Pintada arrazistak eta matxistak egin dituzte Deban
Alkateari mezkita ixteko mehatxu egin diote, eta Open Arms ontzia eta mugimendu feminista jomugan hartu dituzte. 19:30ean elkarretaratzea izango da Deban Sare antifaxistak deituta.
Afrikatik Europara bidean zetozen migratzaileak jaso zituen Open Arms ontziaren aurkako pintadak Open Arms=negreros dio. Mugimendu feministaren aurkako hiru pintada agertu dira hainbat hormatan eta ondokoa diote: Feminazis al hoyo (feminaziak zulora), Feminazis FCK eta A.C.A.B. Migratzaileen, gobernuz kanpoko erakundearen eta feministen aurka egiteaz gain Debako EH Bilduko alkatea mehatxatu dute. Pintadak hala dio: “Guillen, cierra la mezquita. Primer aviso”. Mezkita maiatzean ireki zuten herrian. Alkateak irainduak izan diren gizarte eragileak babestu ditu. Mugimendu feministaz ondokoa adierazi du Noticias de Gipuzkoa egunkariari egindako adierazpenetan: “Jakina babesa erabatekoa dela. Eraso sexistak direla-eta (gainera udan egoera larriagoa izaten da), talde feministetako emakumeak egiten ari diren lana goraipatzekoa da”. Maiatzean abian jarritako mezkitako kideei buruz ondokoa esan du : “Haien kultura ezagutarazten ari dira eta bizilagun guztien artean integrazio egoki baterako bideak irekitzen ari dira”. Irain eta mehatxu guztien aurrean isilik ezin direla gelditu esan du: “Ez dakigu nork egin dituen pintadak baina erne egon behar da eta serio hartu”.
Pintadak Iñigo Mijangos Salvamento Marítimo Humanitario gobernuz kanpoko erakundeko lehendakariak zabaldu ditu sare sozialetan. GKE horrek Aita Mari arrantzontzia prestatu berri du migratzaileak itsasoan salbatu ahal izateko. Mijangosek honela adierazi du sare sozialetan: “Horrelako jarrerak onartzen baldin baditugu, hurrengo gauez ateratzen direnean gure atea joko dute. StopFaxismoa”. Open Armsen aurkako pintada nork egin duen galdetuta ondokoa adierazi du: “Norbaiten erreakzioa da, ez dakigu herrikoa den ala kanpokoa. Agian deseroso dago guk egiten dugun lanarekin. Hala bada, eman dezala bere iritzia dagokion tokian, badaude-eta bide demokratikoak eta ez ibili gauez mehatxuka. Pedagogia gehiago behar da, fokua zabaldu eta guregandik desberdina denarekiko errespetua landu behar da”.
Deban, 19:30ean elkarretaratzea egingo dute pintaden mezuak arbuiatzeko.
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.
Erasoa ile apaindegi batean egin zuen Poliziak iragan astean, Bilboko Kontseilu Sozialistak salatu duenez. Ile apaindegiko kamera baten irudiak zabaldu dituzte.
Kondenatutako atzerritarren nazionalitateari buruzko datuak argitaratuko dituela adierazi du Erresuma Batuko Barne ministroak. Bide beretik, pasa den astean ezagutarazi zen Aste Nagusian atxilotutako 79 pertsonaren argazkiak filtratu zituela Ertzaintzak.
Militante eta ikerlari antiarrazistak abiapuntu argia adierazten du: arrazakeriaren aurka borrokatzea ez da zeregin psikologiko edo diskurtsibo bat, baizik eta egiturak desegiteko premia.
Elkarteko Andoni Burguetek nabarmendu du espetxean dauden presoek egindako delitu gehienek behar sozioekonomikoekin lotura dutela.
Segurtasun falta dagoen irudipena handitu dela azaldu du Eustaten azken txostenak. Gurean, Trapagaranen, Segurtasuna orain, delinkuenteen aurka manifestaziora deitu dute herritar batzuek.
Bi izan dira sentsazio hori zabaltzeko arrazoiak. Batetik, udalak Udaltzaingoaren... [+]
Etxebizitza eskuratzeko orduan pertsona arrazializatuek eta migratzaileek jasaten duten bazterketa sistematikoa salatu dute Gasteizen, agerraldi baten bidez. Apirilaren 5ean Donostiara bertaratzera deitu dute, etxebizitza-eskubide unibertsalaren alde.
Hainbat kolektibo daude Gasteiz Anitzaren atzean. Egoera larrien aurrean "soilik poliziaren esku hartze gehiago" eskatzen duen eta "eskubideen urraketei entzungor" egiten dion ereduaren aurrean, beste praktika eredu bat egiteko saiakera dela adierazi dute... [+]
Hirurehun bat pertsona hurbildu ziren jende katea osatzeko Marengo eta Pannecau zubien artean.
Trintxerpen hasi eta Donostian bukatu da hainbat kolektibok deitutako XXVIII. Arrazakeriaren Kontrako Martxa.
Hurrengo ariketa egin ezazu zure lantokian, euskaltegian edo gimnasioan:
Altxa eskua Minneapoliseko George Floyd nor den dakizuenok.
Altxa eskua Madrilgo Mame Mbaye nor den dakizuenok.
Altxa eskua Barakaldoko X nor den dakizuenok.
Mame Mbaye manteroa duela zazpi urte... [+]
1960ko martxoaren 21ean, Hegoafrikako Poliziak 69 lagun hil zituen apartheidaren kontrako manifestazio baketsu batean. Ordutik, egun hori Arrazakeriaren eta Xenofobiaren Nazioarteko eguna ospatzen da, aldarrikapenez beteta. SOS Arrazakeriak urtero gai ezberdin bat lantzeko... [+]
Lau turistak eraso zieten jatorri pakistandarreko hainbat langileri, Lekeitioko Gazte Asanbladak salatu duenez.