ARGIA.eus

2020ko uztailaren 14a

Pentsionisten borrokak bi urte bete ditu

  • Urtarrilaren 15ean bi urte beteko dira pentsionisten mugimendua mobilizatzen hasi zenetik. Nekatuta egotetik urruti, protestekin jarraitzeko asmoa eta indarra agertu dituzte.

ARGIA @argia
2020ko urtarrilaren 14a
Urtarrilaren 13an Bilbon egindako mobilizazioa (Argazkia: Ecuador Etxea)

Pentsionisten mugimendua eratzen hasi zenetik bi urte beteko dira asteazkenean. 2018ko urtarrialen 15ean WhatsApp bidez antolatutako deialdi batek abiatu zuen gaur arteko borroka; mezu bidez zabaldutako hitzordura gerturatu ziren hainbat pentsionista, Bilboko udaletxe parean pentsio duinak aldarrikatzeko. Ordutik, bi urte daramatzate astelehenero mobilizatzen, eta aspaldi da mugimendu forma hartu zutela.

Astelehen honetan ere mobilizazioak egin zituzten han eta hemen, eta argi adierazi dute mobilizazioekin jarraitzeko asmoa daukatela, izan asteleheneko elkarretaratzeen zein bestelako ekintzen bidez. Ildo horretan, gogorarazi dute urtarrilaren 30eko greba orokorrean parte hartuko dutela.

Gaur arteko ibilbideari erreparatuta, ondokoa azpimarratu du Bizkaiko Pentsionisten Mugimenduak: “Akituta, zapuztuta eta adoregabe ikusi nahi gintuzten, presio eta gezurren bitartez, baina ez dute lortu”. Bi urteren ostean, “mobilizazio eta bestelako ekimenez jositako 103 astelehen” eta gero, ilusioa eta indarrak mantentzen dituztela jakinarazi dute.

Bi urte hauetan egindako lorpen txikiek beren pentsioei hobekuntza gutxi batzuk ekarri badizkie ere, beren aldarrikapenei eusteko asmoa agertu dute. Eratu berri den Espainiako Gobernu berriari ere beren exijentziak helaraziko dizkiete. Eskuin muturrarekin gobernu eskuindar bat eratu ez izanagatik baikor agertu diren arren, beren eskakizunei entzungor eginez gero gobernu berriak parez pare izango dituela argi utzi dute.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Pentsioak  |  Euskal Herria

Pentsioak kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude