Partiduak, pedofiloak, parrokiak
Partidu politikoak geroz eta tresna ulerkaitzagoak dira, eduki ezazu eskura instrukzio-manuala hartzen dituzten jarrerak ulertu nahi badituzu. Batez ere jarrera horiek kaka zahar bat direnean.
Adibidez: Juan Kruz Mendizabal apaizak hainbat umeri egindako sexu gehiegikerien kasua publikatu da eta EAJk egin duena ez duzu ulertuko alderdiaren izenean bertan dagoen argitxo hori, jainkoa-ta-lege-zaharra dioena, piztuta dagoela ikusten ez baduzu.
Iñigo Urkulluk esan du ez dagokiola berari gai horri buruz ezer esatea. Bai jarrera aurrerakoia erakunde publikoak eta Eliza bereiztea. A, ez, itxoin, pedofiloak publikoki ez kondenatu behar izateko egin du-eta.
Gainontzean, dena ondo: Euskal Erdiko lehendakaria Vatikanoan izan zen Mendizabalen kasua argitaratu eta hiru egunera, antza denez bakegintzarekin lotutako misioan. Agian horrek esplikatzen du zergatik pasa den ezker abertzalea ere gaiaren gainetik hanka puntetan.
Elizak botere handia baitu, eta ez da komeni harekin haserretzea horrelako umekeriengatik. Beti dago kontu inportanteagoren bat parrokianoekin sermoian aritzeko.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Asmatuz gero, ziur asko, eraginkorragoa da keinu bat, hitz bat baino. Zenbat bider esan eta ezeztatu dugu mila hitzek irudi batek baino gehiago balio dutela. Barkatu, alderantziz da. Ez da bakoitzak zenbat balio duen, da zertarako. Zerbait ulertzen burua bihurritu nahi... [+]
Etxe batean badira zenbait gune, gutxitan erakusten zaizkionak etxetarra ez den norbaiti. Esan trastelekua, ganbara, galdara gela, armairu bat. Askotan lurrazpiko etxeko oinean edo irisgarritasun gutxiko etxearen goialdean kokaturik dira. Etxearen txoko hauek lotsa,... [+]
Incel, cyberbullying, sexting, catfishing, ciberbating, doxxing, gaslighting, grooming, sextorisioa… Azkenaldian, gizakion jokabide ezkor guztiak eremu digitalean “tag-eatuak” izaten ari dira, badirudi eremu fisikoan genituen adierazpenek ez dutela balio... [+]
“Inoizko [EAEko] parlamenturik abertzaleena” vs. “Independentismoa minimo historikoetan dago”. Bi baieztapen horiek azken aldian entzuten ditugu, eta areagotu dira Araba, Bizkaia eta Gipuzkoan apirilaren 21ean izandako hauteskundeen ondotik. Bi esaldi... [+]