PPk kontrolatuko du Espainiako Kongresuko mahaia, aurreikusi gabeko babesarekin
Ciudadanosekin zuen akordioarekin lortutako 169 bozkei jatorria argitu gabeko beste hamar gehitu zaizkie. PSOE eta Unidos Podemosen arabera, nazionalistenak dira: EAJk ukatu egin du hori.
Espainiako Gobernuaren inbestidura dantza hasteko moduan da, behin Kongresuko mahaia aukeratu eta gero. Hala, PPko kide Ana Pastorrek ordezkatuko du Patxi López lehendakari ohia mahaiaren presidentetzan, PP eta Ciudadanosen arteko akordioari esker. Pastorrek bozketaren bigarren itzulian eskuratu du postua, 169 bozka jasota. López, PSOEko hautagaia, 155 diputatuk babestu dute, eta 25 abstentzio egon dira.
Ezustekoa, baina, mahaiko lehen eta hirugarren presidenteordetzak hautatzerakoan iritsi da. PPko Rosa Romerok eta Ciudadanoseko Ignacio Prendesek bi alderdien arteko akordioak aurreikusitako 169 bozkez gain beste 10 lortu dituzte. PSOE eta Unidos Podemosen arabera, alderdi nazionalistak izan dira bozka horien emaileak: EAJ eta Convergència, alegia.
Jeltzaleek ukatu egin dute Romero eta Prendes babestu izana; antzera mintzatu da Convergènciako Francesc Homs ere. Bi alderdiek zehaztu dute abstentziora jo dutela. Emaileek aitortu ezean, bozketa sekretua izateak ez du ahalbidetzen bozken jatorria argitzea, eta orain artean inork ez du pausu hori eman.
Kongresuan talde propioa lortu nahian dabil Convergència, eta horretarako beharrezkoa du mahaiaren oniritzia. PSOE eta Unidos Podemosek horrekin lotu dute espero gabeko babesa. Alderdi katalanak zortzi diputatu ditu, eta beste biak EAJtik heldu direla iradoki dute: Maria Eugenia Arrizabalagari Senatuko mahaian lekua egiteko akordioa egin izanak hauspotu ditu zurrumurru horiek.
Mahaiaren osaketak utzitako marrazkiak gobernuaren inbestidurarekin zerikusia izan dezakeela adierazi dute ezkerreko alderdiek. El Mundok argitaratu duenez, PPren zuzendaritzak argi du Ciudadanosek Rajoy babestuko duela, eta hori ahalik lasterren gerta dadin presioa egingo du. Bestalde, popularrek ontzat emango lukete alor ekonomikoan EAJ eta Convergènciarekin akordio puntualak egitea, aurrekontuak edo gastu sabaia kasu.
Azaroaren 19an Justiziaren Eraginkortasunari buruzko Legea eta Prozedura Kirminalaren Legea aldatu zituen Espainiako Kongresuak, beste lege sorta batzuk onartzearekin batera. Horrek epaiketa azkarrak egitea, pisu turistikoen erregulazioa aldatzea edo kaleratze zehatz batzuen... [+]
PP, Vox, Junts eta EAJren botoekin Espainiako Kongresuak onartu du otsoa espezie babestuen zerrendatik ateratzea eta, horren ondorioz, berriz ehizatu ahal izango dute Duero ibaitik iparrera.
Junts eta ERC abstenitu egin dira bozketan eta popularrek aurkezturiko ez-legezko proposamena aurrera atera da, PP, Vox eta UPNren botoekin. 2027 eta 2035 urteen artean ixtea aurreikusten diren Espainiako Estatuko zazpi zentral nuklearren bizitza erabilgarria handitzea ekarriko... [+]
Zalapartak zalaparta, eta Espainiako Senatua gainditu ondoren, Europako zigorrak bateratzeko lege aldaketak aurrera jarraituko du. Horrela, 2008an zigorrak bateratzeko Europak onartutako zuzentarauari Espainiak 2014an jarritako salbuespena desagertuko da, eta horrek 45 euskal... [+]
Orain Senatura bidean joango da legea, han PPk ahal duen neurrian atzeratuko du –bi bat hilabetez– eta gero berriz itzuliko da Espainiako Kongresura azken onarpena izan dezan.
Egungo Espainiako Gobernua osatzea ahalbidetu zuten alderdi gehienek onartu dute EAJk hirugarrenez aurkezturiko proposamena Espainiako Kongresuan, baina zalantzak daude hemendik aurrera PSOEk hartuko duen jarreraren inguruan, beste aldietan sozialistek ez baitute urrats gehiago... [+]
Espainiako Kongresuan egiten ari diren eztabaidan oihartzuna izan du Iruñeko alkatetza aldatzeko PSNren eta EH Bilduren arteko akordioak. Alberto Nuñez Feijóok esan du "akordio enkaputxatu" bat dela. Patxi Lópezek, berriz, ukatu egin du... [+]
Espainiako Kongresuan hizkuntza gehiago mintzatu daitezke joan den astetik: euskara, galiziera eta katalana, aldibereko interpretazioarekin norabide bakarrean. Asturierak eta aragoierak, estatus txikiagoa erdietsi dute: diputatuek erabil ditzakete, itzulpena jarraian ematen... [+]
11:30ean izan da kargua hartzeko ekitaldia Nafarroako Parlamentuan, eta gonbidatu gisa joan dira hainbat ordezkari politiko, tartean Iñigo Urkullu EAEko lehendakaria. Kontseilari berriak ere izendatu dituzte: lau Geroa Baik gidatuko ditu eta bat Zurekin Nafarroak;... [+]
Espainiako Gorteak osatzeko ordu gutxi batzuk geratzen zirela, Pedro Sánchezek beharrezkoak dituen alderdi abertzaleen botoa eskuratu nahian hizkuntza gutxituen gaia jarri du mahai gainean. Espainiako Parlamentuko mahaiko presidente Francina Armengol PSOEko hautagaia... [+]
Usansolotarrek 30 urte daramatzate herri izateko lanean, eta orain bide horren azken txanpan daude. Espainiako Legedian, aldiz, oztopoak egon daitezke eta horiek gainditzeko, asteazken honetan EAJk, EH Bilduk eta Ahal Duguk proposamen bateratua aurkeztu dute Madrilen.
Buletin autonomikoa ikusten ari nintzen (idatzi, eta berehala damutu naiz purrustadaz, albistegian lan egiten duen kazetari bikain zenbait buruan, baina berriro haserretu, eta pasa zait damua): EAJri buruz ari ziren. Kontra eta alde botatu omen zuen Espainiako Kongresuan. Hala... [+]
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Bikainak izan beharko lukete, merezimenduzkoak, beren ikaskideen gaitasunen gainetik. Hala ere, ez da hori gertatzen, dio Konstituzio Zuzenbideko irakasle eta Auzitegi Konstituzionaleko letradu ohi Joaquín Uríasek. Espainiako Auzitegi Konstituzionalean... [+]
Espainiako Auzitegi Konstituzionalak estatuko demokraziaren historian lehen aldiz bertan behera utzi du Diputatuen Kongresuan tramitatzen ari ziren lege bat, Zigor Kodearen erreforma bat, hain zuzen, ahalbidetuko lukeena Konstituzionaleko gehiengoa progresista izatea... [+]