Greba eguna Piriniotan
Zaraitzu eta Erronkari Ibarrean grebaren inguruan talde hausnarketa bat egiteko elkartu gara. Goizeko hamarretan lan taldeak sortu ditugu, grebaren zergatia eta bertan proposatzen diren gaiak edo ikuspuntuak lantzeko.
Orokorrean amankomuneko ideia batzuk sortu dira, haien artean, lan prekarietatea, desoreka sozialak eta horien normalizazioa, eta beste hamaika arrazoi ugari daudela greba egiteko ere atera da. Beste alde batetik, mobilizazio dinamika indartu egin behar dela ikusi da, komunikabideetatik heltzen zaigun informazioa, dugun gizarte errealitatearekin bat egiten ez duelako. Piriniotan faltan bota dugu, aldez aurretik sindikatuak bertaratu ez izana grebaren inguruko informazioa emateko. Hala ere, gure aldetik ikusi dugu aurreko lanketa egitea beharrezkoa dela, gaurko egunaren gaiaren ikusgaitasuna bultzatzeko.
Piriniotan faltan bota dugu, aldez aurretik sindikatuak bertaratu ez izana grebaren inguruko informazioa emateko
Hausnarketaren ostean, greba egun honetan, zenbait ekintza garatzea erabaki da: pankartak egin eta herriz-herri banatu, mobilizazioak egin eta egindako ekintza guztien berri eman. Honetaz gain, greba talde bat sortu etorkizunera begira, horrelako egunetan, aldez aurretik bildu eta gizarteari informazioa emango diona.
Goizean egindako hausnarketa taldean, lanerako dinamika hauek garrantzitsuak direla aipatu da, gure artean informazioa lantzeko batez ere. Horregatik etorkizunera begira lan taldeak eta foro iraunkorrak eraikitzearen beharra ikusi da. Landa eremuetan grebaren dinamika berezitasun batzuk dituelako, greba egiteko modu desberdinak adierazten dituen dekalogo bat eraikitzearen beharra agertu da.
Gaurko greba mobilizazioan ondoko ekintzak bideratu dira:
- 10:00 Grebaren inguruko lan taldea Otsagabiako Zatalarrainas Kultur Zentroan.
- 13:00 Otsagabiatik Ezkarozera manifestazioa.
- 13:30 Ezkarozen kontzentrazioa.
- 17:30 Erronkariko Udaletxean kontzentrazioa.
Zorionak! Piriniotan ere greba orokorra posible egin duzuen guztioi!
Zaraitzu eta Erronkari Ibarrean grebaren aldeko taldea.
Iazko urtarrileko greba orokorrean parte hartu zuen pertsona bat epaitu dute ostegunean Gasteizko Epaitegietan. Autoritatearen aurkako atentatua eta lesioak leporatzen dizkiote, eta hemezortzi hilabeteko espetxe-zigorra eta kalte ordainak eskatu. Euskal Herriko Eskubide Sozialen... [+]
Atzean geratu diren politika sozial eta ekonomiko okerrak aztertuz, Espainiako Estatuak berriki abiatutako aldaketaren euskal deklinazio baten beharra aldarrikatu nahi dugu, egungo blokeo egoera Euskal Herrian ere gaindituz.
Hego Euskal Herrian arrazoi soziolaboralak edo politikoak direla medio, greba orokor bat deitzeak bere jarduera guztia geldiaraztea bilatzen du. Batzuentzat urtarrilaren 30eko greba orokorra arrakastatsua izan da, eta beste batzuentzat porrota, bakoitzaren betaurrekoen arabera.
Hala salatu dute twitter bidez Burlatako hainbat eragilek. Burlatako greba komiteak deituta asanblada informatiboa egingo dute arratsaldean.