PP: “Espainia ez da desegingo, horren esperantzan zaudetenok ahantzi ideia hori”
PP, PSOE eta UPyD alderdiek ezezko borobila eman zioten Kongresuan herrien autodeterminazio eskubideari. Amaiur koalizioak, Kataluniako ERC-k eta Galiziako BNG-k eramandako erabakitzeko eskubidearekin lotutako legez besteko proposamena eztabaidagai izan zen atzo Madrilgo kongresuan.
Herrialdeek haien nortasunaren inguruko erreferendumak antolatu ahal izatea bozkatu zuten diputatuek, baina PPko diputatuen gehiengo absolutuarekin eta PSOE nahiz UPyDkoen botoekin atzera bota zuten proposamena.
Pedro Gomez de la Serna PPko bozeramaleak argi utzi zuen Espainian ez dagoela bereizketarako aukerarik eta sezesio oro antidemokratikoa dela. Bere aburuz Espainia ez da inola ere desegingo, hori ekiditeko lege konstituzionalak, instituzio demokratikoak, Europar Batasuna eta nazioartea daudelako. Horregatik, “horren esperantzan zaudetenok ahantzi ideia hori” esan zuen.
Talde mistoko hiru alderdiek Kongresura eramandako egitasmoak EAJren eta Geroa Bairen babesa jaso zuen, zenbait puntutan ados ez zeudela adierazi zuten arren. CIU eta ICV alderdi katalanek berriz, zalantzak agertu zituzten eta abstentziora jo zuten. Haien jarrera erabakitze eskubidearen aldekoa izan arren Amaiur, ERC eta BNG alderdiek hartutako bidea gustuko ez zutela argudiatuz. CIUren jarrera deigarria izan zen, ERCri bere kabuz eta Kataluniako Parlamentuak adostutako bidea errespetatu gabe jokatu izana leporatu baitzion. Bestalde, Izquierda Unida ere, abstenitu egin zen.
Atzoko saioa, erabakitzeko eskubidearekin lotutako nazioarteko hitzarmen eta Espainiako legediari eginiko aipamen ugariren artean gauzatu zen. Funtsean, legez besteko proposamen horrek eskatzen zuena Espainiak nazioartean sinatutako hitzarmenak betetzea zen. Izan ere, horietako askok herrien erabakitze eskubidea jasotzen dutela gogoratu zuten.
Talde horiek independentziari begirako herri galdeketak egitea ahalbidetuko luketen lege proposamenak aurkeztu izan dituzte aurretik ere, baina beti jaso dute ezezkoa, kontrako jarrera duten alderdiek Espainiar konstituzioa aitzakiatzat hartuta.
Aurreko aldietan gertatutakoa ikusita ekimenaren bultzatzaileek ez zuten proposamena aurrera ateratzeko esperantzarik. Baina Xabier Mikel Errekondo, Jon Iñarritu eta Rafael Larreina Amaiurko diputatuek adierazi zutenez Kongresura eramandako eztabaida horrek "Euskal Herriko eta Kataluniako gehiengoak hartutako bidea eta Estatutakoak hartutakoa ezberdinak direla erakusten du”.
Herri libre bat, Euskal Herriak erabaki lelopean, parte hartzera eta kaleak ikurrinaz betetzera dei egin du herri mugimenduak.
Jende andana bertaratu zen Nafarroako hirira larunbatean, BAM Burujabetzaren Aldeko Mugimenduak antolatu zituen azokara nahiz hitzaldietara. Egun osoan zehar giro polita nagusitu zela azpimarratu du Itziar Moreno BAMeko kideak. Gainera, Morenok adierazi du "ondorio... [+]
Burujabetzaren Aldeko Mugimenduak topaketak antolatu ditu larunbatean, Tafallan (Nafarroa). Egun osoko egitarau zabala antolatu dute, eta mugimendu horretako kide den José Javier Oses "Jotas"-ekin hitz egin du ARGIAk. Osesek azpimarratu du elkarteak Euskal Herri... [+]
Hedabideetan nahiko aipatu dira asteleheneko itzalaldiak gizartean eragin dituen ondorioak, baina nahikoa aipatu al da gertakari horrek agerian uzten duena? Besteak beste, bi auzi nagusi: bizirauteko energiarekiko dugun menpekotasuna eta azken urteetan gertatzen ari den zerbitzu... [+]
1999an sortu zuten Udalbiltzaren sortzaileetako bat izan zen, eta erakundeko lehen presidente izendatu zuten urte berean. Ondarroako alkate izan zen hiru agintalditan, eta hango udalak eman du albistearen berri.
Topatu eta topa! Tipi-tapa, elkarrekin ekin eta, bidea, eginean egin aurrera. Mahaiak, aulkiak, koadernoak eta boligrafoak, platerak, konfidentziak, tragoak eta ahotsak, eskuak, ideiak eta barreak, borrokarako besarkada gozoak. Txistulariak bileran, erraldoiak lasterka eta... [+]
Independentziaren aldeko ekimenak aurrera eramateko baliabide faltagatik "itzaliko" da. Aurretik, Euskal Herri osoko 101 udaletan independentzia mozioak erregistratuko dituztela iragarri dute, euskal errepublikaren aldeko prozesuan urratsak egiteko. Baliabide faltaz... [+]
Euskal Herriko bi muturretatik datoz Itziar (Bilbo, 1982) eta Ekaitz (Erriberri, 2002), sortzen ari den Burujabetzaren Aldeko Mugimenduaren berri ematera. Euskal Herrian diren burujabetza prozesu ugariak arloz arlo bultzatu eta indartu nahi ditu BAMek. Lan horretan hasteko,... [+]
Bizi garen gizartea erabat oinarrituta dago menpekotasunean. Mendeetan zehar gure bizitza horren arabera eratu da, eta poliki-poliki erabakitzeko eskumena, askatasuna eta burujabe izatea murriztuz joan dira. Batzuetan bortizki kendu dizkigute; besteetan, ordea, geuk eman ditugu... [+]
Euskal eskola publikoetan irakasleek sekulako lana egiten dute aniztasuna kudeatzen. Euren lana egiteko modua berrasmatu behar izan dute azken urteetan. Konplexuagoa bilakatu den mundu honetan pertsona izatea zer den esploratzeko laborategiak iruditzen zaizkit eskola publikoak... [+]
Udalbiltzak 2021etik antolatzen du Geuretik Sortuak sormen beka. Oraingoan, literaturaren alorrari dagokion Hamarreko bitxia ipuin liburua aurkeztu dute Donostian.
Herritarrei eta Hernaniko enpresei energia aholkularitza eskainiko die.
Abenduaren 6an Konstituzioaren Eguna ospatzen da Espainiako Estatuan. ARGIAn aspaldi egin genuen hautua gure egutegi propioa landu eta jai inposatzaile eta arrotzak ez onartzeko; horregatik, asteazken honetan normaltasunez ari gara lanean, ez dugulako ezer ospatzeko.