Meatzaldea Bizirik talde ekologistak azaldu duenez koke plantako azken gertakariak bistan utzi du herritarren "osasuna eta segurtasuna jokoan" dagoela. Elkarretaratzea egingo dute hilaren 26an Arenako hondartzan.
Abuuztuaren 21ean Petronorren koke plantan izandako ez-ohiko ke emisioek irudi ikusgarriak uzteaz gain larritasun handia sorrarazi dute hainbat herritarren artean. Meatzaldea Bizirik taldeak azaldu duenez isuria 28º-rekin gertatu izana kezkagarria da "tenperatura igoera txiki batek sor dezakeelako halako zerbait".
Tximiniako suak "bonbardaturik" ikusi dute beren burua, eta gasolina kiratsa eta bestelako arriskuez ohartarazi du talde ekologistak. "Orain 10 urte hasi ginen antolatzen Petronorren zabalkundearen kontra", diote ekologistek, baina geroztik "munstroak" hor jarraitzen duela salatu dute eta besteak beste "koke-hauts euria" jasan behar izaten dutela, zarata eta usainaz gain.
Euren esanetan herri baten barruan "gaizki kokatuta" dagoen findegi batentzat horrelako koke planta bat martxan jartzea ez da segurua: "Badaude osasungarriagoak diren aukerak, ekonomikoki errentagarriagoak energia berriztagarriak erabiliz".
Hori guztia salatzeko elkarretaratzea deitu dute larunbatean, abuztuak 26, eguerdiko 12:00etan Muskizko Arenako hondartzan barrena.
Elkarrekin-Podemos taldeak informazioa eskatu du Eusko Legebiltzarrean, Lemoako Bistibietako zabortegian egon daitekeen hondakinen inguruan. Ekologistek sarritan salatu dute bertan gorde zituztela 2002an hondoratutako Prestige petroliontziak askatu eta euskal arrantzaleek itsaso... [+]
Zierbenako portuan planta bat eraiki nahi du enpresak. Arriskutsutzat jotzen diren hondakinak eraldatu eta hormigoi eta baldosen bidez, besteak beste, eraikinetan eta obra publikoetan sartu nahi ditu.
Lizentzia-eskaeran “hainbat artxibo osatu gabe zeudelako” obrak geldiarazteko dekretua sinatu du Muskizko alkate Edu Brionesek.
"Petronor eta Repsol dira Euskadin eta Espainiako Estatuan hurrenez-hurren CO2 gehien isurtzen duten konpainiak", salatu du Greenpeacek. "Gisa honetako ekitaldiak baliatzen dituzte haien irudia garbitzeko".