Laugarren aldia da genero biolentzia badenik ukatzen duten mezuekin erasotzen dituztela. Hedabideko erredakzioko kideak ere iraindu dituzte.
Astelehen honetan, 'Pikara Magazine'ren erredakzioa pintada matxistekin agertu da berriro. Laugarren aldia da 2020an Bilbon egoitza duen aldizkariaren aurka mota horretako erasoa gertatzen dela.
Pintadek “biolentziak ez du generorik” eta "Sorosen putak" bezalako irain misoginoak adierazten dituzte. Azken horrek George Soros enpresari hungariar milioidunari egiten dio erreferentzia, zeina zirkulu neofaxistetan mugimendu feministaren finantziatzailetzat jotzen den.
Horrez gain, “charos” iraina darabilte oraingoan: "Charos kanpora gure auzoetatik" eta "Ok, Charos", diote. Irain matxista berri hori “feminitatearen aginduak betetzen ez dituzten emakume horien aurka mespretxagarria izan nahi duen deitura” dela azaldu du Pikarak.
“Prentsa askatasunaren aurkako erasoa” izan dela azpimarratu du Pikarak bere web orrialdean, eta euren jardueraren zilegitasunean berretsi dira.
Pintadak Faktoria Lila egitasmoaren aurreko egoitzan (kale berean dago) ere egin dituzte.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Incel, involuntarily celibate hitzetatik hartutako terminoa da. Euren nahien kontra harreman sexualak izateko gai ez direla dioten pertsonez osatutako komunitate birtuala da. Batez ere, gizon heterosexual zuriek osatzen dute ‘azpikultura’ hau. Metropoli Forala... [+]
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]