Pentsiodunek Gizarte Segurantzaren egoitza okupatu dute Lizarran
Elkarretaratzea egin ostean sartu dira administrazio publikoko bulegoetara eta okupatu egin dute denbora batez; urtarrilaren 30eko greba orokorraren aldeko kartelak eta oihuak jaurti dituzte.
Eratu berri den Espainiako Gobernuak pentsioak %0,9 igoko dituela agindu badu ere, erabaki horrek ez ditu inolaz ase pentsiodunak, eta Hego Euskal Herriko lau lurraldeetan mobilizazioak azkartu dituzte, U30eko greba orokorra begi-bistan. Nafarroan, gizarte segurantzaren aurrean elkarretaratu dira ostegun honetan hainbat tokitan.
Lizarran, elkarretaratzearen ostean gizarte segurantzaren egoitzan sartu da pentsiodun talde bat eta okupatu egin du U30ren eta 1.080 euroko gutxieneko pentsioen aldeko afixak eskuan: "Aginten duenak aginduta ere, gu beti pentsioen alde!" oihukatu dute.
Lizarran, Gizarte Segurantzaren egoitza barnera sartu dira pentsionistask eta greba batzordeko kideak. 💪#U30GrebaOrokorra #30ehuelgageneral #GrebaBatzordeak pic.twitter.com/OqIajFZO6y
— Karta Soziala Naf (@KartaSozialaNaf) January 16, 2020
Tuteran ere elkarretaratzea egin dute eta adierazpena irakurri dute amaieran, gizarte segurantzako "merkealdiak" kritikatzeko. Azaldu dutenez, pentsioak urtetik urtera murriztu egin dira etengabe eta gogorarazi dute ondorioz kotizaziopeko pentsioen batez bestekoa ez dela 1.000 eurora iristen eta pentsiodunen artean emakume eta gizonen arteko arrakala %35era iristen dela.
Hala, dei egin dute hurrengo mobilizazioetan parte hartzeko, bai urtarrilaren 30eko greba orokorrekoak eta baita Tuterako Plaza Berritik abiatuta urtarrilaren 24an egingo den manifestazioan ere.
Iazko urtarrileko greba orokorrean parte hartu zuen pertsona bat epaitu dute ostegunean Gasteizko Epaitegietan. Autoritatearen aurkako atentatua eta lesioak leporatzen dizkiote, eta hemezortzi hilabeteko espetxe-zigorra eta kalte ordainak eskatu. Euskal Herriko Eskubide Sozialen... [+]
Atzean geratu diren politika sozial eta ekonomiko okerrak aztertuz, Espainiako Estatuak berriki abiatutako aldaketaren euskal deklinazio baten beharra aldarrikatu nahi dugu, egungo blokeo egoera Euskal Herrian ere gaindituz.
Hego Euskal Herrian arrazoi soziolaboralak edo politikoak direla medio, greba orokor bat deitzeak bere jarduera guztia geldiaraztea bilatzen du. Batzuentzat urtarrilaren 30eko greba orokorra arrakastatsua izan da, eta beste batzuentzat porrota, bakoitzaren betaurrekoen arabera.
Hala salatu dute twitter bidez Burlatako hainbat eragilek. Burlatako greba komiteak deituta asanblada informatiboa egingo dute arratsaldean.