Podemosek iradoki du erabakitzeko eskubideari bidea zabaldu behar zaiola

Nerea Ibarzabal Salegi @ibarnere
2015eko urtarrilaren 19a
Gemma Ubasart Gonzalez, Podemoseko Plurinazionalitate eta aldaketarako Politika Publikoetako idazkaria. (Arg: Crític)

“Heldutasun demokratikoa: erabakitzeko eskubidea eta bake prozesua” izenburupean, Espainiako Estatuak gizarteko aldaketen aurrean izandako jarrera estatikoaz kexatu da Ubasart. “Klase politikoaren zati handi baten eta zigor-sistemako eragile askoren ekintzek Espainia heldutasun demokratikorik gabeko estatu bihurtzen dute”.

Erresuma Batuak azken urteetako prozesuetan izandako jokabidea alderatu du Espainiako Estatuarenarekin. “IRAk armak utzi zituenean, Londresek aktiboki hartu zuen parte elkarrizketetan eta gatazkaren konponketan”.

ETAk ekintza armatua uzterakoan, ordea, Espainiako Estatua “oso gutxi mugitu” dela salatu du Podemoseko idazkariak, “egoera guztiz aldatu izan ez balitz bezala”. “Zentzugabea da ETAri aurre egin nahi izatea ETArik gabe”.

Oraindik indarrean dagoen “salbuespen egoera” kritikatu du, baita iragan asteko abokatuen aurkako atxiloketak ere. “Etsaiaren aurkako zigorrak oso presente dirau Estatu Espainiarrean”.

Erabakitzeko eskubidea

Ubasarten hitzetan, Eskozian independentziaren aldeko ahotsak nagusitzean, ingelesen batasunerako deia ez da “inposaketaren eta mehatxuaren bidez” egiten; Espainian, ordea, Kataluniari beraien etorkizuna erabakitzen ez uzteak Estatuaren eta katalanen arteko eztabaida politikoa “enkistatu” du.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Podemos  |  Espainia  |  Katalunia independentziarantz

Podemos kanaletik interesatuko zaizu...
Azkenak
EGILEA
Eguneraketa berriak daude