebaldean. Beraz...
Ez da Tuzidides strategos-a izan behar Estatu Batuetan presa dagoela ikusteko.
Danimarkaren menpe segitzen duen Groenlandiako biztanleriaren %88 da inuita, eta beraien hizkuntzan eta kulturan aitzina egite hutsa dute eguneroko desafio. Zuriek kolonizatu zituzten eta gaur egun egoerak bere horretan segitzen du: zurien begietatik bideratuta dagoen... [+]
Truth Social bere sare sozialean eman du berria Erresuma Batuan egin duen bisitaldian, eta adierazi du mugimendua erakunde terrorista izendatuko duela. Legelari askok, ordea, laster azpimarratu dute hori egiteko AEBetako presidenteak izango dituen arazoak.
Palestinako Futbol Elkartea eta Euskadiko Futbol Federakundea "lankidetzan" ari dira partida jokatu ahal izateko eta Espainiako Gobernuak oniritzia eman dio egitasmoari, Ser irrati kateak aurreratu duenez. Palestinako arduradunen esanetan, Israelek 355 futbol jokalari... [+]
Genoako portuko langilea da duela hogei urtetik, eta Portuko Langileen Kolektibo Autonomoko (PLKA) kidea da Italo. Erakunde hori 2011n sortu zen, eta azken asteetan ospetsu egin da nazioarteko komunikabideen, haien kide batek ziurtatu zuenean Israelgo Estatuak Gazara doan... [+]
Palestinan bideratzen ari den genozidioa salatu dute Euskal Herriko Unibertsitateko ordezkariek. Hainbat neurri hartuta ditu EHUk eta tartean, batzorde bat sortzeko proposamena egina dio errektoretzak Palestinaren aldeko unibertsitate mugimenduari, aurretik ere unibertsitateak... [+]
Ia ehun Ministro Kontseilutan genozidioaren kolaboratzaile zuzenen ondoan eserita egon ondoren, IU haserre-plantak egiten ari da eta mahaia uzteko mehatxua egin du.
Irailaren 18a Palestinaren Aldeko Borroka Eguna izango da nazioartean, NBEk Palestinako okupazioarekin amaitzeko hartutako ebazpenetik urtebetera. Hego Euskal Herriko hiru hiriburutan mobilizazioak deitu dituzte.
Artziniegan jaio zen Teresa Aranguren kazetaria: “Senide guztiok herrian jaio gintezen nahi zuen amak”. Madrilen hazi eta bizi arren, herriarekiko loturari eusten dio oraindik: udaro itzultzen da, eta bertan hartu gaitu Palestinaz hitz egiteko. Arangurenek... [+]
Luze jardun liteke Nepalgo politikagintzaren berezitasunen inguruan. Beste inon aurkituko ez diren bitxitasunak ere badituelako. Adibidez, alderdi-aniztasuna. Baina ez nolanahikoa, baizik elkarren arerio diren alderdi marxista-leninisten aniztasuna. Haietako baten buruzagia da... [+]
Total Refusal izena du bere buruari “gerrilla mediatiko” deitzen dion talde austriarrak: bideo-joko ezagunen irudiak lapurtzen ditu, eta akats minimoak egiten ditu irudien diseinuan, legearen aurrean eskuak ez harrapatzeko. Zinea egiten dute irudiekin. Filmin... [+]
Nagyrev (Austro-hungariar Inperioa), 1911. Zsuzsanna Fazekas emagina hungariar herrixkara iritsi zen. Bere egitekoaz gain, medikuntza, kimika eta beste alor askotako oinarrizko ezagutzak zituenez, eta Nagyreven ez medikurik eta ez apaizik ez zegoenez, berehala eragin handia... [+]
The Searchers filma ari ginen ikusten. Western bat, klasiko bat. Indioek Texaseko familia bati eraso egin eta bahituta eramango dute alaba. John Waynek urteak emango ditu indio gaiztoen atzetik alaba hura erreskatatu nahian. Filmak, bistan da, ez du kontatzen nolakoa zen Amerika... [+]