“Euskal Herrian berezko askapen prozesu bat badagoela konturatzeko balioko dute topaketek”
Burujabetzaren Aldeko Mugimenduak topaketak antolatu ditu larunbatean, Tafallan (Nafarroa). Egun osoko egitarau zabala antolatu dute, eta mugimendu horretako kide den José Javier Oses "Jotas"-ekin hitz egin du ARGIAk. Osesek azpimarratu du elkarteak Euskal Herri osoko Herri Mugimenduen arteko harremanak saretzea eta indartzea duela helburu, eta horretarako tresna gisa balioko dutela topaketek.
ARGIAko kazetari Lander Arbelaitzek martxoan elkarrizketatu zituen sortu berri zuten BAM Burujabetzaren Aldeko Mugimenduko kide Itziar eta Ekaitz. Hain zuzen, elkarrizketa horretan Ekaitzek zera azpimarratu zuen: "Maiatzaren 24an Tafallan (Nafarroa) egingo ditugun topaketak mugimenduaren lehen mugarria izango dira, jendea hurbiltzeko eta ezagutzeko nora goazen". Bada, larunbata ate joka dago dagoeneko, eta horren inguruan hitz egiteko BAM-eko kide den José Javier Oses "Jotas"-ekin jarri da harremanetan ARGIA.
Ekaitzek eta Itziarrek martxoan aipatu zuten bezala, Osesek azpimarratu du BAM Euskal Herri osoko arlo guztietako Herri Mugimenduetako kidek osatzen duten elkartea dela, eta hura osatzen duten mugimendu guztien arteko harremanak saretzea eta indartzea duela helburu: "Konturatu gara hamaika proiektu jartzen direla martxan leku eta bazter guztietan, baina elkarren arteko ezjakintasuna eta ezagutza falta nagusitzen dela". Izan ere, BAM-eko kideak Euskal Herriko arlo ezberdinetako elkarteen arteko "talde sentimendu" hori faltan somatzen du.
Hain zuzen, horri erantzungo diote larunbateko topaketek, Osesen esanetan, mota guztietako mugimenduetako partaideek elkar ezagutzeko tresna gisa. Mugimenduak jarriko duen "lehen hazia" izango dira larunbateko topaketak, Osesen arabera, eta Euskal Herrian "berezko askapen prozesu bat" martxan dagoela konturatzeko balioko du, Herri Mugimenduan oinarrituta:
"Gure helburua lur emankor batean lehen hazia jartzea izango da, eta hortik abiatuta Herri Mugimendutik askapen prozesuarekin jarraitzea".
Egitarau "oparoa", gai ugari jorratuz
Horretarako, egun osoko egitarau "oparoa" osatzea lortu dutela nabarmendu du Osesek. Guztira, Tafallako lau tokitan eskainiko dituzte mota guztietako ekintzak egun osoan zehar: Kulturgunean, Plazan, Azoka plazan eta Pasealekuan.10:30ean ekingo diote egunari, txupinazioarekin eta mota guztietako produktuen azokaren irekierakin. Pasealekuan Herri Mugimenduarekin loturiko gai ugari jorratuko dituzte goizean zehar: herri boterea, elikadura, telekomunikazioak eta teknologia, feminismoa eta zaintza komunitarioa (zerrenda osoa beheko argazkian).
Azoka plazan, berriz, 14:30ean bazkari herrikoia egiteaz gain, 17:00etan "desobedientziaren eraginkortasunaz" mintzatuko dira hainbat kolektibo: CDR Kataluniatik, Marinaleta eta SAT Andaluziatik eta Le Collectif contre l'A69 Tolousetik (Okzitania). Ordu berean, Argentinako, Filipinetako, Kubako, Andaluziako eta Venezuelako hainbat kideren laguntzarekin, besteak beste, burujabetza, herri boterea eta demokrazia komuna landuko dituzte Kulturgunean. Plazan, azkenik, azokaz gain umeentzako aisialdi hezitzailea izango dute goizean zehar, eta 14:00etan "manikalejira" abiatuko da bertatik.
Hedabideetan nahiko aipatu dira asteleheneko itzalaldiak gizartean eragin dituen ondorioak, baina nahikoa aipatu al da gertakari horrek agerian uzten duena? Besteak beste, bi auzi nagusi: bizirauteko energiarekiko dugun menpekotasuna eta azken urteetan gertatzen ari den zerbitzu... [+]
1999an sortu zuten Udalbiltzaren sortzaileetako bat izan zen, eta erakundeko lehen presidente izendatu zuten urte berean. Ondarroako alkate izan zen hiru agintalditan, eta hango udalak eman du albistearen berri.
Topatu eta topa! Tipi-tapa, elkarrekin ekin eta, bidea, eginean egin aurrera. Mahaiak, aulkiak, koadernoak eta boligrafoak, platerak, konfidentziak, tragoak eta ahotsak, eskuak, ideiak eta barreak, borrokarako besarkada gozoak. Txistulariak bileran, erraldoiak lasterka eta... [+]
Independentziaren aldeko ekimenak aurrera eramateko baliabide faltagatik "itzaliko" da. Aurretik, Euskal Herri osoko 101 udaletan independentzia mozioak erregistratuko dituztela iragarri dute, euskal errepublikaren aldeko prozesuan urratsak egiteko. Baliabide faltaz... [+]
Euskal Herriko bi muturretatik datoz Itziar (Bilbo, 1982) eta Ekaitz (Erriberri, 2002), sortzen ari den Burujabetzaren Aldeko Mugimenduaren berri ematera. Euskal Herrian diren burujabetza prozesu ugariak arloz arlo bultzatu eta indartu nahi ditu BAMek. Lan horretan hasteko,... [+]
Bizi garen gizartea erabat oinarrituta dago menpekotasunean. Mendeetan zehar gure bizitza horren arabera eratu da, eta poliki-poliki erabakitzeko eskumena, askatasuna eta burujabe izatea murriztuz joan dira. Batzuetan bortizki kendu dizkigute; besteetan, ordea, geuk eman ditugu... [+]
Euskal eskola publikoetan irakasleek sekulako lana egiten dute aniztasuna kudeatzen. Euren lana egiteko modua berrasmatu behar izan dute azken urteetan. Konplexuagoa bilakatu den mundu honetan pertsona izatea zer den esploratzeko laborategiak iruditzen zaizkit eskola publikoak... [+]
Udalbiltzak 2021etik antolatzen du Geuretik Sortuak sormen beka. Oraingoan, literaturaren alorrari dagokion Hamarreko bitxia ipuin liburua aurkeztu dute Donostian.
Herritarrei eta Hernaniko enpresei energia aholkularitza eskainiko die.
Abenduaren 6an Konstituzioaren Eguna ospatzen da Espainiako Estatuan. ARGIAn aspaldi egin genuen hautua gure egutegi propioa landu eta jai inposatzaile eta arrotzak ez onartzeko; horregatik, asteazken honetan normaltasunez ari gara lanean, ez dugulako ezer ospatzeko.
Ostiral honetan ekonomialari euskaldunek zita garrantzitsua dute Gasteizko Euskaltzaindiaren egoitzan. Ekonomialarien Euskal Elkargoak eta Udako Euskal Unibertsitateak antolatuta, biltzarra egingo dute hirugarrenez. Euskal Herrian estrategikoak izan daitezkeen hainbat gairen... [+]
Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak... [+]