Patxi Ezkiagak Legorretako “seme kuttun” izateari utziko dio, udalak hala erabakita

  • Legorretako Udalak ostiralean jakinarazi du Patxi Ezkiaga idazle eta elizgizonari herrian egindako goraipamen guztiak kenduko dizkiola. Ezkiagak Marisol Zamorari umetan egindako sexu erasoak publiko egin ondoren hartu du erabakia udalak. Beste hiru emakumek ere salatu dituzte Legorretako "herriko seme kuttun" izandakoaren sexu abusuak, El País egunkariak argitaratu duenez.


2024ko ekainaren 07an - 11:45
Iñigo Ibañez - Goierriko Hitza

Marisol Zamorak 8 urte zituenetik 13 urte bete bitartean behin eta berriz jasan zituen Legorretako Patxi Ezkiaga elizgizonaren sexu-erasoak. Honela zioen Zamorak: “Zortzi edo bederatzi urte izango nituenean hasi zen. Lehen oroitzapen gogor gisa, akordatzen naiz egun batean diapositiba batzuk jartzera etorri zela. Ilunpetan, bere hanken gainean esertzera behartu ninduen, eta fraidea zenez, inork ez zuen ikusten edo ez zuen ikusi nahi. Nire hankak irekita esertzen nintzen bere hanka baten gainean, eta denbora guztian nire belauna ukitzen, nire ipurdia, bizkarra. Genitalak ukitzen zizkidan hankarekin, hanka igurzten zuen, edo ni mugitzen ninduen, edo bera mugitzen zen, igurzteko. Esku batean proiektorearen agintea zerabilen, eta bestearekin ukitzen ninduen. Hori guztia, nire gurasoak gela berean zeudela”.

Zamorari egindakoa publiko egin ostean, beste hiru emakume batu dira salaketara eta haiek ere Ezkiagaren partez antzeko sexu-abusuak jaso izana salatu dute. Zamorak, Berrian egindako elkarrizketa batean, adierazi du Ezkiagaren sexu-abusuak jasan dituzten beste hamar emakume jarri direla harremanetan berarekin.

Horren harira, Legorretako Udalak ostiral honetan zabaldu duen oharrean "irmo gaitzetsi ditu" sexu-eraso oro, eta bereziki "adin txikikoei egindakoak". Patxi Ezkiaga Lasari urteetan hainbat goraipamen eta izendapen egin dizkionez Legorretako Udalak, oraingo udal gobernuak erantzukizuna bere eginez, "erreparaziorako bideak" ireki eta salaketa publiko egin duen Marisol Zamorari "babesa adierazi" dio. Hala, ondorengo hiru erabaki hartu ditu udalak. Batetik, Patxi Ezkiaga Lasari herriko seme kuttun izaera baliogabetzea. Bigarrenik, Patxi Ezkiaga Kultur Etxea hemendik aurrera Kultur Etxea soilik izatea. Eta azkenik,  Ezkiagaren omenez Etxezarreta auzoko parkean jarri zuten eskultura handik kentzea.

Legorretako Udalak Ezkiaga herriko seme kutun izendatu zuen 2002ko urriaren 26an, eta haren omenezko eskultura 2021eko abenduan jarri zuten Euskararen Nazioarteko Egunarekin batera. Patxi Ezkiaga 2018ko ekainean hil zen. Literatura sari asko irabazi zuen, eta batez ere poesia arloan nabarmendu zen.

Ezkiagaren omenezko eskultura. Argazkia: Goierriko Hitza.

Kanal honetatik interesatuko zaizu: Sexu Erasoak
21 urteko fisioterapeuta bat atxilotu dute Bilbon, emakume bati sexu erasoa egitea leporatuta

Atxilotuak astelehen goizean, ekainaren 17an, egin zuen sexu erasoa, pazientea belauneko lesio batetik artatzen ari zela, emakumeak salatu duenez. Atxilotua ertzain-etxera eraman zuten eta aske utzi zuten, Bilboko Guardiako Epaitegiaren esku geratu ondoren.


18 urteko gizonezko bat atxilotu dute Gasteizen sexu erasoa leporatuta

Adingabe bat bortxatu izana egozten zaio gazteari, zenbait komunikabideren arabera. Lakuabizkarra auzoan izan da erasoa, larunbatetik iganderako gauean, auzoko jaien testuinguruan. Kontzentrazioa egin dute erasoa gaitzesteko.


Kasik ehun ikaslek salatu dituzte Betharramgo ikastetxe katolikoan jasandako bortizkeria fisiko eta sexu indarkeriak

Berria egunkariak eman du salaketen berri, garai hartan bertan egondako ikasle batzuen lekukotasunak ere bilduz. 1960ko hamarkadatik 1990eko hamarkadaren bukaera artean gertaturiko indarkeria fisiko, sexu bortizkeria eta bortxaketei buruzko lekukotasunak bildurik,... [+]


Emakume bortxatuari babesa helarazteko elkarretaratzea egin dute Kanbon

Talde bortxaketa pairatu zuen Kanboko emakume batek, ekainaren 1a eta 2a arteko gauean. Emakumeari babesa adierazteko elkarretaratzea egin dute asteartean, 19:00etan, Kanboko herriko etxearen aurrean. Bertan indarkeria matxistari aski dela esatearekin batera, eraso orori... [+]


2024-05-30 | Hiruka .eus
Adingabeen sexu-erasoak salatzeko bide seguru eta eraginkorrak aldarrikatu dituzte Getxon

Europa ikastetxeko sexu-abusuak salatzeko eta umeei eta euren senideei babesa adierazteko elkarretaratze jendetsua egin dute asteazkenean, Getxon, Malakate parkean. Algortako Mugimendu Feministak deituta, deitoratu dute haurren kontrako indarkeria ez dela anomalia bat, eta... [+]


Eguneraketa berriak daude