Patxi Ruizek gose eta egarri grebari eusten dio Murtziako espetxean

  • Patxi Ruiz euskal preso politikoak bederatzigarren eguna darama protestan deus jan eta edan gabe. Astelehenean bere abokatuek ikusi zuten eta asko argaldu dela nabarmendu: 61 pisatzen ditu oraintxe 1,80 m luze den presoak. Ahuldade sintoma nabarmenak aipatu arren, presoak uko egin dio zainetik hidratatzeko espetxeak egin dion eskaintzari. Elkartasunezko mobilizazioak izan dira zenbait herritan.


2020ko maiatzaren 19an - 07:28
Patxi Ruizekiko elkartasunezko pintada Kataluniako karrika batean.

Amnistiaren Aldeko eta Errepresioaren Aurkako Mugimenduak (AEM) jakinarazi du Patxi Ruiz euskal preso politiko iruindarra bere protestan bukaera arte joateko prest dagoela eta edozein unetan hiltzeko arriskuan dagoela: "Kartzelak serum sarrera batera konektatzea eskaini dio baina Patxik uko egin dio aukera horri. Konfiantzako medikuak kartzelako medikuekin kontaktatzen saiatzen ari dira, baina orain arte ez dute erantzunik jaso. Patxiren bi abokatu atzo arratsaldean egon ziren berarekin, baita gaur goizean eta arratsaldean ere. Patxi ahul ikusi dute eta preso txantrearrak jakinarazi die bista enfokatzeko zailtasunak dituela, baina hala ere berean jarraituko duela".

Berria-k zabaldu duenez, Ainhoa Mejias eta Joseba Agudo abokatuek ikusi ahal izan zuten atzo presoa eta azaldu dute Ruizek erran diela ez dela joanen erizaindegira horretara behartzen duen auto judizialik egon ezean. Haren egoera larriaz ohartarazi du Mejiasek. «Konfiantzazko medikuak esan digu bihotzekoak eman diezaiokeela. Mingaina handia du; azala, horia». Ohartarazi du iristekotan ere beranduegi irits daitekeela auto judiziala. Espetxeko zuzendaritzak ez du abokatuekin bildu nahi izan.

AEMek salatu du kartze horretako "zuzendaritzaren jarrera zitala. Ez da jarrera berria, azken urteetan Murcia II presoen suizidio eta heriotza tasa altuenetakoa erregistratzen duen espainiar Estatuko kartzeletako bat baita". Oro bat salatzen du espetxeko medikuaren jarrera.

Murtzia II espetxean dagoen Iruñeko preso politikoak mehatxuak salatu zituen funtzionarioen partetik, maiatzaren 9an presoek euren egoeragatik protestatzeko egindako elkarretaratze baten ondoren. Hori dela-eta bere buruari zauriak egin zizkion beso batean eta astelehenean –maiatzak 11– gose eta egarri grebari ekin zion.

Patxi Ruizekiko elkartasunez beste presondegi batzuetako zenbait euskal presok ere barauldi eta bestelako protestak egin dituzte azken egunetan.


Kanal honetatik interesatuko zaizu: Euskal preso politikoak
Ezin dutenen alde, topa

Abenduaren 16tik 18rakoa ASTEBURUA izan du Euskal Herriak aurten, letra larriz, LABAko lagunek haien programazioaren kartelean iragarri zuten gisan. Gertakari historiko pare batekin zuen zita herritar arruntak: bueltan Hertzainak ostiral eta larunbatez BECen, eta Bertsolari... [+]


'Bi arnas' proiektuaren ziklo amaiera ospatu dute
"Torturak ama eta alabarengan sorturiko zauria arintzen lagundu du dokumentalak"

Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]


54 urteko espetxe eskaera sei pertsonarentzat presoen ongi etorriak antolatzea egotzita

Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.


Presoen Euskara Irakasleen Taldeak agur esan du

Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.


2024-04-24 | Estitxu Eizagirre
'Zenbat lo' liburua aurkeztu dute Asteasun
Kartzelako hormak zeharkatzen dituen ama-alaben arteko harremana hitz eta iruditara eramana

Nekane Txapartegi Suitzako kartzela barrutik eta alaba kanpotik, elkarri hamaika modutara maitasun mezuak helarazten. Horra Txalaparta argitaletxeko Zenbat lo liburuak jaso duen historia, Iraitz Lizarragaren hitzetan eta Izaro Lizarragaren ilustrazioetan. Iragan hurbileko... [+]


Eguneraketa berriak daude