Petronorrek erraustegietako hondakinak jaso eta eraldatzeko proiektua aurkeztu du
Zierbenako portuan planta bat eraiki nahi du enpresak. Arriskutsutzat jotzen diren hondakinak eraldatu eta hormigoi eta baldosen bidez, besteak beste, eraikinetan eta obra publikoetan sartu nahi ditu.
Petronor enpresak proiektu berri bat aurkeztu zuen irailean, Naiz-ek jakitera eman duenez. Arriskutsutzat jotzen diren erraustegietako errauts eta zepa guztiak jaso eta eraldatu nahi ditu, hormigoi, baldosa, zintarri eta harlangaitzaren bidez eraikinetan eta obra publikoetan sartzeko. Horretarako, Zierbenako portuan planta bat eraiki nahi du enpresak.
Proiektuak beste hondakin batean eraldatu nahi ditu errautsak. Hondakin horrek, ordea, onartua izan dadin Ministerioaren kalifikazioa jaso behar du, bere ezaugarri eta arriskugarritasuna aztertuta.
Irailaren 5ean egin zuen publiko Petronorren proiektua Ingurumen Kalitatearen eta Ekonomia Zirkularraren zuzendariak Euskal Herriko Agintaritzaren Aldizkarian.
Proiektuak jasotzen duenez, “Planta berriko lehengaiaren (hondakinen) zati handi bat instalazio termikoetatik (erraustegiak, eta abar) etorriko da, eta instalazio termiko hori HHSko erraustegietako errauts-zepak edo errekuntza-instalazioak (APCr) izango dira, batez ere”.
Bestalde, proiektuak azaltzen du erraustegiak urte osoan lanean aritzen direla planta jarri nahi duen tokitik 100 kilometro baino gutxiagora: “Gehiago daude Asturias, Katalunia, Madril, Galizia eta Zaragozan, besteak beste”.
Proiektuaren arriskugarritasuna
Zierbenako plantara eraman nahi dituzten hondakinetatik hamabost “arriskutsuak” direla argitzen du proiektuak, baina azpimarratu du “zisterna-motako kamioi itxiak erabiliz” garraiatuko direla. Karga eta deskarga lanetan “partikula solidoak airera isurtzeko” arriskua dagoenez, enpresak “automatikoki” egingo dela argitu du: “Aurreikusita dago siloak iragazkiz hornitzea, gai horiek kargatu bitartean sor daitezkeen hauts-isuri barreiatuak biltzeko eta arazteko”.
Baimenaren zain
Enpresak prozesuaren helburua finkatu du: “Petronorren industria-instalazioetan sortutako CO2a finkatu nahi dugu, gure inguruko instalazio termikoetan sortutako hondakin bat merkataritza-material berri batean bihurtzeko”.
Material berri hori zein den jakiteke dago oraindik. Eraikuntza-sektorean erabiliko den material ekoagregatua (birziklatua) izango dela adierazi du enpresak, eta harrobietatik agregakin naturalak ateratzea saihestuko duela.
Petronorrek oraindik ez ditu beharrezko baimenak eskuratu: “Ekonomia zirkularrerako hondakinei eta lurzoru kutsatuei buruzko apirilaren 8ko 7/2022 Legearen 5. artikuluaren arabera, ekoitzitako materialearen hondakin izaera desagertu dela egiaztatzen duen dokumentazioa edukitzeko lanean ari gara”.
EHUko Ekopol ikerketa taldearen datuen arabera, Bizkaia da Euskal Herrian ingurumen inpaktu handiena eragiten duen lurraldea, guztizkoaren %52 izanda. Euskal Herrian ingurumen-inpaktu handiena duten 25 industria-instalazioen artean, Muskizeko Petronor petrolio-findegia da... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
Elkarrekin-Podemos taldeak informazioa eskatu du Eusko Legebiltzarrean, Lemoako Bistibietako zabortegian egon daitekeen hondakinen inguruan. Ekologistek sarritan salatu dute bertan gorde zituztela 2002an hondoratutako Prestige petroliontziak askatu eta euskal arrantzaleek itsaso... [+]
Lizentzia-eskaeran “hainbat artxibo osatu gabe zeudelako” obrak geldiarazteko dekretua sinatu du Muskizko alkate Edu Brionesek.
"Petronor eta Repsol dira Euskadin eta Espainiako Estatuan hurrenez-hurren CO2 gehien isurtzen duten konpainiak", salatu du Greenpeacek. "Gisa honetako ekitaldiak baliatzen dituzte haien irudia garbitzeko".
Azken hilabetetan izandako lan gatazketan auzipetuak izan diren beharginek agerraldia egin dute Eusko Jaurlaritzaren aurrean, langile borrokaren kriminalizazioa salatzeko. Mobilizazioak iragarri dituzte.
Bilboko auzitegiak "justifikazio gabekotzat" jo du Petronorrek pasa den maiatzean indarrean jarri zuen aldi baterako enplegu erregulazioa (ABEE). Enpresak adierazi du epaiari helegitea jarrriko diola.
Ekainaren 11tik 20ra greban daude Petronorreko langileak, zuzendaritzari Aldi Baterako Enplegu Erregulaziorako Espedientea erretira dezala exijitzeko. Mobilizazio egutegi indartsua antolatu dute langileek eta Bilboko beste hainbat enpresen borrokekin bat egiten ari dira... [+]
Bilboko portua eta Zorrotzaurre artean gasbide bate eraikitzeko makroproiektua aurkeztu dute 78 erakunde publiko eta pribatuk Euskalduna Jauregian. 2020 eta 2026 artean 1.300 milioi euro inbertitzea aurreikusten dute. Petronor-Repsol da proiektuaren sustatzaile nagusietakoa.
Petronor enpresak larunbat goizean informatu zuen Muskizen petrolio isuri bat izan zuela. Isurketa Barbadun ibaira iritsi zen hodi bateko zulo baten ondorioz. Inguruko faunan eraginak izan dituela salatu dute zenbait elkarte ekologistek.
Zertan da gaur egun klima aldaketa? Informazioa barra-barra dago eta hainbat bide har daitezke galderari erantzuteko. Horietako bat da Iñaki Petxarroman kazetariaren Ezezagunerako bidaia. Mundua, klima eta ekologia krisian liburua hartzea eta bidean abiatzea. Helmuga... [+]
Ignacio Zubiri EHUko Ekonomia katedraduna dugu bertoko fiskalitatea hobekien ezagutzen duten adituetako bat; bada, berak esan ohi du “enpresek gutxi ordaintzen dute, edo bat ere ez”. Borondate oneko baten batek pentsa dezake askotxo esatea dela, egunero ikusten... [+]